Nehemiya 10:29 - IBAYIBOLO 2024

²⁹ tukwitinkana na bakamu bitu abachindikiwa sona tukulapa ichilapo ukuti tukwiza pakuzikonka Indaghilo izya Chala, zizyo akatupa ukwendela mu mubombi wache u Mozesi sona nukuti tukwiza pakughakonka amalamulo ni ndaghilo sona ni vimanyisyo ivya Mwene u Chala witu.

Nehemiya 10:29 Iomraidhean Croise

2 Abamwene 10:31

Loli u Yehu atakazikonka indaghilo izya Mwene u Chala uwa ba Izilayeli nu moyo wache ghosi. Atakazileka imbibi izya Yelobowamu zizyo zikabapelagha aba Izilayeli ukuti bope banangaye.

2 Abamwene 23:3

U mwene akimilila papipi ni mpanda nukufinga chipyachipya pamaso pa Mwene, ukuti akwiza pakumwivwilagha nukukonka amalamulo ghache ni ndaghilo zyache sona ni vimanyisyo vyache nu moyo wache ghosi, sona nu muzimu wache ghosi, umwakuti asimikizye amazyu agha lufingo ghagho ghasimbiwe mwibuku linili. Po abantu bosi bakafinga ukuti bakwiza pakusunga ulufingo lula.

1 Imbili 9:2

Abantu babo bakaba bakwanda pakwikalana muvyisu vyabo, na mutwaya twabo bakaba ba Izilayeli bamo, na baputi naba Levi sona na babombi aba mu Nyumba iya Chala.

2 Imbili 34:31

U mwene akimilila papipi ni mpanda yache nukufinga ichipyachipya pamaso pa Mwene, ukuti akwiza pakumwivwilagha, nukukonka amalamulo ghache ni ndaghilo zyache sona ni vimanyisyo vyache nu moyo wache ghosi nu muzimu wache ghosi sona nukughivwila amazyu agha lufingo ghagho ghasimbiwe mwibuku lilalila.

2 Imbili 6:16

“Wee Mwene, u Chala uwa Izilayeli, ilelo kwanilisya zizyo ukamulayizya umubombi wako utata wane u Devedi, bo ukumubuzya ukuti, ‘Utakwiza pakusobelwapo nalumolumo umuntu uwakwikala pamaso papane pachitengo icha bumwene mu Izilayeli, nanti abana bako bakubomba akiza pakuzikonka indaghilo zyane ngati mumo wabombelagha.’

Nehemiya 13:25

Nkabachemela nukubaghuna. Nkabakoma bamo abanavuli nukunyunkula isisi zyabo. Po nkabalapizya ichilapo pamaso pa Chala nukuti, “Mutakabitikizyanje abana binyu abalindu ukuti babanje balasagha babo, pamo ukubitikizya abana babo abalindu ukuti babanje balasagha binyu.

Nehemiya 7:46

Ababombi aba mu Nyumba iya Chala bakaba bo aba: Abaluko ulwa Ziha nulwa Hasufa nulwa Tabawoti,

Nehemiya 8:2

Pisiku ilyakwanda ilya mwezi waseveni umuputi u Ezila akiza ni Buku ilya Ndaghilo pamaso pa chilundilo, papo pakaba abanavuli na bakolo sona na bantu bosi babo bangivwisya.

Nehemiya 8:3

Akabelenga Ibuku ilya Ndaghilo lila umwakwivwika nkani pamaso pa banavuli na bakolo, na bantu abanji babo bangivwisya, babo bakabungana palubinjilo kuntazi ukwa Mulyango uwa Mizi ukwanda pandabindabi mupaka pamusanya. Abantu bosi bakateghelezyanga nkani bo Ibuku ilya Ndaghilo likubelengiwa.

Nehemiya 9:2

Aba Izilayeli bakipaghula pakasi pa bayeni, po bakilata imbibi zyabo sona nukunanga ukwa banyenya babo.

Nehemiya 9:38

“Pachifukwa icha vyosi vinivi aswe tukufinga ulufingo ulusimbe. Po abalongozi bitu naba Levi bitu sona na baputi bitu bakudindapo ichidindo chabo.”

Masalimo 105:45

Akabomba bunubu ukuti abantu bache baghakonkaye, amalamulo ghache ni ndaghilo zyache. U Mwene apaliwanje.

Masalimo 119:106

Nalapa ichilapo sona nadumula, pakuzikonka indaghilo zyako ingolosu.

