Nehemiya 2:17 - IBAYIBOLO 2024

¹⁷ Po nkababuzya nkati, “Amwe mukuzyennya intamyo zizyo tukukomana nazyo. Akaya akakulu nkani aka Yelusalemu kaba chisami sona imilyango yache yochiwa. Zagha tuzenge sona ulupaso ulwa kaya akakulu nkani aka Yelusalemu, po tutangakoziwa sona isoni.”

Nehemiya 2:17 Iomraidhean Croise

Ezila 9:9

Wee Chala witu, napapo twe bazya, awe utakatukana bo tuli mumayimba. Ukatupelela ichisa pamaso pa mwene uwamu Peleziya, po utupiye ubumi ubupya ukuti tuzenge sona Inyumba yako nukuviyannya sona ivisami vyache sona watuvighilila muchisu icha Yuda na mu Yelusalemu.

Nehemiya 1:3

Bakanyamula bakati, “Abantu babo bakasyala bumi nukunyokela ku chisu chabo bali muntamyo inkulu nkani sona bali pakusamuliwa nkani. Lope ulupaso ulwa kaya akakulu nkani aka Yelusalemu lwamongoliwa sona inyiyi zyache zyochiwa.”

Nehemiya 2:13

Nkafuma kuzi pabusiku napa Mulyango uwa Kwikombe nukubuka ku Chiziba icha Nyivwila, sona nu Mulyango uwa Sakwi pakwendela ulupaso ulwa Yelusalemu, lulo lukamongonkana, poka ni milyango yache yiyo yikochiwa.

Nehemiya 2:16

Amakambala ghatakamanya kuko nkabuka, pamo zizyo nkabombagha pakuti ntakababuzyapo nachimochimo aba Yuda pamo abaputi pamo abantu abamanyikwe pamo amakambala pamo abantu bosi nizya mbombo yiyo umuntu wesi angabomba.

Nehemiya 3:15

Pakakonkapo u Shalumu umwana uwa Kolihoze, umulaghili uwa Mizipa, wepe akazenga sona Umulyango uwa Mbwibwi. Akaghuzengela ichisonje nukubikapo inyiyi ni vyakupinyila ivya chela sona ni mpingwi zyache. Akazenga sona ulupaso ulwa Chiziba icha Silowamu papipi nu mughunda uwa mwene, mupaka pamakwelelo aghakwikila kukaya akakulu nkani aka Devedi.

Masalimo 102:15

Abantu aba inko izinji bakwiza pakulichindika itabwa ilya Mwene, abamwene bosi aba pachisu ichapasi bakwiza pakubunyila ubuchindamu bwako.

Masalimo 44:13

Ukabitikizya abapalamani bitu ukuti batusekaye, abantu babo batuzyunguliye bakutusamula nukutobezya.

Masalimo 44:14

Ukatupela pakuba chintu ichakusekezya pakasi pabantu aba inko izinji, sona uluko ulwa bantu lukupukuzya imitu yabo nanti bakutwennya.

Masalimo 79:12

Wee Mwene ubatanizyanje akaseveni abantu aba inko izinji, pachifukwa icha ntuko zizyo bakukusamula nazyo.

Masalimo 79:4

Twaba twe chintu ichakusekesya pakasi pa bapalamani bitu, sona abantu babo batuzyunguliye bakutuseka nukutobezya.

Yelemiya 24:9

Nkwiza pakubapela pakuba chintu ichakoghofya muvyisu vyosi ivya pasi, ichintu ichakusamuliwa, ichintu chicho chite nimbombo nayimoyimo, ichintu ichakusekiwa nicha kughuniwa kosi kuko nkubachimbizizyako.

Nkuto 2:2

Umwakusita ichisa u Mwene atuzimizya utwaya tosi utwa Yakobo, mubukalale bwache aghamongolannya amalinga ghosi agha Yuda. Abukozya isoni nukubwisya pasi, ubumwene bwache, poka na balaghili bache bosi.

Nkuto 3:51

Zizyo nkuzyennya zikunyizila cho chitima mumoyo wane, pachifukwa icha bakolo bosi aba mukaya kane akakulu nkani.

Ezekiyeli 5:14

“Nkwiza pakuchipela ichisu chinyu pakuba chisami nukuba chakusekiwa pakasi pa inko na bantu babo babazyunguliye, sona na babo bakudumusannyapo.

Mika 7:11

Wee Yelusalemu, akabalilo akakuzengela amalinga ghako kakwiza pakufikila, isiku ilyakonjelezya impaka zyako likwiza pakufikila.

1 Samuweli 11:2

Loli u Nahashi akamula akati, “Nkwiza pakufingana namwe ulufingo, pene papo nanti namukolompola umuntu wesi ilyiso ilyandilo, umwakuti imbakozye isoni aba Izilayeli bosi.”