Nehemiya 2:3 - IBAYIBOLO 2024

³ Loli nkamwamula u mwene nkati, “Wee mwene, nkukulondela ubumi ubutali. Nkimba choni chicho ntangasulumannya, bo akaya akakulu nkani mumo muli amapumpa agha banyenya bane kaba chisami sona imilyango yache yochiwe?”

Nehemiya 2:3 Iomraidhean Croise

1 Abamwene 1:31

Po u Batisheba akafughama pamaso pa mwene, bo icheni chache chikotamiye pasi nukuti, “Wee mwene wane nkukulondela ubumi ubutali!”

2 Abamwene 25:8

Pisiku ilyaseveni ilya mwezi uwafayivi, mumwaka uwa 19 bo u mwene u Nebukadineza akulaghila mu Babiloni, u Nebuzaladani usongo uwa balindilili aba kunyumba iya bumwene, lilyo likaba likambala ilya mwene uwamu Babiloni, akiza mu Yelusalemu.

2 Imbili 21:20

U Yeholamu akaba na maka 32 bo anda pakulaghila sona akalaghila amaka eyiti bo ali mu Yelusalemu. Bo afwa, patakabapo nayumoyumo umuntu uwakumupasikizya. Po bakamusyila mukaya aka Devedi mu Yelusalemu, loli batakamusyila mumapumpa agha bumwene.

2 Imbili 28:27

U Ahazi akafwa nukusyiliwa mukaya akakulu nkani aka Yelusalemu, loli atakasyiliwa mumapumpa agha bamwene aba Izilayeli. Umwana wache u Hezekiya akamupyana pakuba we mwene.

2 Imbili 32:33

U Hezekiya akafwa nukusyiliwa pighamba, mumapumpa agha baluko ulwa Devedi. Abantu bosi aba mu Yuda, naba mu Yelusalemu bakamuchindika nkani bo afuye. Po umwana wache u Manase akamupyana pakuba we mwene.

2 Imbili 36:19

Bakayocha Inyumba iya Chala nukumongolannya ulupaso ulwa Yelusalemu. Bakocha inyumba zyosi izya bumwene nukunangannya ivintu vyosi ivyamutengo vivyo vikaba mulamula.

Nehemiya 1:3

Bakanyamula bakati, “Abantu babo bakasyala bumi nukunyokela ku chisu chabo bali muntamyo inkulu nkani sona bali pakusamuliwa nkani. Lope ulupaso ulwa kaya akakulu nkani aka Yelusalemu lwamongoliwa sona inyiyi zyache zyochiwa.”

Nehemiya 2:13

Nkafuma kuzi pabusiku napa Mulyango uwa Kwikombe nukubuka ku Chiziba icha Nyivwila, sona nu Mulyango uwa Sakwi pakwendela ulupaso ulwa Yelusalemu, lulo lukamongonkana, poka ni milyango yache yiyo yikochiwa.

Esitele 8:6

Nkimba ningajimba bulibuli pakubennya abakamu bane bakunanganika? Nkimba ningajimba bulibuli pakubennya abakamu bane bakughoghiwa?”

Masalimo 102:14

Pakuti ababombi bako baghaghanite amabwe agha akaya akakulu nkani kala, bakukapelela ichisa napapo kaba chisami.

Masalimo 102:15

Abantu aba inko izinji bakwiza pakulichindika itabwa ilya Mwene, abamwene bosi aba pachisu ichapasi bakwiza pakubunyila ubuchindamu bwako.

Masalimo 137:6

Ululimi lwane lukakatilaye kumwanya kumilomo, Nanti intakukumbuka, sona nanti intakumubika u Yelusalemu pamwanya palusekelo lwane.

Masalimo 38:7

Umusana ghukumbaba nkani, sona ghope umubili wane ghute na maka.

Yelemiya 52:12

Pisiku ilya 10, mumwezi uwafayivi, na mumwaka uwa 19, bo u mwene u Nebukadineza akulaghila mu Babiloni, u Nebuzaladani, usongo uwa balindilili aba kunyumba iya bumwene yuyo akamubombelagha u mwene uwamu Babiloni akiza mu Yelusalemu.

Nkuto 2:9

Imilyango yache yadwiba pasi, sona zyope ni mpingwi zyache zyananganika. Abamwene bache poka na makambala ghache bali kubuzya pakasi pa inko izinji. Batakuzikonka nalumo indaghilo, bope abalaghuzi bache batakwennya nalumolumo ivisetuka ivya Mwene.

Daniyeli 2:4

Abasanuzyi aba vilota bala bakamwamula u mwene bakati, “Wee mwene, tukukulondela ubumi ubutali! Tubuzye twe babombi bako ichilota chako, po tukwiza pakukubuzya ukuti chikusanusya ichoni.”

Daniyeli 3:9

Bakamubuzya u mwene u Nebukadineza bakati, “Wee mwene tukukulondela ubumi ubutali!

Daniyeli 5:10

Bo unyina uwa mwene ivwa izyu ilya mwene, sona nilya makambala ghala, akinjila munyumba iya lusekelo mula nukuti, “Wee mwene nkukulondela ubumi ubutali! Utakanyilaye, sona chope icheni chako chitakasulumannyanje.

Daniyeli 6:21

U Daniyeli akamula akati, “Wee mwene, nkukulondela ubumi ubutali!

Daniyeli 6:6

Po amakambala na balongozi bala bakabuka ngati kabukatila pakukomana nu mwene, po bakati, “Wee mwene Daliyasi, tukukulondela ubumi ubutali!

Aba Levi 26:31

Nkwiza pakutunangannya utwaya twinyu utukulu nkani nukutupela visami, sona nkwiza pakubunangannya ubuzilo bwinyu ubwakwiputilamo, ntakwiza pakupokela umunusi uwa vyakwiyipa vyinyu ivyakununkila.