Masalimo 8:1

Wee Mwene, u Mwene witu, itabwa lyako likulu nkani pachisu chosi ichapasi! Ubuchindamu bwako bufikite ko kumwanya.

Masalimo 8:9

Wee Mwene, u Mwene witu, itabwa lyako likulu nkani pachisu chosi ichapasi!

Yesaya 14:1

U Mwene akwiza pakuba ni chililizi na bamunyumba iya Izilayeli, akwiza pakumusala sona nukumwikazya muchisu ichabo ni chabo. Abayeni bakwiza pakuba poka nabo munyumba yache.

Yelemiya 26:4

Ubabuzye ukuti, ‘Umu momumo u Mwene akunenela: Nanti mutakunyivwila nukukonka ululaghilo lwane lulo nkabapa,

Yelemiya 34:15

Lunulu bulo mukapinduka nukwanda pakubomba zizyo zikunhobosya. Mwebosi mukivwana pakubapa ubwabuke aba Izilayeli abamwinyu. Sona mukafinga ulufingo pamaso papane munyumba yiyo yikwitiziwa nitabwa lyane.

Ezekiyeli 36:27

Nkwiza pakubika Umuzimu wane mumwinyu nukubapela ukuti mwivwilaye indaghilo zyane sona mubanje maso pakughasungilila amalamulo ghane.

Aba Levi 20:26

Mubanje mwe bantu bazelu, pakuti Ane ne Mwene ne muzelu, sona imbapaghuye amwe pakasi pabantu aba inko izinji, umwakuti mubanje bantu abane na bane.

Malaki 4:4

“Mulukumbukaye ululaghilo ulwa mubombi wane u Mozesi, indaghilo na malamulo ghagho nkamupa pighamba ilya Sinayi ukuti ababuzye aba Izilayeli bosi.”

Ukubelengiwa 5:21

umuputi yula amulapizye umukolo yula na mazyu agha nguno aghakuti, ‘U Mwene akupele awe pakuba we mughuniwa pakasi pabantu abaluko lwako, sona izuzye ulwanda lwako nukwighalila impapo yako.

Yohani 1:17

U Chala akatupa Indaghilo ukwendela mwa Mozesi, loli akatupa ichisa nu bwanaloli ukwendela mwa Yesu Kilisitu.

Yohani 15:14

Amwe mwe bamanyani bane nanti mukubomba zizyo nkubalamula.

Yohani 7:19

U Mozesi akabapa Indaghilo. Nkimba mute momumo? Loli nayumo umuntu mumwinyu yuyo akukonka Indaghilo. Nkimba choni chicho mukulonda pakungogha?”

Imbombo 11:23

Bo afika nukwennya mumo u Chala abasayila abantu, akahoboka nkani nukubalaba bosi ukuti bendelele pakusubila mwa Mwene na moyo ghabo ghosi.

Imbombo 17:34

Abantu bamo bakamukonka nukusubila. Uwabamo akaba we Diyonisiya, weka uwa kubuzilo ubwakulongelako inongwa bubo bukwitiziwanga ukuti Eleyopaga. Pakabapo sona umukolo yumo yuyo itabwa lyache akaba we Damalisi, sona na bantu abanji.

Imbombo 23:21

Loli utakabateghelezye pakuti balipo abantu abakuchila pa 40, babo bakwiza pakumuvwamilila u Pabuli ukuti bamughoghe. Balapa ukuti batakwiza pakulya pamo ukung'wela nakamo mupaka papo bamughogha. Losi ulu biyanizye kale ukuti bamughoghe, bakulindilila bulo kukwako ukuti udumule.”

Aba Loma 12:9

Ulughano lutakabanje lwa buzimbuli. Muchibengaye chicho chibibi, loli muchilemelele chicho chiza.

Ukukumbusya Amalamulo 33:4

Aswe tukughakonka amalamulo ghagho u Mozesi akatupa, ghanagha mpyana iya luko ulwa Yakobo.

Ukukumbusya Amalamulo 5:1

U Mozesi akababungannya aba Izilayeli bosi nukubabuzya ukuti, “Mwe ba Izilayeli, ivwa indaghilo na malamulo ghosi ghagho nkubabuzya ilelo. Mughamanyilaye, sona mwenelezye ukuti mukughakonka.

Ukukumbusya Amalamulo 5:32

Mwee ba Izilayeli, mwenelezye ukuti mukukonka zizyo u Mwene u Chala winyu abalamuliye. Mutakapaghukilaye kundilo pamo kumongo.