Nehemiya 2:8 - IBAYIBOLO 2024

⁸ Umpe sona ukalata uyunji ukuti imupe u Asafu, ukapitawa uwakwenelezya umusitu uwa mwene, ukuti ampe amatabwa aghakupangila intaliko izya milyango iya kaya akakulu nkani, kako kali papipi ni Nyumba iya Chala, na matabwa agha lupaso, sona ni nyumba yane yiyo nkwiza pakwikalamo.” Pachifukwa ichakuti u Chala akampelela ichisa, u mwene akampa vivyo nkamulaba.

Nehemiya 2:8 Iomraidhean Croise

Ubwandilo 32:28

Umuntu yula akati, “Ukwanda ilelo itabwa lyako litakwiza pakuba sona we Yakobo. Watoba nu Chala, sona na bantu nukubapota. Polelo itabwa lyako likwiza pakuba we Izilayeli.”

Ezila 5:5

Loli u Chala akabasungilila abalongozi aba ba Yuda, po abantu aba mu Peleziya bakapotwa pakubakanizya imbombo yabo yila mupaka papo bakamutumila amazyu u Daliyasi ukuti bivwe ilyamulo lyache.

Ezila 6:22

Bakaba nu Lusekelo ulwa Chibama chicho chite ni chilungo umwakuhoboka amasiku seveni, pachifukwa ichakuti u Mwene akabahobosya nkani pakumupela u mwene uwamu Asiliya ukuti andule inyinong'ono zyache, umwakuti akabavwa pambombo iyakuzenga Inyumba iya Chala uwa Izilayeli.

Ezila 6:8

Ukonjelezyapo nkubika ululaghilo ulwa mumo mukwiza pakubabombela abalongozi aba ba Yuda, babo bakwiza pakuzenga Inyumba iya Chala iyi: Abantu banaba mubalipilaye indalama izya kunyambi iya bumwene, zizyo zikufuma pamusonko uwa kwisila ilya lusoko ulwa Yufuleti, umwakuti imbombo yiniyi yendelelaye.

Ezila 7:6

U Ezila yunuyu akanda ubulendo bwache mu Babiloni sona akaba mumanyisi pakuti akamanya nkani Indaghilo izya Mozesi, zizyo u Mwene u Chala uwa Izilayeli akamupa. U mwene akamupa ivintu vyosi vivyo akavilondagha, pakuti u Mwene u Chala wache akaba nawe.

Ezila 7:9

Akanda ubulendo bwache mu Babiloni pisiku ilyakwanda ilya mwezi uwakwanda, po akafika mu Yelusalemu pisiku ilyakwanda mumwezi uwafayivi, pakuti u Chala wache akamupelela ichisa.

Nehemiya 7:2

Nkamubika uwamwitu u Hanani poka nu Hananiya, usongo uwa basilikali ukuti enelezyanje akaya akakulu nkani aka Yelusalemu, pakuti akaba muntu umusubiliwa, sona akamunyilagha u Chala ukubachila abantu bosi.

Ivyili 21:1

Umoyo uwa mwene ghuli munyobe izya Mwene, akughulongozezya kosi kuko ghukulonda ngati mizi agha mulusoko.

Umulumbilili 2:5

Nkalima amaghunda, nukubyala amakwi, nkabyalamo ivikomwa ivyakulekanalekana.

Umulumbilili 2:6

Nkakumba ichiziba ichikulu nkani umwakuti insembelelaye amaghunda agha makwi ghagho nkabyala.

Yesaya 66:14

Nanti mwazyennya zinizi, amoyo ghinyu ghakwiza pakusekela, sona mukwiza pakulemba ngati lisote, inyobe iya Mwene, yikwiza pakumanyikwa kubabombi bache, loli akwiza pakubakalalila abalwani bache.

Daniyeli 1:9

U Chala akamupa usongo uwa makambala yula u moyo uwakuti amupelele ichisa u Daniyeli.

Imbombo 26:22

Loli mupaka ni siku ili u Chala anyavwanga. Po nimiliye pano pakubikila ubwakaboni pamaso pa mwebosi, na bana na pamaso pa basongo. Zizyo nkunena ziyanite bulo na zizyo abalaghuzi nu Mozesi bakanena ukuti zikwiza pakubombiwa,

Imbombo 7:10

nukumupoka muntamyo zyache zyosi. Bo u Yosefu aboneka pamaso pa Falabo, u mwene uwamu Ijiputi, u Chala akamupa inkalo inyiza na mahala. Po u mwene akamubika u Yosefu pakuba mulaghili uwamu Ijiputi, sona usongo uwa kunyumba iya bumwene.

2 Aba Kolinti 8:16

Nkumupalizya u Chala, yuyo akabika mwa Titi inyinong'ono izyakuyana na zizyo indi nazyo papinyu.