Nehemiya 12:30 - IBAYIBOLO 2024

³⁰ Bo abaputi naba Levi babomba inyiho izyakwiswefezya, bakabaswefya abantu, ni milyango sona nu lupaso lula.

Nehemiya 12:30 Iomraidhean Croise

Ubwandilo 35:2

Po u Yakobo akababuzya abamunyumba yache, sona na bosi babo bakaba nawe akati, “Tagha utwachala utuyeni tuto muli nato pakasi papinyu. Mwiswefye mwebene, sona muvwalaye amenda aghanji amiza.

1 Imbili 15:14

Abaputi poka naba Levi bakipaghula bene ukuti balinyamule Ibokosi ilya Lufingo ilya Mwene u Chala uwa Izilayeli.

2 Imbili 29:34

Loli abaputi bakaba banandi, umwakuti bakapotwa pakukasa amakwela agha ivyakwiyipa ivyakocha vyosi vila. Po abakamu babo aba Levi bakabavwa mupaka imbombo yosi yikamala, sona mupaka abaputi abanji bosi bakipaghula, pakuti aba Levi bakazikonkagha nkani inyiho izya kwipaghula ukuchila abaputi.

2 Imbili 29:5

nukubabuzya ukuti, “Mwee ba Levi, ivwa kuno! Losi ulu mwiswefye mwebene, muyipaghulaye Inyumba iya Mwene u Chala uwa banyenya binyu. Mwefyemo ubunyazu bosi Mubuzilo Ubuzelu.

Ezila 6:21

Po aba Izilayeli babo bakanyokako kubuzya bakalya poka na babo batakinyazya bene ni vintu ivibibi ivya inko izinji zizyo zikikalagha muchisu chilachila, umwakuti bamuchindikaye u Mwene u Chala uwa Izilayeli.

Nehemiya 12:29

nakaya aka Beti Giligali sona na muvigaba ivya Geba na mu Azimaveti, pakuti abimbi banaba bakizengela utwaya ukuzyungulila akaya akakulu nkani aka Yelusalemu.

Nehemiya 13:22

Po nkabalamula aba Levi ukuti biswefye nukubuka pakulindilila pamulyango, umwakuti Isiku Ilyakutuzya libanje lizelu. Wee Chala wane, unkumbukaye sona unsungaye nu lughano lwako ulukulu nkani.

Nehemiya 13:30

Po nkubaswefya abaputi naba Levi ukubefya ivintu vyosi iviyeni sona nkamupa umuntu wesi imbombo iyakuti abombaye.

Yobu 1:5

Bo amasiku agha lusekelo ghamala, u Yobu akabukagha na bana bache pakubaswefya. Pandabindabi akabikagha ichakwiyipa ichakocha icha mwana wesi pakuti akinong'onagha ukuti, “Lumo abana bane banangite nukumusamula u Chala umwakusita kumanya.” U Yobu akabombagha ulwiho ulu bwila na bwila.

Ukufuma 19:10

U Mwene akamulamula u Mozesi akati, “Bukagha ku bantu ukuti ilelo ni ndabi biswefye nukuchapa amenda ghabo.

Ukufuma 19:15

U Mozesi akabalamula abantu bala akati, “Pisiku ilyabutatu mwiyannye mwebene. Mukabalilo kanaka atakabepo nayumo umuntu uwakughona nu mukolo.”

Aba Hebeli 5:1

Umuputi wesi Usongo akusaliwa pakasi pabantu ukuti abimilile mubuzilo bwabo pamaso pa Chala, pakubika ivyabupi ni vyakwiyipa pachifukwa icha mbibi.

Aba Hebeli 5:3

Ichi cho chifukwa abaghiye pakubika ichakwiyipa pachifukwa icha mbibi izyache ni zyache, sona ni chakwiyipa icha mbibi izya bantu.