Nehemiya 6:13 - IBAYIBOLO 2024

¹³ Bakamubeka ukuti anyoghofye umwakuti inange nanti nabomba bunubu, umwakuti banangannye imbili yane.

Nehemiya 6:13 Iomraidhean Croise

Nehemiya 6:12

Po nkazyaghannya ukuti atakaba we Chala yuyo akamutuma, loli akalaghula umwakususannya nane pachifukwa ichakuti u Tobiya nu Sanibalati bo babo bakamubeka.

Nehemiya 6:6

yuyo akasimbiwa ukuti, “Pali ipangwi pakasi pabantu babo te ba Yuda sona u Geshemu ansimikizya ukuti awe poka naba Yuda mukulonda pakusambuka. Ichi cho chifukwa muli pakuzenga sona ulupaso. Ukuyana ni pangwi ili chikulanjizya ukuti awe ukulonda pakuba we mwene wabo.

Ivyili 22:1

Inkalo inyiza yibuchilite ubukabi ubwinji, chizapo pakuba nu muchizi, ukuchila pakuba nu siliva nu golide.

Ivyili 29:5

Umuntu yuyo akumuchevya umupalamani wache, akwitegha mwene muchipingo.

Umulumbilili 7:1

Inkalo inyiza nyizapo nkani ukuchila amafuta aghakununkila, sona isiku ilyakufwila lyizapo nkani ukuchila isiku ilyakupapiwa.

Yesaya 51:7

Nteghelezya, amwe mwe mubumenye ubugholosu, amwe mwe bantu mwe muli nu lulaghilo lwane mumoyo ghinyu. Mutakaghunyilaye umusamu uwa bantu pamo intuko zyabo.

Yesaya 57:11

U Mwene akuti, “Nkimba wewenu yuyo mukamunyilagha, nukumutetema ukuti muzimbulaye, mutakunkumbuka pamo ukumbikilako umoyo? Nkimba te chifukwa ichakuti nkaba myee akabalilo akatali, ukuti mutakanyilaye?

Yelemiya 1:17

“Loli awe Yelemiya, wiyannye. Nyamuka, ubabuzye zyosi zizyo nkukulamula. Utakabanyilaye pamo ukuti ningakoghofya pamaso papabo.

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Yelemiya 20:10

Nkubivwa abinji bakuteketa bakuti, “Ukoghofya kuli imbazu zyosi! Mumulongelele! Zagha tumulongelele!” Na bamanyani bane bosi bakulindilila ukuti ingwilemo bakuti, “Lumo angazimbuliwa, po tungamulema nukumutanizya ububibi.”

Ezekiyeli 2:6

Sona nawe we mwana uwa muntu utakabanyilaye, utakanyilaye, napapo abantolovu namivwa vikuzyunguliye sona ukwikala pakasi pabankonya. Utakanyilaye zizyo bakunena pamo bakukoghofya, napapo abamunyumba iyakusambuka.

Matayi 10:28

Mutakabanyilaye abantu babo bakughogha umubili, loli batangaghogha umuzimu. Nkaninkani mumunyile u Chala yuyo anganangannya vyosi umubili nu muzimu mu Gehena.

Matayi 22:15

Aba Falisayi bakabuka nukwivwana mumo bangamuteghela u Yesu pakumulalusya.

Matayi 26:59

Abaputi abasongo na balongi bosi bakayezya pakubwagha ubwakaboni ubwabumyasi ubwakumughoghela u Yesu.

Imbombo 6:13

Po bakiza na bakaboni abamyasi ukuti bamutamantile u Sitefani, babo bakanena bakati, “Umuntu uyu akabalilo kosi akuyisamula Inyumba iya Chala, sona ni Ndaghilo izya Mozesi.

2 Aba Kolinti 11:12

Sona chicho nkubomba nkwiza pakwendelela pakuchibomba, umwakuti intakabape ulusako abatumiwa abanji bala ulwakwituvikizya nukuti bakubomba vivyo aswe tukubomba.

1 Timoti 5:14

Polelo nalondagha ukuti ngali abafwilwe abachilindu basendiwe nukupapa abana nukusungilila akiza inyumba zyabo. Po abalwani bitu batakwiza pakulwaghilapo ulusako ulwakutunena ububibi.

2 Timoti 1:7

Pakuti u Muzimu yuyo u Chala akatupa, atakutupela pakuba bogha, loli weyuyo akutupa amaka nu lughano, sona nukwilema.

Titi 2:8

Ineno yako yibanje yanaloli yiyo abantu batangayisusya, umwakuti isoni zibalemaye abalwani bako, bo bapotwa pakuchagha ichibibi chimo ichakuti batunene aswe.

Yakobo 4:17

Polelo umuntu wesi yuyo abumenye ubwiza bubo angabubomba, loli atakububomba, kokuti akunanga.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”