Nehemiya 12:39 - IBAYIBOLO 2024

³⁹ nukudumusannya pa Mulyango uwa Efulayimu nuwa Yeshana nu waswi ni chitembe icha Hananeli sona ni chitembe icha 100, mupaka ku Mulyango uwa Ng'ozi. Po bakimilila pa Mulyango uwa Balindilili.

Nehemiya 12:39 Iomraidhean Croise

2 Abamwene 14:13

U mwene u Yehowashi akamulema u mwene u Amaziya, umwana uwa Yowashi, yuyo akaba mwizukulu uwa Ahaziya mu Beti Shemeshi. Po u Yehowashi akabuka ku Yelusalemu nukumongolannya ulupaso ulwa Yelusalemu amamita 200 ukwandila pamulyango uwa Efulayimu mupaka pamulyango uwa pankuto.

Nehemiya 12:40

Utubukatila tubili utwa bimbi, tuto tukimbagha inyimbo izyakupalizikizya tukikala mubuzilo bwabo mu Nyumba iya Chala. Po nane bulo poka na makambala ghamo tukikala mubuzilo bwitu

Nehemiya 3:1

Po umuputi usongo u Eliyashibu, poka na baputi abamwabo bakazenga sona Umulyango uwa Ng'ozi. Akaghupaghula nukubikapo inyiyi sona bakazenga mupaka pachitembe icha 100 nukufika pachitembe icha Hananeli.

Nehemiya 3:25

Pakakonkapo u Palali umwana uwa Uzayi, wepe akazenga sona ichigaba ichakwenannya ni nkuto sona ni chitembe icha panyumba yamumwanya iya mwene papipi ni nyumba iya balindilili. Pakakonkapo u Pedaya, umwana uwa Paloshi,

Nehemiya 3:3

Pakakonkapo abana aba Hasena, bope bakazenga sona Umulyango uwaswi nukubikapo intatikilo zyache ni nyiyi ni vyakupinyila ivya chela sona ni mpingwi zyache.

Nehemiya 3:6

Pakakonkapo u Yoyada, umwana uwa Paseya nu Meshulamu umwana uwa Besodeya, bope bakazenga sona Umulyango uwa Yeshana nukubika intaliko ni nyiyi ni vyakupinyila ivya chela sona ni mpingwi zyache.

Nehemiya 8:16

Po abantu bakabuka pakudumula isamba nukuzengela ivisakasa palubinjilo ulwa nyumba zyabo ni ntanda zyabo sona nu lubinjilo ulwa Nyumba iya Chala sona nu lubinjilo ulwa pa Mulyango uwa Mizi sona napa Mulyango uwa Efulayimu.

Yelemiya 31:38

U Mwene akuti, “Amasiku ghakwiza ghagho bakwiza pakunzengela sona akaya akakulu ukwandila ku Chitembe icha Hananeli mupaka pa Mulyango uwa Pankuto.

Yelemiya 32:2

Pa kabalilo kalakala abasilikali aba mu Babiloni bakakazyungulila akaya akakulu nkani aka Yelusalemu, po umulaghuzi u Yelemiya akighaliliwa muchipinda icha balindilili munyumba iya bumwene muchisu icha Yuda.

Zefaniya 1:10

Pisiku lilalila ukulila kukwiza pakwivwika pa Mulyango Uwaswi. Ukufwifwitila kukwiza pakwivwika ukufuma Muchigaba Ichipya, ukukoma kukwiza pakwivwika mutughamba.” U Mwene anena.

Yohani 5:2

Mu Yelusalemu mulamula papipi nu Mulyango uwa Ng'ozi mukaba ichiziba chicho chikazyunguliliwa ni ntanda fayivi, chicho mu Chihebeli bakatinji Betizada