Nehemiya 2:1 - IBAYIBOLO 2024

¹ Mumwezi uwa Nisani, mumwaka uwa 20 bo u mwene u Alitakiselesesi akulaghila sona bo ali pakulya, nkamupa uvinyo u mwene. Loli ntakasulumannyapo nalumo pamaso papache.

Nehemiya 2:1 Iomraidhean Croise

Ubwandilo 40:11

Ulubako ulwa Falabo lukaba munyobe yane, po nkasenda amampesya nukufinyila mulubako lula nukumupa u Falabo.”

Ubwandilo 40:21

U Falabo akamunyosezya pambombo yache uwakumupa uvinyo yula.

Ezila 4:7

Umwakuyana bulo, bo u mwene u Alitakiselesesi uwamu Peleziya akulaghila, u Bishilamu nu Mitiledati nu Tabeli na bamwabo abanji bosi bakamusimbila ukalata u mwene u Alitakiselesesi uwamu Peleziya. Ukalata yulayula akasimbiwa mu Chialamu sona bakamusanusyanga bo bakumubelengela u mwene.

Ezila 7:1

Bo pachilapo amaka aminji nkani sona bo u mwene u Alitakiselesesi uwa Peleziya akulaghila, pakabapo umuputi yumo u Ezila umwana uwa Selaya, umwana uwa Azaliya, umwana uwa Hilikiya,

Ezila 7:7

Aba Izilayeli bamo poka na baputi na Levi na bimbi na balindilili aba pamulyango na babombi aba mu Nyumba iya Chala bope bakabuka ku Yelusalemu mumwaka waseveni bo u mwene Alitakiselesesi akulaghila.

Nehemiya 1:1

Amazyu agha Nehemiya umwana uwa Hakaliya gho agha: Mumwezi uwa Kisilevi mumwaka uwa 20, bo indi mukaya akakulu nkani aka Susa,

Nehemiya 1:11

Wee Mwene ivwa ulwiputo lwane ne mubombi wako sona nulwa babombi bako, babo bakulichindika itabwa lyako. Itikizya ukuti ivintu vinyendelaye akiza ne mubombi wako pakumpelela ichisa pamaso pa mwene.” Pakabalilo kalakala nkaba ne wakumupa uvinyo u mwene.

Esitele 3:7

Mumwezi uwakwanda uwa Nisani, mumwaka uwa 12, bo u mwene u Ahaziwelo akulaghila, bakapanga amayele pamaso pa Hamani ukuti basale isiku ilyenecho sona nu mwezi uwenecho. Po amayele ghala ghakawila umwezi uwa 12 uwa Adala.

Daniyeli 9:25

“Umanye nukwivwisya ichintu ichi: Ukwanda pakabalilo kako indaghilo zikafumuziwanga ukuti akaya aka Yelusalemu kazengiwanje sona mupaka umulaghili umupakiwa afike, pakwiza ukuchilapo amaka 7 aghatubalilo aka 7. Sona amaka 7 aghatubalilo aka 62 pakwiza ukuzengiwa imisebo nukukumba imifolo mu Yelusalemu, loli pakabalilo akantamyo.