Nehemiya 4:7 - IBAYIBOLO 2024

⁷ Loli bo u Sanibalati nu Tobiya naba Alabu naba Amoni sona naba Ashidodi bivwa ukuti imbombo iyakuzenga sona ulupaso mu Yelusalemu yikendagha akiza nkani sona nukuti twazenga mosi mumo mukamongonkana, bakakalala nkani.

Nehemiya 4:7 Iomraidhean Croise

Ubwandilo 3:15

Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.”

2 Abamwene 24:2

U Mwene akatuma amavyondongo agha mu Babiloni nagha mu Siliya nagha mu Mowabu sona nagha mu Amoni pakuchinangannya ichisu icha Yuda, ukuyana namumo u Mwene akababuzizya ababombi bache abalaghuzi.

2 Imbili 20:1

Pakabalilo kamo aba Mowabu naba Amoni poka naba Mebuni bamo, bakiza pakulwa ubwite nu Yehoshafati.

Ezila 5:8

Wee mwene, uzimanye ukuti tukabuka kuchisu icha Yuda ku Nyumba iya Chala umukulu. Kulakula abantu bali pakuyizenga sona Inyumba na mabwe amakulu sona bakubika amatabwa muvibumba. Abantu bakwiyula nkani pambombo, umwakuti yikwenda akiza nkani.

Nehemiya 2:10

Loli bo u Sanibalati uwamu Holoni nu Tobiya umu Amoni bivwa zinizi, batakahoboka pakwennya ukuti umuntu yumo izite pakubabombela aba Izilayeli ivintu ivyiza.

Nehemiya 2:19

Loli bo u Sanibalati uwamu Holoni nu Tobiya umu Amoni, sona nu Geshemu umu Alabu bivwa zinizi, bakatuseka nukutobezya ukuti, “Nkimba mukubomba ichoni? Nkimba mumusambukiye u mwene?”

Nehemiya 4:1

Bo u Sanibalati ivwa ukuti tukazengagha ulupaso, akakalala nkani. Po akanda pakubasamula nkani aba Yuda

Nehemiya 4:6

Po tukazenga sona ulupaso lula mupaka tukafika pakasi na pakasi ukukwela mumwanya, pachifukwa ichakuti abantu bakiyula nkani pambombo.

Nehemiya 4:8

Po bosi bakabatika ukuti bize pakulwa ubwite nakaya akakulu nkani aka Yelusalemu nukukavulungannya.

Nehemiya 6:16

Bo abalwani bitu bosi, sona ninko impalamani bivwa zinizi, bakanyila nkani, sona amaka ghakabawila, pachifukwa ichakuti bakazyaghannya ukuti u Chala akaba weyuyo akatwavwa pakubomba imbombo yiniyi.

Yelemiya 25:20

poka na bantu bosi abayeni babo bali mulamula, ku bamwene bosi aba mu Uzi, ku bamwene bosi aba mu Filisiti, abantu bosi aba mu Ashikeloni, naba mu Gaza naba mu Ekiloni, sona na bosi babo bakasyalikila mu Ashidodi,

Yelemiya 41:10

U Ishimayeli akabalema abantu bosi babo bakasyalikila ku Mizipa: Abana abalindu abamwene poka na bosi babo bakasyalikila kulakula. U Nebuzaladani umulongozi uwa balindilili akabasalila u Gedaliya umwana uwa Ahikamu. U Ishimayeli umwana uwa Netaniya akabasenda pakuba bazya, akaloboka pakubuka kuchisu icha bantu abaluko ulwa Amoni.

Amosi 1:13

U Mwene akuti, “Pakuti abantu aba mu Amoni bakunanga kabilikabili, po ane ntakwiza pakubwisya ubukali bwane. Pachifukwa ichakuti bakabatumbula akabibi abakolo abanyanda aba mu Giliyadi, umwakuti babanje ni chisu ichikulu nkani.

Amosi 1:8

Nkwiza pakumunangannya u mwene uwamu Ashidodi, sona na yuyo akulaghila mu Ashikeloni. Nkwiza pakubafunda abantu aba mu Ekiloni, mupaka aba Filisiti bamale bosi pakufwa.” U Mwene Uwamaka Ghosi anena.

Amosi 3:9

Lumbilila mumalinga agha mu Ashidodi, sona na mumalinga agha mu Ijiputi: “Bungana mumaghamba agha mu Samaliya, umwakuti mwennye ukuvulungana ukukulu nkani, nukuyiviwa kuko kuli pakasi pabantu.”

Imbombo 5:33

Bo abalongi bivwa zinizi, bakakalala nkani mupaka nukulonda ukuti abatumiwa bala baghoghiwe.

Ubuvumbuli 12:17

Inyivwila yikamukalalila umukolo yula, po yikabuka pakulwana na baluko lwache abanji bosi babo bakasyalako, babo bakukonka amalamulo agha Chala, sona basubiliwa aba bwanaloli bubo bukavumbuliwa nu Yesu.

1 Samuweli 11:2

Loli u Nahashi akamula akati, “Nkwiza pakufingana namwe ulufingo, pene papo nanti namukolompola umuntu wesi ilyiso ilyandilo, umwakuti imbakozye isoni aba Izilayeli bosi.”