Nehemiya 13:9 - IBAYIBOLO 2024

⁹ Nkalamula ukuti baviswefye ivipinda vila, po nkavinyosezya ivibombelo ivya mu Nyumba iya Chala poka ni vyakwiyipa ivya busu sona nu twakufukizya utwakununkila.

Nehemiya 13:9 Iomraidhean Croise

2 Imbili 29:5

nukubabuzya ukuti, “Mwee ba Levi, ivwa kuno! Losi ulu mwiswefye mwebene, muyipaghulaye Inyumba iya Mwene u Chala uwa banyenya binyu. Mwefyemo ubunyazu bosi Mubuzilo Ubuzelu.

Nehemiya 10:37

“Ukonjelezyapo, tukwiza pakusangula ivyakwiyipa ivyakwanda pakutona ivya malezi, ni vyakwiyipa ivya busu nivya seke zyitu nu vinyo umupya sona na mafuta ghitu agha misyunguti nukwiza navyo kunyumba izyakusungilamo ivintu mu Nyumba iya Chala witu sona na ku baputi. Aswe tukwiza pakubapa aba Levi ichigaba choka pavigaba teni, pakuti aba Levi bo babo bakusonkezyanga ichigaba choka pavigaba teni mutwaya twitu tosi utukulu.

Nehemiya 12:45

Bakaba ni chiputo icha Chala wabo sona bakabombagha inyiho izyakwiswefezya. Po abimbi na balindilili aba pamulyango bope bakabomba bunubu, ukuyana namumo akalamulila u Devedi poka nu mwana wache u Solomoni.

Ezekiyeli 40:38

Mulubinjilo ulwakuzi kukabako ichipinda ichakonjelezyako chicho chikazengiwa kunyumba iyakwinjilila mukasi kulubazu ulwa kumitu, chicho chikighukilagha muchipinda ichakwinjilila umwakenannya nulubinjilo ulwa kuzi, po palapala bakasukilaghapo ivinyamana pakuba chakwiyipa ichakocha.