Nehemiya 12:44 - IBAYIBOLO 2024

⁴⁴ Pakabalilo kalakala, abantu bamo bakasaliwa ukuti benelezyanje ivipinda ivyakusungilamo ivintu, vivyo abantu bakasangula ni seke izyakwanda pakutona sona ni chigaba choka pavigaba teni. Abantu bala bakiyipa ivintu vivyo vikalondiwanga nukwiza navyo muvipinda ivyakusungilamo ivintu ukuti vibanje vya baputi naba Levi ukuyana ni Ndaghilo, pakuti abantu aba mu Yuda bakahobokagha nkani na baputi sona naba Levi babo bakabombagha imbombo.

Nehemiya 12:44 Iomraidhean Croise

1 Imbili 23:28

Imbombo iya ba Levi yikaba yakubavwa abaluko ulwa Aloni pakubomba imbombo mu Nyumba iya Mwene pakwenelezya ulubinjilo ni vipinda nukuswefya ivibombelo ivizelu sona nukubomba imbombo izyakulekanalekana mu Nyumba iya Chala.

1 Imbili 26:20

Aba Levi abamwabo bakaba ni mbombo iyakwenelezya ivipinda ivyakusungilamo ukatundu mu Nyumba iya Chala sona ni vipinda ivyakusungilamo ivintu ivipaghuliwa.

1 Imbili 9:26

Loli abalindilili abasongo nkani folo aba pamilyango, babo bakaba ba Levi bakapeghiwa imbombo iyakwenelezya ivipinda vyosi sona ni chuma chosi icha mu Nyumba iya Chala.

Nehemiya 10:36

“Ukuyana ni Ndaghilo, tukwiza pakubapa abaputi babo bakubomba imbombo mu Nyumba iya Chala witu, abana bitu abalumendo abakatote sona na bana abakwanda pakupapiwa aba ng'ombe naba ng'ozi zyitu.

Ivyili 8:34

Musayiwa umuntu yuyo akunteghelezya, yuyo akwikala pamulyango wane isiku ni siku, nukundindilila pamulyango wane.

Yesaya 40:31

Loli abantu babo bakumusubila u Mwene, amaka ghabo ghakwiza pakunyokela kubupya. Bakwiza pakubuluka ngati mazwanga, bakwiza pakuchimbila loli batakwiza pakulita, bakwiza pakwenda loli batakwiza pakudedebala.

Ukubelengiwa 3:10

Umusale u Aloni na bana bache umwakuti babombaye imbombo iya buputi. Loli umuntu bulo yuyo akupalamila kupipi nu buzilo ubuzelu, aghoghiwanje.”

Aba Loma 12:7

Nanti ichabupi chitu chakuti tubabombele abanji, tubaghiye pakubabombela. Nanti ichabupi chitu chakuti tumanyisye, tubaghiye pakumanyisya.

Ukukumbusya Amalamulo 18:8

Apokelaye ichakulya umwakuyana bulo na baputi abanji, napapo apokela indalama izyakufuma pakatundu uwa bamunyumba yache.