Nehemiya 10:30 - IBAYIBOLO 2024

³⁰ “Tutakwiza pakubitikizya abana bitu abalindu ukuti babanje bachi aba bantu aba inko izinji babo batizyunguliye pamo ukubitikizya abana babo abalindu ukuti babanje balasagha bitu.

Nehemiya 10:30 Iomraidhean Croise

2 Abamwene 23:25

Bo u Yosiya atimikiwe pakuba we mwene, patakabapo nayumoyumo u mwene yuyo akayana nawe, yuyo nu moyo wache ghosi ni nyinong'ono zyache zyosi sona na maka ghache ghosi akiyipa kwa Mwene ukuyana nu Lulaghilo ulwa Mozesi sona atakabapo nayumoyumo kwisinda kukwache yuyo akayana nawe.

2 Abamwene 23:3

U mwene akimilila papipi ni mpanda nukufinga chipyachipya pamaso pa Mwene, ukuti akwiza pakumwivwilagha nukukonka amalamulo ghache ni ndaghilo zyache sona ni vimanyisyo vyache nu moyo wache ghosi, sona nu muzimu wache ghosi, umwakuti asimikizye amazyu agha lufingo ghagho ghasimbiwe mwibuku linili. Po abantu bosi bakafinga ukuti bakwiza pakusunga ulufingo lula.

2 Imbili 34:31

U mwene akimilila papipi ni mpanda yache nukufinga ichipyachipya pamaso pa Mwene, ukuti akwiza pakumwivwilagha, nukukonka amalamulo ghache ni ndaghilo zyache sona ni vimanyisyo vyache nu moyo wache ghosi nu muzimu wache ghosi sona nukughivwila amazyu agha lufingo ghagho ghasimbiwe mwibuku lilalila.

Nehemiya 10:1

Abantu babo bakadindapo ichidindo bakaba bo aba: Umulaghili uwa chisu u Nehemiya, umwana uwa Hakaliya nu Zedekiya

Nehemiya 13:23

Mumasiku ghalaghala, nkabennya abanavuli aba mu Yuda babo bakasenda abakolo aba mu Ashidodi naba mu Amoni sona naba mu Mowabu pakuba bachi babo.

Nehemiya 13:25

Nkabachemela nukubaghuna. Nkabakoma bamo abanavuli nukunyunkula isisi zyabo. Po nkabalapizya ichilapo pamaso pa Chala nukuti, “Mutakabitikizyanje abana binyu abalindu ukuti babanje balasagha babo, pamo ukubitikizya abana babo abalindu ukuti babanje balasagha binyu.

Nehemiya 13:30

Po nkubaswefya abaputi naba Levi ukubefya ivintu vyosi iviyeni sona nkamupa umuntu wesi imbombo iyakuti abombaye.

Nehemiya 5:12

Po bakamula bakati, “Eee tukwiza pakubanyosezya sona tutakwiza pakupokelapo nalumo ichintu chimo.” Panapo nkabitizya abalongozi na makambala nukubalapizya pamaso pa baputi ukuti bakwiza pakubomba zizyo bakalayizyanga.

Masalimo 119:106

Nalapa ichilapo sona nadumula, pakuzikonka indaghilo zyako ingolosu.

Ukufuma 34:16

Lumo abana binyu abalumendo bangasenda abana babo abalindu nukubapela pakuba basita basubiliwa kukwane, po bope bakwiza pakubiputa abachala abanji.

Ukukumbusya Amalamulo 29:11

poka na bana binyu na bachi binyu, na bayeni babo bakwikala muvisakasa vyinyu, babo bakubapantulila inkwi nukubasembela amizi.

Ukukumbusya Amalamulo 7:3

Mutakasendanaye nabo, sona mutakabitikizyanje abana binyu ukuti basendane na bana babo,