Nehemiya 1:7 - IBAYIBOLO 2024

⁷ Twakunangila nkani sona tutakaghakonka amalamulo ghako ni ndaghilo sona ni vimanyisyo vyako vivyo ukamupa umubombi wako u Mozesi.”

Nehemiya 1:7 Iomraidhean Croise

1 Abamwene 2:3

Ubombaye zyosi zizyo u Mwene u Chala akukulamula. Ukonkaye indaghilo zyache na malamulo ghache ni vimanyisyo vyache sona na zyosi zizyo akulonda, ukuyana namumo zisimbiliwe mu Ndaghilo izya Mozesi, umwakuti ivintu vikwendelaye akiza pavyosi vivyo ukubomba, sona kosi kuko ukubuka.

2 Imbili 25:4

Pope bulo atakabaghogha abana babo, ukuyana namumo zisimbiliwe mu Ndaghilo izya Mozesi, mumo u Mwene akalamula akati, “Abapapi batakaghoghiwanje pachifukwa icha mbibi izya bana babo, bope abana batakaghoghiwanje pachifukwa icha mbibi izya bapapi babo. Loli umuntu wesi aghoghiwanje pachifukwa icha mbibi izyache ni zyache.”

2 Imbili 27:2

U Yotamu akamuhobosya u Mwene pakubomba ingolosu ukuyana namumo uwise u Uziya akabombelagha, loli atakinjila mu Nyumba iya Mwene. Pope bulo abantu bakabomba imbombo inyonganu.

Ezila 7:6

U Ezila yunuyu akanda ubulendo bwache mu Babiloni sona akaba mumanyisi pakuti akamanya nkani Indaghilo izya Mozesi, zizyo u Mwene u Chala uwa Izilayeli akamupa. U mwene akamupa ivintu vyosi vivyo akavilondagha, pakuti u Mwene u Chala wache akaba nawe.

Masalimo 106:6

Twananga ngati mumo abanyenya bitu banangila, aswe twe babibi sona twananga nkani.

Masalimo 89:31

nanti bakughanangannya amalamulo ghane, nanti bakupotwa pazikukonka indaghilo zyane.

Masalimo 89:32

Nkwiza pakubafunda ni ndisa pachifukwa icha mbibi zyabo, po bakwiza pakusyempiwa pachifukwa icha bubibi bwabo,

Yesaya 1:4

Chighune, ku mwe luko ulubibi, mwe mwizuye ni mbibi, mwe baluko ulubomba mbibi abana babo banyonganite! Bamukanite u Mwene sona bamusulite Umuzelu uwa Izilayeli, nukumupa inkonto.

Daniyeli 9:11

Aba Izilayeli bananga Indaghilo zyako, bazipa inkonto sona bakana pakukwivwila. “Polelo inguno ni chilapo ni Ndaghilo visimbiwe mu Lulaghilo ulwa Mozesi umubombi uwa Chala vyapunguliliwa papitu, pachifukwa ichakuti twakunangila.

Daniyeli 9:13

Ukuyana namumo zisimbiwe mu Ndaghilo izya Mozesi, intamyo zyosi zinizi zyatuwila, loli pope bulo tutinong'onitepo pakulaba ichisa icha Mwene u Chala witu pakuzileka imbibi zyitu nukubuteghelezya ubwanaloli.

Hoseya 9:9

Naloliloli abantu banaba baba bamabeko nkani, ngati masiku agha Gibeya. U Chala akwiza pakubukumbuka ububibi bwabo, po akwiza pakubafunda pachifukwa icha mbibi zyabo.

Aba Levi 27:34

Agha gho malamulo ghagho u Mwene akamupa u Mozesi pighamba ilya Sinayi ukuti ababuzye aba Izilayeli.

Zefaniya 3:7

Nkakabuzya akaya akakulu nkani nkati, ‘Naloliloli ukwiza pakunnyila nukwitika ukuchemela kwane!’ Po akaya kache katangananganika, pamo ukuti ulufundo lwane lukawile. Loli pope bulo bakaba bengo nkani pakubomba ivyamabeko vyabo vyosi.

Malaki 4:4

“Mulukumbukaye ululaghilo ulwa mubombi wane u Mozesi, indaghilo na malamulo ghagho nkamupa pighamba ilya Sinayi ukuti ababuzye aba Izilayeli bosi.”

Ukukumbusya Amalamulo 4:1

Po u Mozesi akababuzya aba Izilayeli akati, Mwee ba Izilayeli, ivwa kuno. Mughivwilaye amalamulo ghosi ghagho nkabamanyisya umwakuti mubanje nubumi, sona nukuti mwinjile pakuchifyula ichisu, chicho u Mwene u Chala uwa banyenya binyu akubapa.

Ukukumbusya Amalamulo 4:5

Nabamanyisya indaghilo na malamulo ghosi ukuyana namumo u Mwene u Chala wane akandamulila umwakuti mughakonkaye muchisu chicho muli papipi pakuchifyula nukwikalamo.

Ukukumbusya Amalamulo 5:1

U Mozesi akababungannya aba Izilayeli bosi nukubabuzya ukuti, “Mwe ba Izilayeli, ivwa indaghilo na malamulo ghosi ghagho nkubabuzya ilelo. Mughamanyilaye, sona mwenelezye ukuti mukughakonka.

Ukukumbusya Amalamulo 6:1

Agha gho malamulo ni ndaghilo, sona na zyosi zizyo u Mwene u Chala winyu akandamulila ukuti imbamanyisye umwakuti muvikonkaye muchisu chicho mukwiza pakwikalamo,

Ubuvumbuli 19:2

Ubulongi bwache bugholosu sona bwanaloli! U Chala amulonga umukolo umalaya yuyo akachinangannya ichisu ichapasi nu bwamalaya bwache. Amufunda pachifukwa ichakuti akaghogha ababombi bache.”