Nehemiya 12:43 - IBAYIBOLO 2024

⁴³ Pisiku lilalila abantu bakabika ivyakwiyipa ivyinji nkani, pachifukwa ichakuti u Chala weyuyo akabapela ukuti bahobokaye. Abakolo na bana bope bakahoboka nkani, umwakuti ichongo icha kusekela ukwa bantu mu Yelusalemu chikivwikagha kubutali nkani.

Nehemiya 12:43 Iomraidhean Croise

2 Imbili 20:13

Abantu bosi aba mu Yuda, poka na bachi babo na bana sona na babonda babo, bakimilila pamaso pa Mwene.

2 Imbili 20:27

Po u Yehoshafati akabalongozya abantu bosi aba mu Yuda naba mu Yelusalemu nukunyokela nu buhobosu ku Yelusalemu, pakuti u Mwene akabapelela ubuhobosu pachifukwa icha kubapota abalwani babo.

2 Imbili 7:10

Pisiku ilya 23 ilya mwezi waseveni akababwezya abantu, bo bahoboka nukusekela ukukulu nkani pachifukwa icha vyiza vivyo u Mwene akamubombela u Devedi nu Solomoni sona na bantu bache aba Izilayeli.

Ezila 3:13

Patakabapo nayumoyumo umuntu uwakulesannya ukukolomoka ukwa kusekela nukulila, pachifukwa ichakuti abantu bakazumagha nkani ichongo. Po ichongo chila chikivwika pabutali nkani.

Nehemiya 12:27

Pakabalilo akakupaghulila ulupaso ulwa Yelusalemu, aba Levi bakitiziwa ukufuma kuko bakikalagha ukuti bize ku Yelusalemu kulusekelo ulwakupaghulila ulupaso pakwimba inyimbo izyakupalizikizya nukulizya amalimba ni vinanda sona na mapango.

Nehemiya 12:42

poka nu Maseya nu Shemaya nu Eleyazala nu Uzi nu Yehohanani nu Malikiya nu Elamu nu Ezeli. Utubukatila utwa bimbi utu tukalongoziwa nu Yezilahiya.

Yobu 34:29

Loli nanti naloli u Chala abanga bulo myee, nkimba wewenu yuyo angamupa inongwa? Nanti angafisa icheni chache, nkimba wewenu yuyo angamwennya? Pope bulo weyuyo akumusungilila umuntu, sona ni inko zyosi umwakuyana bulo,

Masalimo 27:6

Po nkwiza pakubapota abalwani bane babo banzyunguliye, sona nkwiza pakubika ichakwiyipa muchisakasa chache nukukolomoka. Nkwiza pakwimba inyimbo izyakumupalizikizya u Mwene.

Masalimo 28:7

U Mwene we maka ghane sona we ngulu yane, po umoyo wane ghumusubiye sona anyavwa. Umoyo wane ghukunyelanyela pachifukwa icha buhobosu, sona nkwiza pakumupala ni nyimbo.

Masalimo 9:2

Nkwiza pakuhoboka nukusekela pachifukwa icha wewe, sona nkwiza pakulipalagha itabwa lyako, wee Wakumwanya Nkani.

Masalimo 92:4

Wee Mwene Pachifukwa ichakuti ukuhobosya ni mbombo zyako, pachifukwa icha mbombo izya nyobe zyako nimbaye nukusekela.

Yesaya 61:3

nukubapa babo bakulila mu Ziyoni, ukubapa impumpu iya kabonekele akiza mubuzilo ubwa itoyi, amafuta aghalusekelo, mubuzilo ubwa kulila, numwenda uwa mapalo, mubuzilo ubwa muzimu uwa vitima. Bakwiza pakwitiziwa umupandapanda uwa bugholosu, ichibyalwa icha Mwene ukuti achindikiwanje.

Yelemiya 31:13

Po abalindu bakwiza pakujina nukusekela, bope abasongo na balumendo banaba. Nkwiza pakukupela ukulila kwabo kula pakuba lusekelo, nkwiza pakubasangalusya nukubahobosya mubuzilo ubwa chitima.

Yelemiya 33:11

amazyu agha buhobosu nulusekelo, na mazyu agha bantu babo bali palusekelo ulwa sendwa iya mulindu nu mulumendo, sona ninyimbo izya babo bakubika ivyakwiyipa ivyakupalizikizya mu Nyumba iya Mwene ivyakuti, ‘Mumupalizyanje u Mwene Uwamaka Ghosi pakuti u Mwene mwiza, ulughano lwache lwa bwila na bwila.’ Pakuti nkwiza pakuchinyosezya ichisu ubwiza bwache ngati mumo bukabela kale.

Ukubelengiwa 10:10

Mulizyanje amapati bo muli nu lusekelo ulwa Kupanta ukwa Mwezi nu lusekelo ulwa viputo, sona bo mukubika ivyakwiyipa ivyakocha, sona ni vyakwiyipa ivyabupoka. Amapati ghanagha ghakwiza pakubavwa pakumukumbuka u Chala winyu. Ane ne Mwene u Chala winyu.”

Matayi 21:15

Abaputi abasongo na bamanyisi aba Ndaghilo bakakalala nkani bo bennya ivyakuswighisya nkani vivyo akabombagha, sona nukukolomoka ukwa bana mu Nyumba iya Chala ukuti, “Apaliwanje u Mwana uwa Devedi!”

Matayi 21:9

Abantu abinji babo bakaba kuntazi na kwisinda ukwa Yesu bakanda pakukolomoka ukuti, “Apaliwanje u Mwana uwa Devedi! U Chala amusaye yuyo akwiza mwitabwa ilya Mwene! U Chala apaliwanje!”

Yohani 16:22

Momumo zibeleye namwe, ilelo muli ni chitima, loli nkwiza pakubennya sona. Amoyo ghinyu ghakwiza pakwizula nu buhobosu, ubuhobosu bubo nayumo umuntu atangabafyula.

Aba Efeso 5:19

Mwangalilanaye na mazyu agha masalimo, ni nyimbo izyakumupala u Chala, sona ni nyimbo izya buzimu. Po mumwimbilaye u Mwene inyimbo nukumupala mumoyo ghinyu.

Yakobo 5:13

Nkimba alipo umuntu yumo mumwinyu yuyo ali mumayimba? Iputaye. Fwandi, alipo yumo yuyo ahobokite? Imbaye inyimbo izyakumupala u Chala.

1 Samuweli 4:5

Bo Ibokosi ilya Lufingo ilya Mwene biza nalyo muvisakasa, aba Izilayeli bosi bakakolomoka nkani umwakuti ichisu chikaneng'ena.