Nehemiya 6:6 - IBAYIBOLO 2024

⁶ yuyo akasimbiwa ukuti, “Pali ipangwi pakasi pabantu babo te ba Yuda sona u Geshemu ansimikizya ukuti awe poka naba Yuda mukulonda pakusambuka. Ichi cho chifukwa muli pakuzenga sona ulupaso. Ukuyana ni pangwi ili chikulanjizya ukuti awe ukulonda pakuba we mwene wabo.

Nehemiya 6:6 Iomraidhean Croise

Ezila 4:12

Wee mwene, twalondagha uzimanye ukuti aba Yuda babo bizite kuno ukufuma kukwako babuka ku Yelusalemu. Losi ulu bali pakuzenga sona akaya akakulu nkani akakusambuka na kabibi kala. Bali pakuzenga sona ulupaso nu lwalo.

Ezila 4:15

umwakuti ulondelezye vivyo visimbiwe mumabuku agha mbili iya bamwene babo bakalaghilagha kwisinda. Mumabuku ghanagha ukwiza pakwagha ukuti akaya akakulu nkani kanaka ko kakusambuka sona kabapelela nkani intamyo abamwene na muvigaba ukwanda ko kubwandilo. Ichi cho chifukwa akaya akakulu nkani kanaka kakamongoliwa.

Nehemiya 2:19

Loli bo u Sanibalati uwamu Holoni nu Tobiya umu Amoni, sona nu Geshemu umu Alabu bivwa zinizi, bakatuseka nukutobezya ukuti, “Nkimba mukubomba ichoni? Nkimba mumusambukiye u mwene?”

Nehemiya 6:13

Bakamubeka ukuti anyoghofye umwakuti inange nanti nabomba bunubu, umwakuti banangannye imbili yane.

Nehemiya 6:5

Po aka fayivi u Sanibalati akantumila intumi iyinji nu kalata, loli ukalata yula akaba mwighule,

Nehemiya 6:7

Awe wabimika abalaghuzi ukuti bafumusyanje mu Yelusalemu nizya awe ukuti, ‘Ichisu icha Yuda chili nu mwene!’ U mwene akwiza pakwivwa ipangwi ili, po zagha tunenezannye.”

Yelemiya 20:10

Nkubivwa abinji bakuteketa bakuti, “Ukoghofya kuli imbazu zyosi! Mumulongelele! Zagha tumulongelele!” Na bamanyani bane bosi bakulindilila ukuti ingwilemo bakuti, “Lumo angazimbuliwa, po tungamulema nukumutanizya ububibi.”

Matayi 5:11

“Mwe basayiwa, nanti abantu bakubatuka, bakubavwima nukubatamantila ivintu vyosi ivibibi pachifukwa ichakuti mwe bakonki bane.

Luka 23:2

kuko bakanda pakumutamantila ukuti, “Tukamwagha umuntu yunuyu akubasovya abantu bitu, akubakanizya pakusonka umusonko kwa Kesale, nukwinena mwene ukuti we Kilisitu, sona we Mwene.”

Yohani 19:13

Bo u Pilati ivwa amazyu ghanagha, akafuma kuzi nu Yesu, akikala pachitengo ichakulongelapo inongwa pabuzilo bubo bukwitiziwa ukuti, “Ulwalo ulwa mabwe.” (Mu Chihebeli kokuti, “Gabata.”)

Aba Loma 3:8

Po choni chicho tutakunena ukuti, “Zagha tubombe ivibibi ukuti ubwiza bwize”? Naloli abantu bamo bakutusamula pachifukwa ichakuti tukunena ivintu vinivi! Abantu banaba bafundiwanje nkani.

2 Aba Kolinti 6:8

Twalanjizya ukwendela mu buchindamu nu musamu; ukwendela mu ntuko na mapalo, loli pope bulo tukunena ubwanaloli.

1 Pitala 3:16

Umabyebye winyu abanje mololo, umwakuti abantu babo bakubatuka pachifukwa icha nkalo yinyu inyiza mwa Kilisitu bakoziwe isoni pa vivyo bakunena.