Nehemiya 4:14 - IBAYIBOLO 2024

¹⁴ Loli bo nabwennya ubogha bwabo, nkimilila nukubabuzya abalongozi na makambala sona na bantu bosi nkati, “Mukatabanyilaye abantu banaba. Loli mumukumbukaye u Mwene, yuyo mukulu nu wakoghofya. Mubalwile ubwite abakamu binyu na bana binyu abalumendo na balindu na bachi binyu sona nutwaya twinyu.”

Nehemiya 4:14 Iomraidhean Croise

2 Samuweli 10:12

Mujimbaye, sona tulwanje ichanavuli pakubalwila abantu bitu nutwaya utukulu nkani utwa Chala. Ubwighane ubwa Mwene bubombiwanje.”

2 Imbili 32:7

“Mujimbaye sona mubanje na maka. Mutakanyilaye pamo ukuwa amaka, pachifukwa icha mwene uwamu Asiliya poka na basilikali bache abinji babo bali poka nawe, pakuti yuyo ali kulubazu lwitu wamaka ukubachila babo bali kulubazu lwabo.

Nehemiya 1:5

Po nkati, “Wee Mwene Chala uwakumwanya, we Chala umukulu nu wakoghofya, sona we ukusunga ulufingo. Ukubaghana abantu babo bakukughana nukughakonka amalamulo ghako.

Yobu 37:22

Kumitu kukufuma ugolide umwiza nkani, u Chala ivwalikite ubuchindamu ubwakoghofya

Masalimo 143:5

Nkughakumbuka amasiku aghakale, nkuzyinong'ona imbombo zyako zyosi, sona ni mbombo izya nyobe zyako.

Masalimo 20:7

Abanji bazisubiye ingolo izya bwite, sona bamo bazisubiye ifalasi. Loli aswe tulisubiye itabwa ilya Mwene u Chala witu.

Masalimo 27:1

U Mwene we lukozyo lwane sona we bupoki bwane, po intangamunyila nayumoyumo umuntu. U Mwene we lilinga ilya bumi bwane, po ntakwiza pakutetema nalumo.

Masalimo 46:11

U Mwene Uwamaka Ghosi ali naswe, sona u Chala uwa Yakobo we lilinga lyitu.

Masalimo 65:5

Wee Chala Umupoki witu, ukutwamula pakutupoka ni mbombo zyako izyakuswighisya ingolosu. Abantu bosi aba pachisu ichapasi aba pisila ilya nyanja izya kubutali bakukusubila.

Masalimo 66:3

Mumubuzye u Chala mutinji, “Imbombo zyako zyakuswighisya nkani! Amaka ghako makulu nkani umwakuti abalwani bako bakukufughamilila.

Masalimo 66:5

Zagha mwennye zizyo u Chala abomba, imbombo zyache zyakuswighisya nkani pakasi pabantu!

Ukufuma 14:14

U Mwene akwiza pakubalwila ubwite, amwe banga bulo myee.”

Ukufuma 14:25

U Mwene akazibadizya ingolo zyabo izya bwite zila, umwakuti bakatamiwa nkani pakuzyendezya. Aba Ijiputi bakati, “Zagha tubaleke bulo aba Izilayeli! U Mwene akubalwila ubwite.”

Umulumbilili 12:1

Umukumbukaye Umupeli mumasiku ghako agha bulumendo bwako, bo amasiku agha ntamyo ghatafikite, sona bo ghatapalamiye amaka ghagho ukwiza pakunena ukuti, “Intakwilagha ubumi.”

Daniyeli 11:32

U mwene yula akwiza pakubazimbula na mazyu aghakubadebula abantu babo bakulunangannya ulufingo. Loli abantu babo bamumenye u Chala bakwiza pakwima nkani.

Zekaliya 14:3

Po u Mwene akwiza pakwepamo nukulwa ubwite ninko zinizyo, ukuyana namumo akulwila pisiku ilya bwite.

Ukubelengiwa 14:9

Mutakamusambukilaye u Mwene, sona mutakabanyilaye abantu aba muchisu chilachila, pakuti tukwiza pakubanangannya. Abene bate na maka sona, loli aswe u Mwene ali naswe, po mutakabanyilaye.”

Matayi 10:28

Mutakabanyilaye abantu babo bakughogha umubili, loli batangaghogha umuzimu. Nkaninkani mumunyile u Chala yuyo anganangannya vyosi umubili nu muzimu mu Gehena.

Ukukumbusya Amalamulo 1:21

Ichi cho chisu chicho u Mwene u Chala winyu abapa. Bukagha pakuchifyula nukwikalamo ukuyana namumo u Mwene, u Chala uwa banyenya binyu akabalamulila. Mutakazyelaye, sona mutakabanje nubogha.”

Ukukumbusya Amalamulo 10:17

Pakuti u Mwene, u Chala winyu ali pamwanya pa bachala bosi, sona we Mwene uwa bamwene, we Chala umukulu nu wamaka, sona wakoghofya nkani. Atakwennya icheni icha muntu sona atangabekiwa.

Aba Hebeli 13:6

Po zagha tunene nu bujivu ukuti, “U Mwene we mwavwilizi wane, po ntakwiza pakunyila. Nkimba umuntu angabomba choni nane?”

Yoshwa 1:9

Ukumbuke ukuti nkakulamula ukuti ubanje nulweke, sona ujimbaye nkani. Utakanyilaye pamo ukuwa amaka, pakuti ane ne Mwene u Chala wako, nkwiza pakuba nawe kosi kuko ukubuka.”

Abalongi 3:27

Bo afika muchisu icha mumaghamba icha Efulayimu, akalizya ipati, ukubitizya aba Izilayeli pakulwa ubwite. Po akabalongolela pakwika pighamba.