Nehemiya 7:2 - IBAYIBOLO 2024

² Nkamubika uwamwitu u Hanani poka nu Hananiya, usongo uwa basilikali ukuti enelezyanje akaya akakulu nkani aka Yelusalemu, pakuti akaba muntu umusubiliwa, sona akamunyilagha u Chala ukubachila abantu bosi.

Nehemiya 7:2 Iomraidhean Croise

Ubwandilo 42:18

Bo ghachilapo amasiku matatu u Yosefu akababuzya akati, “Ane ne muntu uwakumunyila u Chala, po mukwiza pakupona nanti mwabomba bulo ichintu ichi.

2 Samuweli 23:3

U Chala uwa Izilayeli akanena, Ilyalabwe ilya Izilayeli likanena nane likati, ‘Nanti umuntu akubalaghila abantu mubwanaloli nanti akubalaghila umwakumunyila u Chala,

1 Abamwene 18:12

Ntamenyeko kuko u Muzimu uwa Mwene akwiza pakubuka nawe, bo nepapo pano. Buli nanti nabuka pakumubuzya u Ahabu, po atakwaghapo, naloli atakwiza pakungogha? Ane ne mubombi wako namwiputagha u Mwene ukwanda ku bulumendo bwane.

1 Abamwene 18:3

U Ahabu akamwitizya u Obadiya yuyo akaba we songo uwakwenelezya kunyumba iya bumwene. U Obadiya akaba muntu uwa kumwiputa u Mwene.

Nehemiya 1:2

uwamwitu u Hanani akiza poka na bantu bamo aba mu Yuda. Po nkabalalusya nizya ba Yuda babo bakasyala bumi nukunyokako kubuzya sona nizya kaya akakulu nkani aka Yelusalemu.

Nehemiya 10:23

nu Hosheya nu Hananiya nu Hashubi

Nehemiya 13:13

Nkamusala umuputi u Shelemiya nu musimbi u Zadoki sona nu Pedaya umu Levi ukuti babanje bakapitawa aba vipinda ivyakusungilamo ivintu. Nkamusala sona u Hanani umwana uwa Zakuli, umwizukulu uwa Mataniya pakuba mwavwilizi wabo pachifukwa ichakuti abanavuli banaba bakaba basubiliwa nkani. Po bakapeghiwa imbombo iyakubagabila abakamu babo ivyakulya.

Nehemiya 2:8

Umpe sona ukalata uyunji ukuti imupe u Asafu, ukapitawa uwakwenelezya umusitu uwa mwene, ukuti ampe amatabwa aghakupangila intaliko izya milyango iya kaya akakulu nkani, kako kali papipi ni Nyumba iya Chala, na matabwa agha lupaso, sona ni nyumba yane yiyo nkwiza pakwikalamo.” Pachifukwa ichakuti u Chala akampelela ichisa, u mwene akampa vivyo nkamulaba.

Nehemiya 5:15

Loli abalaghili babo nkabapyana bakabanyamulizyanga abantu ukatundu umung'wamu nkani sona bakabafyenga abantu pakubika isalabazya 40 izya siliva pamwanya pa chakulya nu vinyo. Bope abambombo babo bakabanyamulizyanga abantu ukatundu umung'wamu, loli ane intakazibombapo nalumo, pachifukwa ichakuti nkamunyilagha u Chala.

Nehemiya 7:3

Nkababuzya nkati, “Mutakighulaye inyiyi izya kaya akakulu nkani aka pene papo kwapya. Bo abalindilili bachili bali pambombo, mwighalileko ni mpingwi. Mubasale abantu aba mu Yelusalemu pakuba balindilili, umwakuti bamo balindililaye mubuzilo bwabo sona abanji balindililaye papipi ni nyumba zyabo.”

Yobu 1:1

Muchisu icha Uzi mukabamo umuntu yumo yuyo akaba we Yobu. Umuntu yunuyu atakaba nakalema nakamokamo sona akaba mugholosu, umwakuti akamwiputagha u Chala nukuzinyila imbibi.

Masalimo 101:6

Nkwiza pakuba ni chisa na bantu abasubiliwa muchisu, umwakuti bikalaye poka nane. Wesi yuyo akwikala ubumi bubo bute ni chilema nachimochimo, akwiza pakumbombela.

Ukufuma 18:21

Loli usalepo abanavuli abamahala pakasi pabantu. Abanavuli banaba babanje bakumunyila u Chala, abasubiliwa, sona babo baghabengite amabeko, nukubimika pakuba balongozi ba tubukatila utwa bantu utwa 1,000 nutwa 100 nutwa 50 sona nutwa 10.

Daniyeli 6:4

Pachifukwa chinichi amakambala na balongozi bala bakanda pakumulondelezya ivifukwa u Daniyeli nizya mumo akalongozezya ichisu chila, loli bakapotwa. Batakamwaghapo ni chifukwa icha mabeko, pakuti akaba musubiliwa, akaghabenga nkani amabeko, sona atakabombaghapo chimo ichibibi.

Ukubelengiwa 12:7

Loli te momumo zibeleye nu mubombi wane umusubiliwa u Mozesi, yuyo namubika pakuba mulongozi uwa bantu bane aba Izilayeli.

Matayi 24:45

“Nkimba wewenu wambombo umusubiliwa nu wamahala? Weyuyo u mwene wache akumubika pakuba we songo uwa vintu vyache vyosi nukubapa abambombo abanji ichakulya pakabalilo akiza.

Matayi 25:21

Umwene wache yula akati, ‘Wabomba akiza, we wambombo umwiza nu musubiliwa! We musubiliwa patuntu utunandi, po ukwiza pakuba we songo uwa vintu ivikulu. Zagha kuno tusekelele poka!’

1 Aba Kolinti 4:2

Po ichintu chicho chikulondiwa na bakapitawa banaba, chakuti babanje basubiliwa.

2 Timoti 2:2

Ukanyivwa nkulumbilila ivintu vinivi pamaso pa bakaboni abinji. Polelo ubamanyisye ivintu vinivi abantu abasubiliwa, babo bope babamanyisye abantu abanji.