Nehemiya 1:6 - IBAYIBOLO 2024

⁶ Ivwa sona wennye namumo ne mubombi wako nkwiputila pamaso papako umusanya nu busiku ukubiputila ababombi bako aba Izilayeli. Nkwilata imbibi zizyo aswe twe ba Izilayeli poka nane sona na banyenya bane twakunangila.

Nehemiya 1:6 Iomraidhean Croise

1 Abamwene 8:30

Ivwa ulwiputo ulwa mubombi wako, sona nizya bantu bako aba Izilayeli, bo bakwiputa pabuzilo ubu. Ivwa uko kumwanya kuko ukwikala nukutuhobokela.

1 Abamwene 8:47

sona nanti bapinduka nukuzileka imbibi bo bali muchisu icha bantu babo babalemite nukubalambilizya abantu babo bakabalema pakuba bazya nukuti, Twananga, twabomba imbibi sona twapulumpa.”

2 Imbili 28:10

Polelo mukulonda pakubapela abanavuli na bakolo aba mu Yuda naba mu Yelusalemu pakuba bakayidi binyu. Nkimba mutazimenye ukuti namwe bulo mumunangiye u Mwene u Chala winyu?

2 Imbili 29:6

Abanyenya bitu batakaba basubiliwa sona bakabomba imbibi pamaso pa Mwene u Chala witu nukumukana. Bakayisulannya Inyumba yache nukumupa inkonto.

2 Imbili 6:40

“Polelo we Chala wane, leka amaso ghako ghennye, sona amakutu ghako ghateghelezye inyiputo zizyo abantu bako bakwiputa pabuzilo ubu.

Ezila 10:1

Bo Ezila ali pakwiputa nukwilata imbibi, sona bo akulila nukwisumba pasi pantazi pa Nyumba iya Chala, ichilundilo ichikulu nkani icha ba Izilayeli, kokuti abanavuli na bakolo na bana chikabungana umwakumuzyungulila bo bakulila nkani.

Ezila 10:11

Losi ulu mwilate imbibi zyinyu pamaso pa Mwene, u Chala uwa banyenya binyu nukubomba ubwighane bwache. Mwipaghule mwebene ku bantu aba inko izinji babo babazyunguliye sona naku bachi binyu abayeni.”

Nehemiya 1:11

Wee Mwene ivwa ulwiputo lwane ne mubombi wako sona nulwa babombi bako, babo bakulichindika itabwa lyako. Itikizya ukuti ivintu vinyendelaye akiza ne mubombi wako pakumpelela ichisa pamaso pa mwene.” Pakabalilo kalakala nkaba ne wakumupa uvinyo u mwene.

Masalimo 102:17

Akwiza pakwamula inyiputo izya bapotwe, sona atakwiza pakukusulannya ukulaba kwabo.

Masalimo 106:6

Twananga ngati mumo abanyenya bitu banangila, aswe twe babibi sona twananga nkani.

Masalimo 130:2

Wee Mwene, ivwa ukulila kwane, amakutu ghako ghivwanje ukulila kwane ukuti umpelelaye ichisa.

Masalimo 32:5

Po nkwilata imbibi zyane kukwako, ntafisitepo ukunanga kwane pamaso papako. Nkati, “Nkwiza pakwilata ukunanga kwane kwa Mwene” po ukanhobokela imbibi zyane.

Masalimo 34:15

Amaso agha Mwene ghakubennyanga abantu abagholosu, sona amakutu ghache ghakuteghelezya ukulila kwabo.

Masalimo 55:17

Pandabindabi, na pamusanya, sona na pachamabwila, nkulila nukukoloma, po akwivwa izyu lyane.

Masalimo 88:1

Wee Mwene, u Chala yuyo akumpoka, nkulila umusanya nu busiku.

Yesaya 6:5

Po nkati, “Chighune kukwane! Nkufwa pachifukwa ane ne muntu uwa milomo iminyazu, sona nkwikala pakasi pabantu babo imilomo yabo minyazyu. Po namaso aghane na ghane na mwennya u Mwene, u Mwene Uwamaka Ghosi.”

Nkuto 5:7

Abanyenya bitu bakananga, po bazimila, aswe tukufundiwa pachifukwa icha imbibi zyabo.

Daniyeli 9:15

“Wee Mwene u Chala witu ukabefyamo abantu bako mu Ijiputi na maka ghako amakulu nkani, sona itabwa lyako lyamanyikwa mupaka ilelo, loli aswe twananga sona twabomba ububibi.

Daniyeli 9:20

Nkiputagha nukwilata imbibi zyane sona ni mbibi izya bantu bane aba Izilayeli pakumulambilizya u Mwene u Chala wane, pakulyiputila ighamba izelu ilya Chala.

Daniyeli 9:4

Nkiputa kwa Mwene u Chala wane nukwilata imbibi zyane nkati, “Wee Mwene, we Chala umukulu sona nu wakuswighisya, ukukwanilisya ulufingo lwako nukubaghana abantu babo bakughanite nukughakonka amalamulo ghako.

Daniyeli 9:5

Twananga sona twabomba ububibi. Twabombela mu bubibi sona twasambuka. Twaghasulannya amalamulo sona ni ndaghilo zyako.

Daniyeli 9:8

Wee Mwene, aswe poka na bamwene bitu, na balaghili bitu, sona na banyenya bitu bosi tuli ni soni pachifukwa ichakuti twakunangila nkani.

Luka 18:7

Nkimba u Chala atakwiza pakubalongela akiza abantu bache, babo bakumulilila umusanya nu busiku? Nkimba akwiza pakuzyelazyela pakubavwa?

Luka 2:37

po pisinda pache akaba mufwilwe amaka 84. Akalindagha mu Nyumba iya Chala, akamwiputagha u Chala umusanya nu busiku nukutuzya pakulya.

Aba Efeso 2:3

Loli twebosi tukaba ngati bo babo, sona tukikalagha ukuyana ni vinyonywa vyitu. Tukabombagha chosi chicho amabili ghitu ni nyinong'ono zyitu vikalondagha. Ichi cho chifukwa ubukali ubwa Chala bukatubaghila ukuyana namumo bukumubaghilila umuntu wesi.

1 Timoti 5:5

Umukolo umufwilwe yuyo ali mwene bulo, sona ate nawe nayumo umuntu uwakumusunga, akubika ulusubilo lwache mwa Chala nukwendelela pakwiputa kwa Chala pamusanya na pabusiku nukumulaba ukuti amwavwe.

2 Timoti 1:3

Nkumupalizya u Chala, yuyo nkumubombela nu mabyebye wane umwiza bulo ukuyana namumo abanyenya bane bakabombelagha. Nkubakumbuka amwe bwila munyiputo zyane pamusanya na pabusiku bulo.

1 Yohani 1:9

Loli nanti tukwitika imbibi zyitu, u Chala umwenecho yuyo musubiliwa sona mugholosu, akwiza pakutuhobokela imbibi zyitu. Akwiza pakutuswefya ububibi bwitu bosi bubo tukubomba.

1 Samuweli 15:11

“Indi ni chitima nkani ukuti nkamwimika u Sabuli pakuba we mwene. U Sabuli ansambukila, sona aleka pakughakonka amalamulo ghane.” U Samuweli akakalala nkani, po akamulambilizya u Mwene ubusiku bosi bulabula.