Nehemiya 2:20 - IBAYIBOLO 2024

²⁰ Nkabamula nkati, “U Chala uwakumwanya akwiza pakutwavwa ukuti ivintu vitwendelaye akiza. Aswe twe babombi bache tukwiza pakwanda imbombo iyakuzenga sona. Loli amwe mute ni chigaba, pamo ubulaghili, pamo imbili nayimoyimo mu Yelusalemu muno.”

Nehemiya 2:20 Iomraidhean Croise

2 Imbili 26:5

Akamubuzikizya u Chala pakabalilo aka Zekaliya, yuyo akamumanyisya ukumunyila u Chala. Pakabalilo kosi kako akamubuzikizyanga u Mwene, wepe u Chala akamupela ukuti ivintu vimwendelaye akiza.

Ezila 4:3

Loli u Zelubabeli nu Yeshuwa, sona na balongozi abanyumba izya Izilayeli bakabamula bakati, “Tutakulonda ukuti mutwavwe pakuzenga Inyumba iya Chala witu. Aswe twebene tukwiza pakumuzengela Inyumba u Mwene u Chala uwa Izilayeli ukuyana namumo akatulamulila u mwene u Sayilasi uwamu Peleziya.”

Nehemiya 1:4

Bo nivwa amazyu ghanagha, nkikala pasi nukulila. Naloli nkalila nukutuzya pakulya sona nkiputa kwa Chala uwakumwanya amasiku aminji nkani.

Nehemiya 2:4

U mwene akandalusya akati, “Nkimba ukulonda pakundaba ichoni?” Nkiputa kwa Chala uwakumwanya,

Esitele 4:11

“Amakambala ghosi agha mwene na bantu bosi aba muvigaba ivya muchisu icha mwene bazimenye ukuti pali ululaghilo loka ulwakuti nanti umwanavuli pamo umukolo injila mulubinjilo ulwa mwene, bo u mwene atamwitizizye, aghoghiwanje. Loli umuntu yuyo u mwene amusonta ni ndisa yache iya golide iya bumwene, weyuyo angaba nubumi. Ghachilapo amasiku 30 ukwandila pisiku lilyo nkitiziwa ukuti imbuke pamaso pa mwene.”

Masalimo 102:17

Akwiza pakwamula inyiputo izya bapotwe, sona atakwiza pakukusulannya ukulaba kwabo.

Masalimo 122:6

Mwiputilaye umutende uwamu Yelusalemu mutinji, “Abantu babo bakughanite ivintu vibendelaye akiza.

Masalimo 20:5

Tukwiza pakusekelagha pachifukwa icha bupoti bwako, sona tukwiza pakukwezya indembela zyitu mwitabwa ilya Chala witu. U Mwene akupanje ivintu vyosi vivyo walaba.

Masalimo 35:27

Balulutilaye nukusekela abantu babo bakulonda ukubwennya ubugholosu bwane, akabalilo kosi batinji, “U Mwene akweziwanje, akuhoboka nkani nu bwiza ubwa mubombi wache.”

Masalimo 51:18

Ubabombelaye ubwiza abantu aba mu Ziyoni, zengagha sona ulupaso ulwa Yelusalemu.

Ukufuma 28:29

“Bo u Aloni akwinjila mu Chipinda Ichizelu, avwalaye akakuvwala akapachifuba, papo pasimbiwe amatabwa agha inko izya ba Izilayeli, umwakuti ane ne Mwene imbakumbukaye abantu bane akabalilo kosi.

Umulumbilili 7:18

Chizapo pakulemezya ichintu choka, nukuchilekelezya ichinji. Umuntu yuyo akumuchindika u Chala akwiza pakuba navyo vyosi vibili vinivi.

Yesaya 56:5

nkwiza pakubapa itabwa ni mbili inyiza, pakasi pabana abalumendo na balindu, munyumba yane nivibumba vyache. Nkwiza pakubapa itabwa ilya bwila na bwila, lilyo litakwiza pakudumuliwa nalumolumo.

Aba Levi 2:2

po abape abamunyumba iya Aloni, babo baputi. Umuputi atapepo ichikufi icha busu ubutinye bula na mafuta poka nu twakufukizya utwakununkila tosi, nukuvyocha pachighemo pakuba chikumbusyo kwa Mwene. Umunusi uwa chakwiyipa chinichi ghukumuhobosya u Mwene.

Aba Levi 24:7

Mubikemo tumo utwakufukizya utwakununkila pamuzele ghosi, umwakuti poka ni chibama chila chibanje chikumbusyo ichakwiyipa ichakocha ichakubikiwa kwa Mwene.

Zekaliya 6:14

Impumpu yiniyi yikwiza pakupeghiwa kwa Helidayi nu Tobiya, sona nu Yedaya nu Heni umwana uwa Zefaniya pakuba chikumbusyo mu Nyumba iya Mwene.

Ukubelengiwa 10:10

Mulizyanje amapati bo muli nu lusekelo ulwa Kupanta ukwa Mwezi nu lusekelo ulwa viputo, sona bo mukubika ivyakwiyipa ivyakocha, sona ni vyakwiyipa ivyabupoka. Amapati ghanagha ghakwiza pakubavwa pakumukumbuka u Chala winyu. Ane ne Mwene u Chala winyu.”

Imbombo 10:31

nukumubuzya ukuti, ‘Wee Kolineliya! U Chala ivwa inyiputo zyako, sona akumbuka imbombo zyako inyiza pakasi pabantu abapina.

Imbombo 10:4

Akamwenelezya uwantumi yula nubogha nukumulalusya ukuti, “Wee Mwene, nkimba cho choni ichi?” Uwantumi akamula akati, “U Chala ahobokite ni nyiputo zyako, sona akumbuka imbombo zyako inyiza pakasi pabantu abapina.

Imbombo 8:21

Ute ni chigaba pamo ubuzilo mumbombo yitu pakuti umoyo wako ghute mugholosu pamaso pa Chala.