Nehemiya 10:36 - IBAYIBOLO 2024

³⁶ “Ukuyana ni Ndaghilo, tukwiza pakubapa abaputi babo bakubomba imbombo mu Nyumba iya Chala witu, abana bitu abalumendo abakatote sona na bana abakwanda pakupapiwa aba ng'ombe naba ng'ozi zyitu.

Nehemiya 10:36 Iomraidhean Croise

2 Imbili 31:5

Bo alamula bulabula aba Izilayeli bakiyipa ivikomwa ivyakwanda pakutona ingano nu vinyo umupya na mafuta agha misyunguti nu buchi sona na vyosi ivya mumaghunda ghabo. Bakiyipa ivyinji nkani, kokuti ichigaba choka pa vigaba teni icha vintu vyabo vyosi.

Nehemiya 12:44

Pakabalilo kalakala, abantu bamo bakasaliwa ukuti benelezyanje ivipinda ivyakusungilamo ivintu, vivyo abantu bakasangula ni seke izyakwanda pakutona sona ni chigaba choka pavigaba teni. Abantu bala bakiyipa ivintu vivyo vikalondiwanga nukwiza navyo muvipinda ivyakusungilamo ivintu ukuti vibanje vya baputi naba Levi ukuyana ni Ndaghilo, pakuti abantu aba mu Yuda bakahobokagha nkani na baputi sona naba Levi babo bakabombagha imbombo.

Nehemiya 13:5

umwakuti akamwitikizya pakubombezya ichipinda ichikulu, chicho bakasungilaghamo ivyakwiyipa ivya busu nu twakufukizya utwakununkila ni vibombelo ivya mu Nyumba iya Chala sona ni chigaba choka pavigaba teni ivya ngano nu vinyo umupya na mafuta agha misyunguti ukuti vibanje vya ba Levi na bimbi na balindilili aba pamulyango sona na baputi.

Ukufuma 13:2

“Umpaghulile umwana wesi ukatote umulumendo pachifukwa ichakuti ukatote wesi umulumendo uwa ba Izilayeli wane, sona wepe nu mwana wesi uwakwanda pakupapiwa uwa chitekwa wane.”

Ukufuma 23:19

“Mwizaye ku Nyumba iya Mwene u Chala winyu ni vikomwa ivyiza ivyakwanda pakutona ivya maghunda ghinyu. “Mutakapiyaghe inyama iya mwana uwa ng'ozi pamo umwana uwa mbuzi mu lukama ulwa nyina.

Ukufuma 34:19

“Umwana wesi umulumendo ukatote, sona nu mwana wesi uwakwanda pakupapiwa uwa chitekwa, wane.

Malaki 3:10

Mwizaye munyumba yane iyakusungulamo ivyabupi vyinyu ivya chigaba choka pavigaba teni ukuti munyumba yane mubanje ivyakulya ivyinji.” U Mwene Uwamaka Ghosi akuti, “Munjele umwakuti mwennye nanti inte nighule imilyango iyakumwanya nukubawisizya ulusayo ulwinji nkani umwakuti mutakwiza pakuba navyo ivyinji nkani.”

Ukubelengiwa 3:13

pakuti abana bosi abalumendo abakatote bane. Pakabalilo kako nkabaghogha abana abalumendo abakatote aba muchisu icha Ijiputi, nkipaghulila nemwene umwana umulumendo wesi ukatote uwa ba Izilayeli manyi wa muntu manyi wa chinyamana. Bosi banaba bane. Ane ne Mwene.”

Aba Galatiya 6:6

Umuntu wesi yuyo akumanyisiwa amazyu agha Chala, agabane nu muntu yuyo ukumumanyisya ivyiza vyosi vivyo ali navyo.

Ukukumbusya Amalamulo 12:6

Kulakula mubikaye ivyakwiyipa ivyakocha, sona ni vyabupi vyinyu, ni chigaba choka pavigaba teni, ni vyakwiyipa vyinyu ivipaghuliwa, vivyo mwamulayizya u Mwene, ni vyakwiyipa ivya bwighane, sona na bana abakwanda pakupapiwa aba ng'ombe naba ng'ozi.