Nehemiya 3:15 - IBAYIBOLO 2024

¹⁵ Pakakonkapo u Shalumu umwana uwa Kolihoze, umulaghili uwa Mizipa, wepe akazenga sona Umulyango uwa Mbwibwi. Akaghuzengela ichisonje nukubikapo inyiyi ni vyakupinyila ivya chela sona ni mpingwi zyache. Akazenga sona ulupaso ulwa Chiziba icha Silowamu papipi nu mughunda uwa mwene, mupaka pamakwelelo aghakwikila kukaya akakulu nkani aka Devedi.

Nehemiya 3:15 Iomraidhean Croise

2 Samuweli 5:9

Po u Devedi akafyula ilinga lila, akikala mulamula nukulyita ukuti, “Akaya akakulu nkani aka Devedi.” Po akalizengela ilinga lila akaya akakulu nkani ukwandila kuko kale kukaba ikombe, kubufumilo bwizuba mupaka mukasi.

2 Abamwene 25:4

Ilinga ilya kaya akakulu nkani kala likamongoliwa. Napapo abantu aba mu Babiloni bakakazyungulila akaya akakulu nkani kala, abasilikali bosi bakachimbila pabusiku. Bakafumila ku mulyango uwa pakasi pavibumba vibili, papipi nu mughunda uwa mwene, bakachimbilila kwikombe ilya Alaba,

2 Imbili 32:30

U Hezekiya akaba weyuyo akighalila amizi kumitu ukwa mbwibwi iya Gihoni nukughapetulila amizi ghala kubwinjililo bwizuba ubwa kaya akakulu nkani aka Devedi. Akabomba akiza nkani muvyosi vivyo akabombagha.

Nehemiya 12:37

Bakadumusannya pa Mulyango uwa Chiziba nukukwela pamakwelelo agha Kaya akakulu nkani aka Devedi, pachikwezya icha lupaso sona bakadumusannya panyumba iya Devedi mupaka kubufumilo bwizuba ku Mulyango uwa Mizi.

Nehemiya 2:14

Pisinda pache nkafika pa Mulyango uwa Mbwibwi sona napa Chiziba icha Mwene, loli patakabapo ubuzilo ubwakukwana ubwakuti impunda yane yidumusannyepo.

Nehemiya 2:17

Po nkababuzya nkati, “Amwe mukuzyennya intamyo zizyo tukukomana nazyo. Akaya akakulu nkani aka Yelusalemu kaba chisami sona imilyango yache yochiwa. Zagha tuzenge sona ulupaso ulwa kaya akakulu nkani aka Yelusalemu, po tutangakoziwa sona isoni.”

Nehemiya 3:12

Pakakonkapo u Shalumu umwana uwa Haloheshi, umulaghili uwa chigaba chimo icha mu Yelusalemu, wepe poka na bana bache abalindu, bakazenga sona ichigaba choka.

Nehemiya 3:14

Pakakonkapo u Malikiya umwana uwa Lekabu, umulaghili uwa chigaba icha Beti Hakelemu, wepe akazenga sona Umulyango uwa Sakwi nukubikapo inyiyi ni vyakupinyila ivya chela sona ni mpingwi zyache.

Nehemiya 3:19

Pakakonkapo u Ezeli umwana uwa Yeshuwa, umulaghili uwamu Mizipa, wepe akazenga sona ichigaba ichakwenannya ni chikwezya ichakubukila kunyumba yakusungilako ivilwilo ivya bwite mupaka pankuto.

Nehemiya 3:7

Pakakonkapo abantu aba mu Gibeyoni naba mu Mizipa, kokuti u Melatiya umu Gibeyoni nu Yadoni uwamu Melono, bope bakazenga sona ichigaba choka mupaka pa nyumba iya mulaghili uwa chigaba icha kwisila ilya lusoko ulwa Yufuleti.

Nehemiya 3:9

Pakakonkapo u Lefaya umwana uwa Huli, umulaghili uwa chigaba chimo icha mu Yelusalemu, wepe akazenga sona ichigaba choka.

Umulumbilili 2:6

Nkakumba ichiziba ichikulu nkani umwakuti insembelelaye amaghunda agha makwi ghagho nkabyala.

Yesaya 8:6

“Pachifukwa ichakuti abantu aba bakana amizi agha Shilowa, ghagho ghakwenda panandipanandi sona bakughoboka nu Lezini umwana uwa Lemaliya,

Yelemiya 40:6

Po u Yelemiya akabuka kwa Gedaliya umwana uwa Ahikamu ku Mizipa nukwikala nawe pakasi pabantu babo bakasyalikila muchisu chilachila.

Luka 13:4

Nkimba buli nizya bantu 18 bala babo bakafwila mu Silowamu, bo inyumba yiyo yighelesanizye yikabadilimukila. Nkimba mukwinong'ona ukuti bakaba bambibi nkani ukuchila abantu bosi, babo bakwikala mu Yelusalemu?

Yohani 9:7

nukumubuzya ukuti, “Bukagha usukusule kumaso pachiziba icha Silowamu.” (Silowamu chikung'anamula ukuti Umutumiwa). Po umuntu yula akabuka nukusukusula kumaso, po akanyokela bo akwennya.

Abalongi 20:1

Aba Izilayeli bosi aba mu Dani mupaka ku Belisheba, sona naba mu Giliyadi bakabungana poka pamaso pa Mwene mu Mizipa.

Abalongi 20:3

Aba Benjamini bakivwa ukuti aba Izilayeli bakabuka ku Mizipa. Po bakalalusya bakati, “Tubuzye, nkimba ububibi bunubu bukabombiwa bulibuli?”