Nehemiya 13:16 - IBAYIBOLO 2024

¹⁶ Abantu aba mu Tile, babo bakikalagha mu Yelusalemu bakizagha mu Yelusalemu pakughulizya iswi nu katundu uwakulekanalekana Pisiku Ilyakutuzya nukubaghulizizya abantu aba mu Yuda.

Nehemiya 13:16 Iomraidhean Croise

Nehemiya 13:15

Mumasiku ghalaghala, nkabennya abantu aba Yuda bali pakukanyankila amampesya Pisiku Ilyakutuzya. Bamo bakizagha na malezi pampunda zyabo nu vinyo na mampesya na makuyu sona nu katundu uwakulekanalekana. Bakizagha navyo vyosi vinivi ku Yelusalemu Pisiku Ilyakutuzya. Po nkabasoka ukuti batakaghulizyanje ivyakulya pisiku lilalila.

Nehemiya 13:17

Po nkabachemela abalongozi aba ba Yuda nkati, “Nkimba mutakuzyaghannya ukuti mukubomba ichintu ichibibi nkani pakulinyazya Isiku Ilyakutuzya?

Ukufuma 20:10

loli isiku ilyaseveni Lisiku Ilyakutuzya ilya Mwene u Chala winyu. Pisiku linilyo utakabombaye nayimoyimo imbombo manyi wewe manyi bana bako abalumendo manyi bana bako abalindu manyi bambombo bako abanavuli manyi bambombo bako abakolo manyi vitekwa vyako manyi bayeni babo bakwikala mukaya kako.

Ukufuma 23:12

“Mubombaye imbombo zyinyu amasiku sikisi, loli pisiku ilyaseveni mutakabombaye imbombo, umwakuti ing'ombe zyinyu ni mpunda zyinyu zingatuzya, sona nukuti abazya na bayeni abamunyumba zyinyu bangatuzyako.

Ukukumbusya Amalamulo 5:14

loli isiku ilyaseveni lisiku Ilyakutuzya ilya Mwene u Chala winyu. Pisiku linilyo utakabombaye nayimoyimo imbombo manyi wewe manyi bana bako abalumendo manyi bana bako abalindu manyi bambombo bako abanavuli manyi bambombo bako abakolo manyi nkambaku zyako manyi mpunda zyako manyi vitekwa vyako vyosi manyi bayeni babo bakwikala mukaya kako, umwakuti abambombo bako bope batuzyanje ukuyana namumo ukutuzizya.