Nehemiya 7:6 - IBAYIBOLO 2024

⁶ Aba bo bantu aba muchigaba, babo bakanyokako kubuzya, babo u mwene u Nebukadineza uwamu Babiloni akabalema pakuba bazya. Bosi bakanyokela ku Yelusalemu na kuchisu icha Yuda sona umuntu wesi akabwela kukaya kache akakulu,

Nehemiya 7:6 Iomraidhean Croise

2 Abamwene 25:11

U Nebuzaladani usongo uwa balindilili akabasendela abakusyala kuchisu icha buzya, abantu bamo babo bakaba bapina nkani mukaya akakulu nkani, poka na bafundi bosi sona na bantu babo bakamutoloka u mwene uwamu Babiloni.

Ezila 5:8

Wee mwene, uzimanye ukuti tukabuka kuchisu icha Yuda ku Nyumba iya Chala umukulu. Kulakula abantu bali pakuyizenga sona Inyumba na mabwe amakulu sona bakubika amatabwa muvibumba. Abantu bakwiyula nkani pambombo, umwakuti yikwenda akiza nkani.

Ezila 6:2

Po bakalyagha ibuku mukaya akakulu nkani aka Ekibatana muchigaba icha Medi. Ivi vyo vivyo vikasimbiwa mwibuku lila:

Nehemiya 1:3

Bakanyamula bakati, “Abantu babo bakasyala bumi nukunyokela ku chisu chabo bali muntamyo inkulu nkani sona bali pakusamuliwa nkani. Lope ulupaso ulwa kaya akakulu nkani aka Yelusalemu lwamongoliwa sona inyiyi zyache zyochiwa.”

Nehemiya 7:7

umwakulongoziwa nu Zelubabeli nu Yeshuwa nu Nehemiya nu Azaliya nu Lamiya nu Nahamani nu Molidikayi nu Bilishani nu Misipeleti nu Bigivayi nu Nehumu sona nu Baana. Ubwinji ubwa bantu aba mu Izilayeli bukaba bo ubu: