Nehemiya 7:1 - IBAYIBOLO 2024

¹ Bo ulupaso lula lwamala pakuzengiwa, nkabikilapo inyiyi na balindilili aba pamulyango, na bimbi sona naba Levi babo nkabasala.

Nehemiya 7:1 Iomraidhean Croise

2 Abamwene 7:10

Po bakabuka nukubitizya abalindilili aba pamilyango uwa kaya nukubabuzya ukuti, “Aswe tukabuka kuvisakasa ivya ba Siliya, po tutakamwaghako nayumoyumo umuntu. Ghope amazyu tutakaghivwapo, ifalasi ni mpunda zikaba mpinyilile, sona ivisakasa vikaba ngati mumo vikabela.”

2 Imbili 31:2

U Hezekiya akababika abaputi naba Levi mutubukatila ukuyana ni mbombo zyabo ukuti babikaye ivyakwiyipa ivyakocha ni vyakwiyipa ivyabupoka, nukwenelezya imbombo sona nukwimba inyimbo izya mapalo nizya kupalizikizya pamulyango uwa Nyumba iya Mwene.

Ezila 3:8

Mumwezi uwabubili uwa mwaka uwabubili bo biza ku Nyumba iya Chala mu Yelusalemu, u Zelubabeli umwana uwa Sheyalitiyeli nu Yeshuwa umwana uwa Yozadaki na bakamu babo bosi, kokuti abaputi naba Levi sona na bosi babo bakanyokako kubukayidi nukwiza Yelusalemu bakanda imbombo iya buzengi. Bakabasala aba Levi abakwandila amaka 20 pamo ukuchilapo ukuti benelezyanje imbombo iyakuzenga Inyumba iya Mwene.

Nehemiya 10:39

Aba Izilayeli poka na bana aba Levi bizaye ni vyakwiyipa vyabo ivya ngano nu vinyo umupya sona na amafuta agha misyunguti muvipinda ivyakusungilamo ivintu, mumo ivintu ivya Mubuzilo Ubuzelu vikusungiwamo sona mumo abaputi babo bakubomba imbombo na balindilili aba pamulyango sona na bimbi bakwikalamo. “Aswe tukwiza pakuyisungilila akiza Inyumba iya Chala witu.”

Nehemiya 11:3

Abalongozi aba muvigaba babo bakikalana mu Yelusalemu, kokuti aba Izilayeli, na baputi naba Levi na babombi aba mu Nyumba iya Chala na baluko ulwa bambombo aba Solomoni aba mutwaya utukulu utwa mu Yuda, umuntu wesi akikalagha pakaya kache mutwaya utukulu utwakulekanalekana,

Nehemiya 12:24

Abalongozi aba Levi bakaba bo aba: U Hashabiya nu Shelebiya nu Yeshuwa umwana uwa Kadimiyeli poka na bamwabo, babo bakimilila umwakwenannya nabo, umwakuti bamupalaye nukumupalizya u Chala, umwakupokelana, ukuyana namumo akalamulila u Devedi umubombi uwa Chala.

Nehemiya 6:1

Bo Sanibalati nu Tobiya nu Geshemu umu Alabu sona na balwani bitu abanji bosi, bivwa ukuti nazenga sona ulupaso nukwighalila mosi mumo mukamongonkana, napapo nkaba inchili intabikiye inyiyi pamilyango,

Nehemiya 6:15

Pakachilapo amasiku 52, po pisiku ilya 25 ilya mwezi uwa Eluli, ulupaso lula lukamala pakuzengiwa.

Nehemiya 6:19

Ukonjelezyapo, abantu bakambuzyanga imbombo inyiza izya Tobiya sona bope bakamubuzyanga zizyo nanena. Po u Tobiya akantumila abakalata ukuti anyoghofye.