Nehemiya 12:25 - IBAYIBOLO 2024

²⁵ Abalindilili babo bakalindiligha pamulyango uwa vipinda ivyakusungilamo ivintu bakaba bo aba: U Mataniya nu Bakibukiya nu Obadiya nu Meshulamu nu Talimoni sona nu Akubu.

Nehemiya 12:25 Iomraidhean Croise

2 Abamwene 7:10

Po bakabuka nukubitizya abalindilili aba pamilyango uwa kaya nukubabuzya ukuti, “Aswe tukabuka kuvisakasa ivya ba Siliya, po tutakamwaghako nayumoyumo umuntu. Ghope amazyu tutakaghivwapo, ifalasi ni mpunda zikaba mpinyilile, sona ivisakasa vikaba ngati mumo vikabela.”

1 Imbili 23:32

Aba Levi benelezyanje Ichisakasa icha Mwene mu Chipinda Ichizelu pakubavwa abakamu babo, abaluko ulwa Aloni. Babanje sona ni mbombo iyakwenelezya ichiputo mu Nyumba iya Mwene.

1 Imbili 26:12

Utubukatila utwa balindilili aba pamulyango uwa Nyumba iya Chala ukuyana na balongozi bakabombagha mu Nyumba iya Mwene, ngati mumo bakabombelagha abakamu babo.

1 Imbili 26:15

U Obedi Edomu bakamusala ukuti alindililaye pa Mulyango uwa Kuntende, abana bache bakalindililagha muchipinda ichakusungilamo ukatundu.

1 Imbili 26:17

Pisiku lyoka pakabapo abalindilili sikisi kubufumilo bwizuba na balindilili folo kumitu na balindilili folo kuntende sona babili pakabalilo koka ukuti balindililaye ivipinda ivyakusungilamo ukatundu.

2 Imbili 8:14

Uwise u Devedi akamulamula u Solomoni pakubagabila abaputi naba Levi imbombo muvigaba ukuti balongozyanje inyimbo izyakupalizikizya nukubavwa abaputi ukuyana ni mbombo iya isiku ni siku. Akabasala sona abalindilili ukuyana nu tubukatila twabo ukuti balindililaye pamilyango iyakulekanalekana pachifukwa ichakuti ivi vikaba bulo ukuyana namumo u Devedi umubombi uwa Chala akalamulilagha.

Yesaya 21:8

Po yuyo akennyanga akakolomoka akati, “U mwene wane pamusanya na pabusiku, nkwikala pachitembe.