Nehemiya 5:9 - IBAYIBOLO 2024

⁹ Po nkababuzya sona nkati, “Ivintu vivyo mukubomba te vyiza, awe. Nkimba mutangamunyila u Chala umwakuti abalwani bitu babo te ba Yuda batakatusamulaye?

Nehemiya 5:9 Iomraidhean Croise

Ubwandilo 20:11

U Abulahamu akamula akati, “Nkinong'onagha ukuti ataliko nayumoyumo umuntu kuno uwakumunyila u Chala, sona nukuti bakwiza pakungogha pachifukwa icha muchi wane.

Ubwandilo 42:18

Bo ghachilapo amasiku matatu u Yosefu akababuzya akati, “Ane ne muntu uwakumunyila u Chala, po mukwiza pakupona nanti mwabomba bulo ichintu ichi.

2 Samuweli 12:14

Awe wamusamula nkani u Mwene pakubomba bunubu, po umwana wako yula akwiza pakufwa.”

Nehemiya 4:4

Po nkiputa nkati, “Wee Chala witu, ivwa namumo abantu aba bakutusamulila. Po ubatanizye nu musamu wabo sona bafyuliwanje ukatundu wabo wesi nukulemiwa pakuba bakayidi kuchisu ichiyeni.

Nehemiya 5:10

Nane bulo na bawamwitu sona na bambombo bane tukubakopezya abantu indalama ni ngano. Po muleke pakubanyosezya indalama izyakukabilapo pandalama zizyo bakopa.

Nehemiya 5:15

Loli abalaghili babo nkabapyana bakabanyamulizyanga abantu ukatundu umung'wamu nkani sona bakabafyenga abantu pakubika isalabazya 40 izya siliva pamwanya pa chakulya nu vinyo. Bope abambombo babo bakabanyamulizyanga abantu ukatundu umung'wamu, loli ane intakazibombapo nalumo, pachifukwa ichakuti nkamunyilagha u Chala.

Masalimo 90:11

Nkimba wewenu yuyo abumenye ubukalale ubwa maka ghako? Nkimba wewenu akumenye ukunyila ukwa bukali bwako?

Ivyili 16:29

Umuntu uwalombwa akumusovyanga umupalamani wache, sona akumulongozezya muzila imbibi.

Ivyili 17:26

Te chiza pakumufunda umuntu umusita nongwa, pamo ukubakoma abantu abiza.

Ivyili 18:5

Chite chiza pakumulongela umuntu umubomba mbibi, pamo ukusita ukumupa ubulongi ubwa naloli umugholosu.

Ivyili 19:2

Te chiza ukuti umuntu abanje nu lweke bo ate na mahala, pamo ukwenda lubilolubilo nukupulumpa.

Ivyili 24:23

Ivi sona vyo vyili ivya mahala: Te chiza pakulonga inongwa umwakwennya icheni.

Ezekiyeli 36:20

Sona kosi kuko bakabuka nukufika pakasi pa inko, bakalinyazya itabwa lyane izelu, pakuti zikaneniwa kukwabo ukuti, ‘Aba bantu aba Mwene, loli pope bulo bakachileka ichisu chache.’

Aba Levi 25:36

Mutakapokelaye indalama izyakukabilapo, loli mumunyilaye u Chala winyu, umwakuti umu Izilayeli uwamwinyu endelele pakwikala namwe.

Imbombo 9:31

Po ichipanga icha mu Yudeya, mu Galileya, na mu Samaliya chikaba na kabalilo akamutende nukwendelela pakumwiputa u Mwene. U Muzimu Umuzelu akachikazya nukuchavwa pakukula, po chikaba ichakumunyila u Mwene.

Aba Loma 2:24

Pakuti Amasimbo ghakuti, “Pachifukwa icha mwemwe mwe ba Yuda, abantu babo bate ba Yuda bakumusamula u Chala.”

1 Timoti 5:14

Polelo nalondagha ukuti ngali abafwilwe abachilindu basendiwe nukupapa abana nukusungilila akiza inyumba zyabo. Po abalwani bitu batakwiza pakulwaghilapo ulusako ulwakutunena ububibi.

Titi 2:5

Ubamanyisyanje ukuti babanje bantu abakwilema, na bazelu, sona nukuba bakolo abakusungilila akiza inyumba zyabo, babo bololo, sona bakwivwila abalume, umwakuti nayumo umuntu atakaghasamule amazyu agha Chala.

1 Pitala 2:12

Inkalo yinyu pakasi pabantu abakuzi yibanje nyiza nkani, umwakuti bo bakubatamantila ukuti mwe bantu ababibi, bazyaghannye imbombo zyinyu inyiza. Po bakwiza pakumuchindika u Chala pisiku ilya kwiza kwache.

1 Samuweli 2:24

Awe, bana bane! Ipangwi lilyo likusata pakasi pabantu aba Mwene te lyiza.