Nehemiya 13:5 - IBAYIBOLO 2024

⁵ umwakuti akamwitikizya pakubombezya ichipinda ichikulu, chicho bakasungilaghamo ivyakwiyipa ivya busu nu twakufukizya utwakununkila ni vibombelo ivya mu Nyumba iya Chala sona ni chigaba choka pavigaba teni ivya ngano nu vinyo umupya na mafuta agha misyunguti ukuti vibanje vya ba Levi na bimbi na balindilili aba pamulyango sona na baputi.

Nehemiya 13:5 Iomraidhean Croise

2 Imbili 31:11

U Hezekiya akabalamula ukuti bayannye ivipinda ivyakusungilamo ivyakulya mu Nyumba iya Mwene, po zinizi zikabombiwa.

2 Imbili 34:11

Bakabalipila sona abapalamatabwa na bazengi abanyumba ukuti baghule amabwe aghakubiza na matabwa agha ndatikilo nagha mitaliko iya nyumba zizyo abamwene aba mu Yuda bakazileka ukuti zibanje chisami.

Nehemiya 10:36

“Ukuyana ni Ndaghilo, tukwiza pakubapa abaputi babo bakubomba imbombo mu Nyumba iya Chala witu, abana bitu abalumendo abakatote sona na bana abakwanda pakupapiwa aba ng'ombe naba ng'ozi zyitu.

Nehemiya 10:37

“Ukonjelezyapo, tukwiza pakusangula ivyakwiyipa ivyakwanda pakutona ivya malezi, ni vyakwiyipa ivya busu nivya seke zyitu nu vinyo umupya sona na mafuta ghitu agha misyunguti nukwiza navyo kunyumba izyakusungilamo ivintu mu Nyumba iya Chala witu sona na ku baputi. Aswe tukwiza pakubapa aba Levi ichigaba choka pavigaba teni, pakuti aba Levi bo babo bakusonkezyanga ichigaba choka pavigaba teni mutwaya twitu tosi utukulu.

Nehemiya 10:38

Umuputi, yuyo waluko ulwa Aloni asonkezyanje ichigaba choka pavigaba teni poka naba Levi sona aba Levi bala bizaye ni chigaba choka pavigaba teni chila kuvipinda ivyakusungilamo ivintu mu Nyumba iya Chala.

Nehemiya 12:44

Pakabalilo kalakala, abantu bamo bakasaliwa ukuti benelezyanje ivipinda ivyakusungilamo ivintu, vivyo abantu bakasangula ni seke izyakwanda pakutona sona ni chigaba choka pavigaba teni. Abantu bala bakiyipa ivintu vivyo vikalondiwanga nukwiza navyo muvipinda ivyakusungilamo ivintu ukuti vibanje vya baputi naba Levi ukuyana ni Ndaghilo, pakuti abantu aba mu Yuda bakahobokagha nkani na baputi sona naba Levi babo bakabombagha imbombo.

Nehemiya 13:7

pakunyokela ku Yelusalemu. Kulakula nkazyaghannya ukuti u Eliyashibu akabombagha ichintu ichibibi nkani pakumwitikizizya u Tobiya ukuti abombezye ichipinda muntanda iya Nyumba iya Chala.

Ezekiyeli 40:38

Mulubinjilo ulwakuzi kukabako ichipinda ichakonjelezyako chicho chikazengiwa kunyumba iyakwinjilila mukasi kulubazu ulwa kumitu, chicho chikighukilagha muchipinda ichakwinjilila umwakenannya nulubinjilo ulwa kuzi, po palapala bakasukilaghapo ivinyamana pakuba chakwiyipa ichakocha.