Nehemiya 2:7 - IBAYIBOLO 2024

⁷ Nkamubuzya u mwene nkati, “Wee mwene, nanti chingakuhobosya ubasimbile ukalata abalaghili aba kwisila ilya lusoko ulwa Yufuleti, ukuti banyitikizye pakudumusannya muchigaba chabo mupaka infike ku Yuda.

Nehemiya 2:7 Iomraidhean Croise

Ezila 6:6

Polelo u Tatenayi umulaghili uwa kwisila ukwa lusoko ulwa Yufuleti nu Shetali Bozenayi, poka namwe mwe makambala agha muchigaba chilachila, mutakabanje kupipi.

Ezila 7:21

Losi ulu ane ne mwene u Alitakiselesesi, nkubalamula abasunga nyambi bosi aba kwisila ilya lusoko ulwa Yufuleti ukuti mumupe lubilolubilo umuputi u Ezila, umumanyisi uwa Ndaghilo izya Chala uwakumwanya vyosi vivyo akulonda,

Ezila 8:22

Nkaba ni soni pakumulaba u mwene ukuti atupe abasilikali na bantu abakukwela pafalasi ukuti batuvighilile muzila kubalwani bitu, pachifukwa ichakuti tukamubuzya u mwene ukuti, “U Chala witu akumusaya umuntu wesi yuyo akumusubila, loli akumukalalila umuntu wesi yuyo akumukana.”

Ezila 8:36

Bakasenda ukalata yuyo akafuma kwa mwene nukughapa amakambala, na balaghili aba kwisila ilya lusoko ulwa Yufuleti, babo bakabavwa abantu, ni Nyumba iya Chala.

Nehemiya 2:9

Po nkabuka ku balaghili aba kwisila ilya lusoko ulwa Yufuleti nukubapa abakalata babo u mwene akampa. U mwene akabatuma abasongo aba basilikali, sona na bantu abakukwela pafalasi ukuti bansindikile.

Nehemiya 3:7

Pakakonkapo abantu aba mu Gibeyoni naba mu Mizipa, kokuti u Melatiya umu Gibeyoni nu Yadoni uwamu Melono, bope bakazenga sona ichigaba choka mupaka pa nyumba iya mulaghili uwa chigaba icha kwisila ilya lusoko ulwa Yufuleti.