Nehemiya 8:1 - IBAYIBOLO 2024

¹ Abantu bosi bakabungana poka nu moyo ghoka palubinjilo kuntazi ukwa Mulyango uwa Mizi. Palapala u Ezila akamubuzya umusimbi ukuti ize ni Buku ilya Ndaghilo izya Mozesi zizyo u Mwene akabapa aba Izilayeli.

Nehemiya 8:1 Iomraidhean Croise

2 Abamwene 23:2

Akabuka ku Nyumba iya Mwene, poka na bantu aba mu Yuda, naba mu Yelusalemu, na baputi, sona na balaghuzi, kokuti ukwandila umwana umunandi mupaka usongo. Akababelengela amazyu agha mwi buku ilya lufingo, lilyo bakalyagha mu Nyumba iya Mwene.

2 Imbili 34:15

U Hilikiya akamubuzya u Shafani umusimbi akati, “Nalyagha Ibuku ilya Ndaghilo mu Nyumba iya Mwene. Po akamupa u Shafani ibuku lila.”

2 Imbili 34:30

Akabuka ku Nyumba iya Mwene, poka na bantu aba mu Yuda naba mu Yelusalemu na baputi naba Levi kokuti ukwandila umwana umunandi mupaka usongo. Akababelengela amazyu agha mwi buku ilya lufingo, lilyo bakalyagha mu Nyumba iya Mwene.

Ezila 7:1

Bo pachilapo amaka aminji nkani sona bo u mwene u Alitakiselesesi uwa Peleziya akulaghila, pakabapo umuputi yumo u Ezila umwana uwa Selaya, umwana uwa Azaliya, umwana uwa Hilikiya,

Ezila 7:10

U Ezila akiyipa nkani ubumi bwache bosi pakumanyila nukuzikonka Indaghilo izya Mwene, sona nukubamanyisya aba Izilayeli ivimanyisyo na malamulo agha Mwene.

Ezila 7:11

U mwene u Alitakiselesesi akamupa ukalata umuputi Ezila, yuyo akaba mumanyisi, pakuti akamanyila nkani amalamulo ni vimanyisyo vivyo u Mwene akabapa aba Izilayeli. Ukalata yula akaba ngati ulu:

Ezila 7:6

U Ezila yunuyu akanda ubulendo bwache mu Babiloni sona akaba mumanyisi pakuti akamanya nkani Indaghilo izya Mozesi, zizyo u Mwene u Chala uwa Izilayeli akamupa. U mwene akamupa ivintu vyosi vivyo akavilondagha, pakuti u Mwene u Chala wache akaba nawe.

Nehemiya 12:26

Bakabombagha imbombo yabo pakabalilo aka Yoyakimu umwana uwa Yeshuwa, umwizukulu uwa Yozadaki sona na pakabalilo aka Nehemiya, umulaghili uwa chisu sona nu muputi u Ezila, yuyo akaba musimbi.

Nehemiya 12:37

Bakadumusannya pa Mulyango uwa Chiziba nukukwela pamakwelelo agha Kaya akakulu nkani aka Devedi, pachikwezya icha lupaso sona bakadumusannya panyumba iya Devedi mupaka kubufumilo bwizuba ku Mulyango uwa Mizi.

Nehemiya 3:26

sona na babombi aba mu Nyumba iya Chala, babo bakikalagha pighamba iya Ofeli, bope bakazenga sona ichigaba ichakwenannya nu Mulyango uwa Mizi kubufumilo bwizuba, sona ni chitembe ichitali chila.

Nehemiya 8:16

Po abantu bakabuka pakudumula isamba nukuzengela ivisakasa palubinjilo ulwa nyumba zyabo ni ntanda zyabo sona nu lubinjilo ulwa Nyumba iya Chala sona nu lubinjilo ulwa pa Mulyango uwa Mizi sona napa Mulyango uwa Efulayimu.

Nehemiya 8:3

Akabelenga Ibuku ilya Ndaghilo lila umwakwivwika nkani pamaso pa banavuli na bakolo, na bantu abanji babo bangivwisya, babo bakabungana palubinjilo kuntazi ukwa Mulyango uwa Mizi ukwanda pandabindabi mupaka pamusanya. Abantu bosi bakateghelezyanga nkani bo Ibuku ilya Ndaghilo likubelengiwa.

Yesaya 8:20

Ululaghilo nu lusimikizyo nanti vitakunena amazyu ghanagha vite nulukozyo nalumo.

Aba Levi 9:5

Abantu bala bakiza pantazi pa Chisakasa icha Mwene ni vintu vyosi, vivyo u Mwene akamulamula u Mozesi. Po ichilundilo chosi chikapalamila nukwimilila palapala pamaso pa Mwene.

Malaki 4:4

“Mulukumbukaye ululaghilo ulwa mubombi wane u Mozesi, indaghilo na malamulo ghagho nkamupa pighamba ilya Sinayi ukuti ababuzye aba Izilayeli bosi.”

Matayi 13:52

Po akabamula akati, “Ichi chikung'anamula ukuti umumanyisi wesi uwa Ndaghilo yuyo akuba mumanyili mu Bumwene ubwa Kumwanya ayanite bulo nu mwenecho uwa nyumba, yuyo akuvyefyamo ivintu ivipya ni ivyakale muchipinda chache ichakusungilamo ivintu.”

Matayi 23:13

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukwighalila umulyango uwa Bumwene ubwa Kumwanya pamaso pabantu, po amwe mwebene mutakwinjilamo, pamo ukwitikizya babo bakuyezya ukwinjilamo.

Matayi 23:2

“Abamanyisi aba Ndaghilo naba Falisayi bapeghiwa ubulaghili ubwakung'anamula Indaghilo izya Mozesi.

Matayi 23:34

Po nkubabuzya ukuti nkwiza pakutuma abalaghuzi na bantu abamahala na bamanyisi. Bamo mukwiza pakubaghogha. Bamo ukubakomela pachipinjika nukubasyempa abamwabo munyumba izyakwiputilamo nukubachimbizyamo mukaya ukubuka mukaya akanji.

Ukukumbusya Amalamulo 31:11

bo aba Izilayeli bakwiza pamaso pa Mwene u Chala winyu pabuzilo ubwakwiputilapo bubo akwiza pakubusala. Ukwiza pakubabelengela ululaghilo lunulu bo bakuteghelezya.

Abalongi 20:1

Aba Izilayeli bosi aba mu Dani mupaka ku Belisheba, sona naba mu Giliyadi bakabungana poka pamaso pa Mwene mu Mizipa.

Abalongi 20:8

Abantu bosi bakimilila poka nukuti, “Atalipo nayumoyumo umuntu pakasi papitu uwakunyokela ku chisakasa chache pamo uwakubwela kunyumba.