Nehemiya 5:4 - IBAYIBOLO 2024

⁴ Abanji sona bakatinji, “Aswe twakopa indalama ukuti tusonke umusonko kwa mwene pachifukwa icha maghunda ghitu na maghunda ghitu agha mampesya.

Nehemiya 5:4 Iomraidhean Croise

1 Abamwene 9:21

kokuti abaluko lwabo bo babo bakasyala muchisu chila. Aba Izilayeli bakapotwa pakubazimizya po u Solomoni akababombezya abantu banaba imbombo izyakufyenga bulo ngati mumo zibeyele nilelo bulo.

Ezila 4:13

Wee mwene, uzimanye sona ukuti nanti akaya akakulu nkani kanaka kazengiwa poka nu lupaso lwache, abantu banaba batakwiza pakusonka nalumo umusonko pamo ukubika ivyabupi ni vintu ivinji vyosi, po kunyambi iya bumwene kutakwiza pakubako indalama nazimozimo.

Ezila 4:20

Mu Yelusalemu mwame abamwene abamaka babo balaghilagha kwisila ilya lusoko ulwa Yufuleti sona abantu batakasonkagha umusonko nukubika ivyabupi sona ni vintu ivinji.

Ezila 7:24

Uzimanye sona ukuti awe ute nu bulaghili nabumobumo pakubasonkezya umusonko abantu, pamo ukusangulizya ivyabupi ni vintu ivinji ukufuma ku baputi naba Levi na bimbi na balindilili aba pamulyango sona na babombi aba mu Nyumba iya Chala pamo abambombo abanji bosi aba mu Nyumba iya Chala yiniyi.

Nehemiya 5:3

Po abanji sona bakatinji, “Aswe tukubika amaghunda ghitu nagha mampesya sona ni nyumba zyitu pakuba chikole, umwakuti tuyaghe ingano pakabalilo aka zala aka.”

Nehemiya 9:37

Pachifukwa icha mbibi zyitu, ivyakulya ivyinji ivya muchisu chilachila vikupeghiwa ku bamwene babo bakutulaghila. Bakughalaghila amabili ghitu sona ni ng'ombe zyitu ukuyana namumo bakulondela. Naloli aswe tuli muntamyo inkulu nkani.

Ivyili 22:7

Abantu abakabi bakubalaghila abantu abapina, sona umuntu yuyo akukopa akubanga muzya uwa yuyo akumukopezya.

Yoshwa 16:10

Aba Efulayimu batakabachimbizyamo aba Kenani, babo bakikalagha mu Gezeli, umwakuti mupaka nilelo bulo aba Kenani bachili bakwikala pakasi paba Efulayimu. Loli bakufyengiwa pakubomba imbombo iya buzya.