Nehemiya 1:5 - IBAYIBOLO 2024

⁵ Po nkati, “Wee Mwene Chala uwakumwanya, we Chala umukulu nu wakoghofya, sona we ukusunga ulufingo. Ukubaghana abantu babo bakukughana nukughakonka amalamulo ghako.

Nehemiya 1:5 Iomraidhean Croise

1 Abamwene 8:23

“Wee Mwene u Chala uwa ba Izilayeli, ataliko u Chala uyunji kumwanya pamo pachisu ichapasi yuyo ayanite nawe. Pakuti awe ukusunga ulufingo lulo ukafingana na babombi bako babo bakuzikonka indaghilo zyako na moyo ghabo ghosi.

1 Imbili 17:21

Nkimba bawenu babo bayanite na bantu bako aba Izilayeli, uluko loka muchisu ichapasi, lulo u Chala akabuka pakwitabulila mwene, nukuti itabwa lyache limanyikwanje pachifukwa icha mwemwe pakubomba iviswigho ivikulu ni vyakoghofya. Ukazichimbizya inko izinji, poka na bachala babo pamaso pabantu bako, babo ukabatabula mu Ijiputi?

Ezila 1:2

“U mwene u Sayilasi uwamu Peleziya ati, “ ‘U Mwene u Chala uwakumwanya anyimika ukuti imbanje ne mulaghili uwa chisu chosi ichapasi sona ansalite ukuti imuzengele Inyumba mu Yelusalemu muchisu icha Yuda.

Nehemiya 2:4

U mwene akandalusya akati, “Nkimba ukulonda pakundaba ichoni?” Nkiputa kwa Chala uwakumwanya,

Nehemiya 4:14

Loli bo nabwennya ubogha bwabo, nkimilila nukubabuzya abalongozi na makambala sona na bantu bosi nkati, “Mukatabanyilaye abantu banaba. Loli mumukumbukaye u Mwene, yuyo mukulu nu wakoghofya. Mubalwile ubwite abakamu binyu na bana binyu abalumendo na balindu na bachi binyu sona nutwaya twinyu.”

Nehemiya 4:8

Po bosi bakabatika ukuti bize pakulwa ubwite nakaya akakulu nkani aka Yelusalemu nukukavulungannya.

Nehemiya 9:32

“Polelo wee Chala witu, we wamaka nkani sona nu wakoghofya, wewe ukusunga ulufingo lwako ulwa lughano, utakitikizyanje ukuti amayimba ghitu ghanagha ghabonekaye mapepe kukwako. Amayimba ghatuwila aswe na bamwene bitu na balongozi bitu na baputi bitu na balaghuzi bitu na banyenya bitu sona na bantu bako bosi ukwandila pakabalilo aka bamwene aba mu Asiliya mupaka nilelo bulo.

Masalimo 47:2

Pakuti u Chala Uwakumwanya Nkani wakuswighisya, we Mwene umukulu nkani pachisu chosi ichapasi.

Masalimo 76:8

Ukafumusya ubulongi bwako Ukufuma kumwanya, Sona ichisu ichapasi chikanyilagha, nukuba bulo myee,

Masalimo 89:2

Ifumusyanje ulughano lwako ukuti ulwa bwila na bwila, po ubusubiliwa bwako ubwa bwila na bwila ngati mwanya.

Masalimo 89:3

Wanena ukuti, “Nafinga ulufingo nu musaliwa wane, nalapa ichilapo nu mubombi wane u Devedi,

Masalimo 89:8

Wee Mwene u Chala Uwamaka Ghosi, nkimba wewenu yuyo ayanite nawe? Wee Mwene awe we wamaka, ubusubiliwa bwako bope bukuzyunguliye.

Ukufuma 20:6

“Loli imbaghanite abantu amasabuzani agha nkulilo izya bantu babo banganite nukughakonka amalamulo ghane.

Ukukumbusya Amalamulo 7:12

Nanti mukughakonka amalamulo ghosi ghanagha na moyo ghinyu ghosi, u Mwene u Chala winyu akwiza pakulusunga ulufingo ulwakulanjizya ulughano lwache lulo akafingana namwe, ukuyana namumo akalapila na banyenya binyu.

Ukukumbusya Amalamulo 7:21

Mutakabanyilaye abantu banaba, pakuti u Mwene u Chala winyu ali namwe. U Chala mukulu, sona weyuyo mumunyilaye.

Ukukumbusya Amalamulo 7:9

Polelo mumanye ukuti u Mwene u Chala winyu we Chala, sona we musubiliwa umwakuti akwiza pakulusunga ulufingo ulwakulanjizya ulughano lwache pa nkulilo amasabuzani izya bantu babo bamughanite nukukonka amalamulo ghache.