Nehemiya 4:2 - IBAYIBOLO 2024

² pamaso pa bamwabo sona na basilikali aba mu Samaliya ukuti, “Nkimba aba Yuda abadedebazu aba bakubomba ichoni? Nkimba bakwinong'ona ukuti bangazenga sona ulupaso? Nkimba bakwinong'ona ukuti bangamalizya imbombo iyi mwisiku lyoka nanti babika ivyakwiyipa? Fwandi bakwinong'ona ukuti bangapanga sona amabwe ukufuma kuvibunga ivya mabwe aghakunanganika ghagho ghochiwe numoto?”

Nehemiya 4:2 Iomraidhean Croise

Ezila 4:4

Po abantu babo bakikalagha muchisu chila bakanda pakubawisya amaka nukuboghofya abantu aba mu Yuda ukuti baleke pakuzenga.

Nehemiya 12:27

Pakabalilo akakupaghulila ulupaso ulwa Yelusalemu, aba Levi bakitiziwa ukufuma kuko bakikalagha ukuti bize ku Yelusalemu kulusekelo ulwakupaghulila ulupaso pakwimba inyimbo izyakupalizikizya nukulizya amalimba ni vinanda sona na mapango.

Nehemiya 12:43

Pisiku lilalila abantu bakabika ivyakwiyipa ivyinji nkani, pachifukwa ichakuti u Chala weyuyo akabapela ukuti bahobokaye. Abakolo na bana bope bakahoboka nkani, umwakuti ichongo icha kusekela ukwa bantu mu Yelusalemu chikivwikagha kubutali nkani.

Nehemiya 4:10

Pakabalilo kalakala aba Yuda bakatinji, “Abambombo balita pachifukwa ichakuti bakunyamula nkani amabwe aghakunanganika, umwakuti tukupotwa pakubomba imbombo inkafu yiniyi.”

Nehemiya 6:15

Pakachilapo amasiku 52, po pisiku ilya 25 ilya mwezi uwa Eluli, ulupaso lula lukamala pakuzengiwa.

Masalimo 83:4

Bakuti, “Zagha tuluzimye uluko lwabo, umwakuti itabwa ilya Izilayeli litakakumbukiliwanje sona.”

Yelemiya 26:18

“U Mika uwa muchisu icha Molesheti akalaghulagha mukabalilo aka Hezekiya, u mwene uwa chisu icha Yuda akati, ‘U Mwene Uwamaka Ghosi ati: U Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.’

Yelemiya 33:24

“Nkimba utazimenye zizyo abantu bakunena izyakuti, ‘U Mwene abukana ubumwene bubili bula bubo akabusala’? Po abantu bala bakubobezya abantu bane umwakuti batakuboneka sona ngati luko.

Daniyeli 9:25

“Umanye nukwivwisya ichintu ichi: Ukwanda pakabalilo kako indaghilo zikafumuziwanga ukuti akaya aka Yelusalemu kazengiwanje sona mupaka umulaghili umupakiwa afike, pakwiza ukuchilapo amaka 7 aghatubalilo aka 7. Sona amaka 7 aghatubalilo aka 62 pakwiza ukuzengiwa imisebo nukukumba imifolo mu Yelusalemu, loli pakabalilo akantamyo.

Habakuku 3:2

Wee Mwene, nivuye nizya imbili yako, sona imbombo zyako zikumpelela ubogha. Po uzipelaye pakuba mpya mumasiku ghitu, sona zimanyikwanje pakabalilo kitu. Napapo ukalaye, loli utupelelaye ichisa.

Zekaliya 12:8

Pisiku lilalila ane ne Mwene nkwiza pakubavighilila abantu aba mu Yelusalemu, umwakuti abadedebazu nkani pakasi papabo bakwiza pakuba ngati we Devedi, sona abamunyumba iya Devedi bakwiza pakuba ngati we Chala, sona ngati Wantumi uwa Mwene, babo bakubuka pamaso papabo.

1 Aba Kolinti 1:27

Loli u Chala akavisala ivintu vivyo vipunganu ivya muchisu ichapasi, umwakuti abakozyanje isoni abamahala. Sona akavisala ivintu vivyo videdebazu ivya muchisu ichapasi, umwakuti abakozyanje isoni abamaka.