Nehemiya 1:4 - IBAYIBOLO 2024

⁴ Bo nivwa amazyu ghanagha, nkikala pasi nukulila. Naloli nkalila nukutuzya pakulya sona nkiputa kwa Chala uwakumwanya amasiku aminji nkani.

Nehemiya 1:4 Iomraidhean Croise

2 Samuweli 12:16

U Devedi akamulambilizya u Chala pachifukwa icha mwana yula. Akatuzya pakulya, akinjila munyumba yache nukulambalala pasi busiku bosi.

2 Abamwene 22:19

Pachifukwa ichakuti wapinduka, nukwiyisya wemwene pamaso pa Mwene, bo wivwa amazyu aghakususannya nakaya akakulu nkani kanaka, poka na bantu bache, ukuti kakwiza pakuba chisami, sona kakwiza pakughuniwa. Pakuti ukazepula inkazo yako nukulila pamaso papane, nane nivwa ulwiputo lwako. U Mwene anena.

2 Imbili 6:13

Pakabalilo kalakala akapanga ichighemo icha mukuba chicho mubutali chikaba amamita mabili, mububaba chikaba imita yoka, sona mumwanya chikaba amamita folo nukuchibika pakasikasi muntanda. Po akakwela pachighemo pala nukufughama pamaso pa chilundilo chosi icha ba Izilayeli, bo agholosizye inyobe zyache mumwanya.

Ezila 1:2

“U mwene u Sayilasi uwamu Peleziya ati, “ ‘U Mwene u Chala uwakumwanya anyimika ukuti imbanje ne mulaghili uwa chisu chosi ichapasi sona ansalite ukuti imuzengele Inyumba mu Yelusalemu muchisu icha Yuda.

Ezila 10:1

Bo Ezila ali pakwiputa nukwilata imbibi, sona bo akulila nukwisumba pasi pantazi pa Nyumba iya Chala, ichilundilo ichikulu nkani icha ba Izilayeli, kokuti abanavuli na bakolo na bana chikabungana umwakumuzyungulila bo bakulila nkani.

Ezila 9:3

Bo nivwa zinizi, nkazepula amenda ni nkazo yane pachifukwa icha chitima. Nkanyunkula isisi ni ndevu zyane sona nkikala pasi bo insulumanizye.

Ezila 9:5

Pachamabwila pakabalilo akakubikila ichakwiyipa, nkanyamuka bo insulumanizye, sona bo invwalite amenda ni nkazo yane inzepuke yila, nkafughama pasi, bo nkwezizye inyobe zyane kwa Mwene u Chala wane.

Nehemiya 2:20

Nkabamula nkati, “U Chala uwakumwanya akwiza pakutwavwa ukuti ivintu vitwendelaye akiza. Aswe twe babombi bache tukwiza pakwanda imbombo iyakuzenga sona. Loli amwe mute ni chigaba, pamo ubulaghili, pamo imbili nayimoyimo mu Yelusalemu muno.”

Nehemiya 2:4

U mwene akandalusya akati, “Nkimba ukulonda pakundaba ichoni?” Nkiputa kwa Chala uwakumwanya,

Masalimo 102:15

Abantu aba inko izinji bakwiza pakulichindika itabwa ilya Mwene, abamwene bosi aba pachisu ichapasi bakwiza pakubunyila ubuchindamu bwako.

Masalimo 136:26

Mumupalizyanje u Chala uwakumwanya. Ulughano lwache lwa bwila na bwila.

Masalimo 137:1

Mulubazu ulwa soko izya Babiloni, momumo tukikala pasi nukulila, bo twakumbuka u Ziyoni.

Daniyeli 10:2

Pakabalilo kalakala ane ne Daniyeli nkalila abasabata batatu.

Daniyeli 2:18

Akababuzya ukuti biputaye kwa Chala uwakumwanya pakubapelela ichisa ukuti abavumbulilaye izyakubusyefu zinizi, umwakuti yuyo na bamanyani bache batakaghoghiwanje poka na bantu abamahala aba mu Babiloni.

Daniyeli 9:3

Po nkaghalabukila kwa Mwene u Chala nukumulambilizya pakwiputa, nkatuzya pakulya nukuvwala amasaka nukwinyafila itoyi, pachifukwa icha ichitima.

Yona 1:9

U Yona akamula akati, “Ane ne mu Hebeli sona nkumwiputa u Mwene u Chala uwakumwanya, yuyo akapela inyanja ni chisu ichapasi.”

Zefaniya 3:18

“Pa masiku agha lusekelo nkwiza pakwefya intamyo kukwinyu, umwakuti mutakakoziwanje isoni nalumolumo.

Aba Loma 12:15

Hobokagha poka na babo bahobokite, lilagha poka na babo bakulila.