Nehemiya 6:2 - IBAYIBOLO 2024

² u Sanibalati nu Geshemu bakantumila amazyu aghakuti, “Zagha tukomane mukaya kamo mwikombe ilya Ono.” Loli bakalondagha pakumbombela chimo ichintu ichibibi.

Nehemiya 6:2 Iomraidhean Croise

2 Samuweli 20:9

U Yowabu akamulamuka u Amasa akati, “Wee wamwitu, mwaghona?” Po u Yowabu akazilema indevu izya Amasa ni nyobe yache indilo ukuti amufyofyonte.

2 Samuweli 3:27

Bo u Abinala anyokela ku Hebuloni, u Yowabu akamusendela papipi nu mulyango uwa kaya kala ngati po akulonda pakunenezannya nawe kubusyefu. Po kulakula akamughogha ukutanizya ubufwe ubwa wamwabo u Asaheli. U Yowabu akamulasa palwanda, po akafwa.

1 Imbili 8:12

U Elipali akapapa u Ebeli nu Mishamu sona nu Shemedi. U Shemedi weyuyo akazenga akaya akakulu aka Ono naka Lodi poka nutwaya twache utupalamani.

Nehemiya 11:35

naka Lodi naka Ono sona na mwikombe ilya bafundi.

Nehemiya 3:22

Pakakonkapo abaputi, babo bakazenga sona ichigaba ichipalamani.

Nehemiya 6:3

Po nkatuma intumi pakubabuzya ukuti, “Ane indi pakubomba imbombo inkulu nkani sona ntangabukako. Ane intangalekelezya imbombo ukuti nize pakukomana namwe?”

Masalimo 12:2

Umuntu wesi akutamanta ku mupalamani wache, sona akumuzimbula na mazyu amanonu.

Masalimo 37:12

Ababibi bakubatika pakubabombela abagholosu ivintu ivibibi, sona bakubamemenela amino.

Masalimo 37:32

Abantu ababibi bakubavwamilila abagholosu, pakubulondelezya ubumi bwabo.

Umulumbilili 4:4

Po nkazyaghannya ukuti imbombo zyosi inkafu sona ni mbombo izya bwafundi zikubombiwanga pachifukwa icha kabini kako umupalamani ali nako pa wamwabo. Vyope vinivi vite ni mbombo, sona ko kuyimba bulo.

Yelemiya 41:2

u Ishimayeli umwana uwa Netaniya sona na banavuli 10 babo bakaba nawe bakawesa upanga wabo nukumughogha u Gedaliya umwana uwa Ahikamu, umwana uwa Shafani, nukumughogha nupanga umuntu yuyo u mwene uwa ku Babiloni akamusala pakuba we mulaghili uwa chisu.

Ezekiyeli 33:31

Abantu bane bakwiza kukwako ngati mumo bakubombelagha bwila, nukwikala pantazi papako pakuteghelezya amazyu ghako, loli batakughabombezya imbombo. Namalomo ghabo bakunena amazyu agha lughano, loli abene bakulonda ko kukaba bulo.