Nehemiya 10:32 - IBAYIBOLO 2024

³² “Tukulapa sona ukuti umwaka nu mwaka umuntu wesi akwiza pakusangulagha amagalamu fayivi agha siliva ukuti ghabombaye imbombo mu Nyumba iya Chala witu.

Nehemiya 10:32 Iomraidhean Croise

Ubwandilo 28:22

Ibwe ili lilyo nalyimika pakuba chikumbusyo, likwiza pakuba Nyumba iya Chala, sona nkwiza pakukupa ichigaba choka pa vigaba 10 ivya vintu vyane vyosi vivyo ukwiza pakumpa.”

1 Imbili 26:27

Ivintu vimo vivyo bakakufyula kubwite bakasabulapo vimo vikapaghuliwa ukuti vyavwe pakuyannya Inyumba iya Mwene.

Nehemiya 13:15

Mumasiku ghalaghala, nkabennya abantu aba Yuda bali pakukanyankila amampesya Pisiku Ilyakutuzya. Bamo bakizagha na malezi pampunda zyabo nu vinyo na mampesya na makuyu sona nu katundu uwakulekanalekana. Bakizagha navyo vyosi vinivi ku Yelusalemu Pisiku Ilyakutuzya. Po nkabasoka ukuti batakaghulizyanje ivyakulya pisiku lilalila.

Nehemiya 13:18

Umu momumo abanyenya binyu bakabombelagha, po u Chala witu akatuwisizya aswe sona nakaya akakulu nkani aka intamyo zyosi zinizi? Polelo mukulonda pakunyamusya ubukali ubwa Chala paba Izilayeli pakulinyazya Isiku Ilyakutuzya.”

Nehemiya 13:21

Loli nkabasoka pakubalalusya ukuti, “Nkimba choni chicho mukughona papipi nulubumba? Nanti mukubomba sona bunubu, nkwiza pakubapinya.” Po ukwanda pakabalilo kalakala abantu bala batakiza sona Pisiku Ilyakutuzya.

Nehemiya 5:10

Nane bulo na bawamwitu sona na bambombo bane tukubakopezya abantu indalama ni ngano. Po muleke pakubanyosezya indalama izyakukabilapo pandalama zizyo bakopa.

Nehemiya 9:14

Ukabamanyisyanga pakusungilila Isiku izelu Ilyakutuzya sona ukabapa amalamulo, ni vimanyisyo, sona ni ndaghilo ukwendela mu mubombi wako u Mozesi.

Ukufuma 23:11

Loli mumwaka uwaseveni amaghunda ghinyu ghaghonele, sona mutakinule chosi chicho chikumela mumo. Abantu abapina balyemo vivyo vyamela mumo, sona nukuti ivinyamana ivya muzi vilye vivyo vyasyalikila. Mubombaye bunubu na maghunda bulo agha mampesya, sona na makwi agha misyunguti.

Ivyili 3:9

Umuchindikaye u Mwene nu bukabi bwako ni nyinulo yako yosi iyakwanda.

2 Aba Kolinti 8:12

Pakuti nanti umuntu akulonda pakupa chimo, u Chala akupokela ichabupi chilachila ukuyana na vivyo umuntu ali navyo, sona atakumubuzya pakupa ichintu chicho ate nacho, awe.