Nehemiya 6:9 - IBAYIBOLO 2024

⁹ Abantu banaba bakalondagha bulo ukuti batoghofye nukwinong'ona ukuti, “Aba Yuda bakwiza pakutetema sona bakwiza pakuleka pakubomba imbombo, po batakwiza pakuyimalizya.” Loli nkiputa nkati, “Wee Chala, losi ulu mpanga amaka.”

Nehemiya 6:9 Iomraidhean Croise

2 Imbili 15:7

Loli amwe mujimbaye sona mutakawanje amaka, pakuti mukwiza pakupokela umuvwalo pa mbombo yiyo mukubomba.”

2 Imbili 32:18

Po bakanena zinizi umwakukolomoka mu Chihebeli ku bantu aba mu Yelusalemu babo bakaba palubumba, ukuti baboghofye nukubawisya amaka umwakuti bakafyule akaya kabo akakulu nkani.

Ezila 1:6

Abapalamani babo bosi bakabapa usiliva nu golide nu katundu ni vitekwa sona ni vyabupi ivyamutengo, pakonjelezya pa vyakwiyipa vivyo bakabapa mubwighane bwabo.

Nehemiya 6:14

Po nkiputa nkati, “Wee Chala wane, utakaluvyanje zizyo ukamubombela u Tobiya nu Sanibalati. Utakaluvyanje sona zizyo ukamubombela umulaghuzi umukolo u Nowadiya sona na balaghuzi abanji bosi, babo bakalondagha pakunyoghofya.”

Masalimo 138:3

Bo nakwitizya, ukanyamula, sona ukaghukazya umoyo wane na maka ghako.

Masalimo 56:3

Nanti ubogha bwandema, nkwiza pakukusubila wewe.

Masalimo 68:35

Wee Chala, we wakoghofya mubuzilo bwako ubuzelu nkani, sona u Chala uwa ba Izilayeli akubapa amaka abantu bache. U Chala apaliwanje.

Masalimo 71:1

Wee Mwene, awe we buzilo bwane ubwakuchimbililako. Utakitikizyanje nalumo ukuti nkoziwe isoni.

Yesaya 40:29

Akubapa amaka abadedebazu, nukubonjelezya amaka babo balitite.

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yelemiya 38:4

Po amakambala ghakamubuzya u mwene ghakati, “Umuntu yunuyu aghoghiwanje. Muntu yumo yuyo akubamala amaka abasilikali ababwite babo balekiwe mukaya akakulu nkani aka poka na bantu bosi, pa vintu vivyo akubabuzya. Umuntu yunuyu atakubalondela abantu ubwiza loli ko kubavulazya.”

Ezekiyeli 30:24

Nkwiza pakuzikazya inyobe izya mwene uwa muchisu icha Babiloni nukubika u panga munyobe zyache, loli nkwiza pakupyola inyobe izya Falabo sona akwiza pakukoloma pamaso papache ngati muntu yuyo avulaziwe nkani.

Zekaliya 10:12

Nkwiza pakubakazya abantu bane mwa Mwene, sona mwitabwa lyache bakwiza pakwenda.” U Mwene anena.

2 Aba Kolinti 12:9

Loli u Mwene akambuzya akati, “Ichisa chane chakuyana pakuti amaka ghane ghakuba ghakufikapo mumuntu umudedebazu.” Polelo muvintu vyosi nkwiza pakwituvya umwakuhoboka nizya budedebazu bwane, umwakuti amaka agha Kilisitu ghabanje papane.

Aba Efeso 3:16

Nkwiputa ukuti ukufuma mu bukabi bwache ubwa buchindamu angabapa amaka mwa Muzimu wache Umuzelu ukuti amoyo ghinyu ghabanje na maka

Aba Efeso 6:10

Ichabumalilo nkuti mwimaye nkani mwa Mwene, nukwimilila nkani mumaka ghache amakulu.

Aba Filipi 4:13

Ningabomba ichintu chosi ukwendela mumwache yuyo akumpa amaka.

Aba Hebeli 12:12

Polelo muzikazyanje inyobe zyinyu idedebazu, sona nukuvipa amaka ivimpevu vyinyu vivyo vikutetema.

1 Pitala 5:10

Loli bo mwayimbapo panandi, u Chala uwachisa, yuyo akubitizya pakugabana ubuchindamu ubwa bwila na bwila poka nu Kilisitu, akwiza pakubapyanizikizya papo, nukubavwa nukubakazya, sona nukubikazya palwalo ulukafu.

1 Samuweli 30:6

U Devedi akaba muntamyo inkulu nkani, pakuti chikabababa nkani abantu bache pachifukwa icha bana na bachi babo umwakuti bakalondagha pakumusumba na mabwe. Loli u Mwene, u Chala wache akamukazya.