Nehemiya 2:13 - IBAYIBOLO 2024

¹³ Nkafuma kuzi pabusiku napa Mulyango uwa Kwikombe nukubuka ku Chiziba icha Nyivwila, sona nu Mulyango uwa Sakwi pakwendela ulupaso ulwa Yelusalemu, lulo lukamongonkana, poka ni milyango yache yiyo yikochiwa.

Nehemiya 2:13 Iomraidhean Croise

2 Imbili 26:9

U Uziya akazenga ichitembe mu Yelusalemu pa Mulyango uwa Pankuto napa Mulyango uwa Kwikombe na pankuto iya lupaso nukuzizengela amalinga.

Nehemiya 1:3

Bakanyamula bakati, “Abantu babo bakasyala bumi nukunyokela ku chisu chabo bali muntamyo inkulu nkani sona bali pakusamuliwa nkani. Lope ulupaso ulwa kaya akakulu nkani aka Yelusalemu lwamongoliwa sona inyiyi zyache zyochiwa.”

Nehemiya 12:31

Nkababungannya abalongozi aba Yuda pamwanya palupaso sona nkatusala utubukatila tubili utwa bimbi ukuti bimbaye inyimbo izyakupalizikizya. Akabukatila koka kakendagha pamwanya palupaso mupaka ku Mulyango uwa Chintuntululu.

Nehemiya 2:12

Intakamubuzyapo nayumoyumo umuntu zizyo u Chala akabika munyining'ono zyane izyakuti nkabombele akaya akakulu nkani aka Yelusalemu. Po nkanyamuka pabusiku poka na bantu bamo. Tutakaba ni chitekwa nachimochimo, loli yene impunda yiyo nkakwelaghapo bulo.

Nehemiya 2:15

Po nkenda pabusiku ukudumusannya mwikombe ukuti nennye namumo ulupaso lubeleye. Pabumalilo nkanyokela nukwinjila sona pa Mulyango uwa Kwikombe.

Nehemiya 2:17

Po nkababuzya nkati, “Amwe mukuzyennya intamyo zizyo tukukomana nazyo. Akaya akakulu nkani aka Yelusalemu kaba chisami sona imilyango yache yochiwa. Zagha tuzenge sona ulupaso ulwa kaya akakulu nkani aka Yelusalemu, po tutangakoziwa sona isoni.”

Nehemiya 2:3

Loli nkamwamula u mwene nkati, “Wee mwene, nkukulondela ubumi ubutali. Nkimba choni chicho ntangasulumannya, bo akaya akakulu nkani mumo muli amapumpa agha banyenya bane kaba chisami sona imilyango yache yochiwe?”

Yelemiya 5:10

“Buka nukughanangannya amampesya, loli mutakaghanangannye nkani. Dumulannya isamba zyache, pakuti abantu banaba bate ba Mwene.