Nehemiya 2:19 - IBAYIBOLO 2024

¹⁹ Loli bo u Sanibalati uwamu Holoni nu Tobiya umu Amoni, sona nu Geshemu umu Alabu bivwa zinizi, bakatuseka nukutobezya ukuti, “Nkimba mukubomba ichoni? Nkimba mumusambukiye u mwene?”

Nehemiya 2:19 Iomraidhean Croise

Nehemiya 13:28

Weka umwana uwa Yoyada akaba, mwana uwa muputi usongo u Eliyashibu akaba mukwalima uwa Sanibalati uwamu Holoni. Po nkamwefyapo umwana wache pamaso papane.

Nehemiya 2:10

Loli bo u Sanibalati uwamu Holoni nu Tobiya umu Amoni bivwa zinizi, batakahoboka pakwennya ukuti umuntu yumo izite pakubabombela aba Izilayeli ivintu ivyiza.

Nehemiya 4:1

Bo u Sanibalati ivwa ukuti tukazengagha ulupaso, akakalala nkani. Po akanda pakubasamula nkani aba Yuda

Nehemiya 6:6

yuyo akasimbiwa ukuti, “Pali ipangwi pakasi pabantu babo te ba Yuda sona u Geshemu ansimikizya ukuti awe poka naba Yuda mukulonda pakusambuka. Ichi cho chifukwa muli pakuzenga sona ulupaso. Ukuyana ni pangwi ili chikulanjizya ukuti awe ukulonda pakuba we mwene wabo.

Nehemiya 6:9

Abantu banaba bakalondagha bulo ukuti batoghofye nukwinong'ona ukuti, “Aba Yuda bakwiza pakutetema sona bakwiza pakuleka pakubomba imbombo, po batakwiza pakuyimalizya.” Loli nkiputa nkati, “Wee Chala, losi ulu mpanga amaka.”

Yobu 30:1

Loli ilelo bakunyobezya, abantu babo bana banandi kukwane, babo abawise batabaghiye napo panandi pakuzyavwa imbwa pakudima ing'ozi.

Masalimo 123:4

Abantu abakwituvya bakutuseka akabalilo akatali nkani, sona bope abantu abakwitutumula bakutobezya nkani.

Masalimo 79:4

Twaba twe chintu ichakusekesya pakasi pa bapalamani bitu, sona abantu babo batuzyunguliye bakutuseka nukutobezya.

Masalimo 80:6

Watupela pakuba bantu abasamuliwa pakasi pa bapalamani bitu, bope abalwani bitu bakutobezya.

Masalimo 80:7

Wee Chala Uwamaka Ghosi utunyosekezye kukwako, icheni chako chitulamilaye, po tukwiza pakupokiwa.

Yesaya 36:5

Nkimba mukwinong'ona ukuti amazyu ghene ghayanite na mahala, sona na maka aghakulwila ubwite? Nkimba wewenu yuyo mumusubiye ukuti munsambukile?

Yelemiya 20:8

Nanti nkuti inene, nkulila, nukukolomoka nemwene bulo nukuti, “Ulombwa kuno! Ukunanganika kuno!” Wee Mwene, nkusekiwa nukusamuliwa akabalilo kosi, pachifukwa ichakuti nkulumbilila amazyu ghako.

Yelemiya 41:10

U Ishimayeli akabalema abantu bosi babo bakasyalikila ku Mizipa: Abana abalindu abamwene poka na bosi babo bakasyalikila kulakula. U Nebuzaladani umulongozi uwa balindilili akabasalila u Gedaliya umwana uwa Ahikamu. U Ishimayeli umwana uwa Netaniya akabasenda pakuba bazya, akaloboka pakubuka kuchisu icha bantu abaluko ulwa Amoni.

Matayi 9:24

akati, “Fuma kuzi, mwebosi! Umulindu uyu atafuye, loli aghonite bulo utulo!” Po bosi bakamuseka.

Maliko 5:40

Abantu bakamuseka, po akabafumya bosi kuzi, akasenda uwise uwa mwana nu nyina, poka na bamanyili bache batatu bala nukwinjila nabo muchipinda mumo umwana akalambalalaghamo.

Luka 23:2

kuko bakanda pakumutamantila ukuti, “Tukamwagha umuntu yunuyu akubasovya abantu bitu, akubakanizya pakusonka umusonko kwa Kesale, nukwinena mwene ukuti we Kilisitu, sona we Mwene.”

Yohani 19:12

Bo u Pilati ivwa zinizi, akalondagha pakumusatula u Yesu, loli aba Yuda bakanda pakukolomoka ukuti, “Nanti ukumusatula kokuti ute we mumanyani uwa Kesale. Umuntu wesi yuyo akwinena mwene ukuti we Mwene, akumusambukila u Kesale.”

Imbombo 24:5

Twamwagha umuntu uyu ukuti we ntamyo, yuyo akwandizya ivyongo pakasi paba Yuda pachisu chosi ichapasi, sona we mulongozi uwa kabukatila aka ba Nazalini.

Aba Hebeli 11:36

Abantu bamo bakasamuliwa nukusyempiwa, sona abanji bakabapinya ni mpingu nukubighalila mujele.