Nehemiya 6:11 - IBAYIBOLO 2024

¹¹ Loli nkamula nkati, “Nkimba ane ne muntu uwakuti ningachimbila? Nkimba ane ne muntu uwakuti ningavwama mu Nyumba iya Chala, ukuti impone? Awe intakubukako!”

Nehemiya 6:11 Iomraidhean Croise

Nehemiya 6:12

Po nkazyaghannya ukuti atakaba we Chala yuyo akamutuma, loli akalaghula umwakususannya nane pachifukwa ichakuti u Tobiya nu Sanibalati bo babo bakamubeka.

Nehemiya 6:3

Po nkatuma intumi pakubabuzya ukuti, “Ane indi pakubomba imbombo inkulu nkani sona ntangabukako. Ane intangalekelezya imbombo ukuti nize pakukomana namwe?”

Nehemiya 6:9

Abantu banaba bakalondagha bulo ukuti batoghofye nukwinong'ona ukuti, “Aba Yuda bakwiza pakutetema sona bakwiza pakuleka pakubomba imbombo, po batakwiza pakuyimalizya.” Loli nkiputa nkati, “Wee Chala, losi ulu mpanga amaka.”

Masalimo 112:6

Naloli atakwiza pakuyingana nalumolumo, umuntu umugholosu atakuluviwapo nalumo.

Masalimo 112:8

Umoyo wache mujivu, sona ate nubogha, pabumalilo pache, akubennya abalwani bache bo bapotwa.

Ivyili 28:1

Umuntu umubibi akuchimbila mwene bo nayumoyumo akumuchimbizya, loli umugholosu akubanga mujivu ngati nkalamu.

Umulumbilili 10:1

Imbwele imfwe zikughapela amafuta aghakununkila pakuba nu munusi umubibi, umwakuyana bulo ubupunganu ubunandi bulo bungaghanangannya amahala nu muchizi.

Yesaya 10:18

Ubuchindamu ubwa misitu yache nu muvundo uwa mumaghunda ghache ghukwiza pakunanganikila zila, po pakwiza pakuba ngati mumo umuntu umubine akughandila.

Ukubelengiwa 3:10

Umusale u Aloni na bana bache umwakuti babombaye imbombo iya buputi. Loli umuntu bulo yuyo akupalamila kupipi nu buzilo ubuzelu, aghoghiwanje.”

Imbombo 20:24

Loli intakupasyapo nizya bumi bwane ukuti bwapamwanya kukwane. Pakuti chicho nkulonda chakuti imalizye imbombo yane, sona nu butumiwa bubo u Mwene u Yesu akampa ubwakulumbilila Amazyu Amiza aghakunena nizya chisa icha Chala.

Imbombo 21:13

Loli u Pabuli akamula akati, “Nkimba choni chicho mukulila nukumpa ichitima? Intiyanizye kwene pakupinyiwa, loli na pakufwa bulo mu Yelusalemu pachifukwa icha Mwene u Yesu.”

Imbombo 8:1

Po u Sabuli akaba palapala pakusimikizya nizya kughoghiwa ukwa Sitefani. Isiku lilalila ichipanga mu Yelusalemu chikanda pakuvwimiwa nkani. Abitiki bosi ukwefyako abatumiwa, bakanyampana muvigaba vyosi ivya Yudeya nu Samaliya.

Aba Filipi 2:17

Loli napapo ibanda lyane likwiza pakukupuliwa pachakwiyipa chicho ulwitiko lwinyu lukupa kwa Chala. Polelo nkuhoboka nkani, sona nkusekela poka namwe.

Aba Filipi 2:30

pakuti akaba papipi nukufwa pachifukwa ichakumubombela u Kilisitu. Akabika ubumi bwache pachulu ukuti anyavwe ivintu vivyo amwe mukapotwa pakunyavwa.

Aba Hebeli 11:27

Lukaba lwitiko lulo lukamupela u Mozesi ukwepamo mu Ijiputi ukusita ukunyila ubukali ubwa Mwene, pakuti akajimba nkani ngati muntu yuyo akamwennyanga u Chala umusita ukuboneka na maso.

1 Samuweli 19:5

Akabika ubumi bwache pachulu pakughogha umu Filisiti yula. U Mwene akabomba ivintu ivikulu nkani ukuti aba Izilayeli bapote ubwite. Awe ukavyennya vinivi, sona ukahoboka nkani navyo. Po nkimba choni chicho ukulonda pakumubombela ichintu ichibibi umuntu umusita nongwa pakulonda ukumughogha u Devedi?”