Nehemiya 1:2 - IBAYIBOLO 2024

² uwamwitu u Hanani akiza poka na bantu bamo aba mu Yuda. Po nkabalalusya nizya ba Yuda babo bakasyala bumi nukunyokako kubuzya sona nizya kaya akakulu nkani aka Yelusalemu.

Nehemiya 1:2 Iomraidhean Croise

Ubwandilo 14:10

Ikombe ilya Sidimu likizula ni viliba ivya mpula. Polelo u mwene wamu Sodomu nuwa mu Gomola bakapotwa nukuchimbila, po bakawila muviliba vila, loli abamwene abanji batatu bala bakachimbilila kumaghamba.

2 Abamwene 24:14

Akabalema abantu bosi aba mu Yelusalemu nukubuka nabo pakuba bazya. Akasenda amakambala ghosi na basilikali sona na bafundi bosi, umwakuti bosi poka bakabapo 10,000. Loli akabaleka abantu abapina nkani mulamula.

2 Abamwene 25:12

Loli usongo uwa balindilili yula akabaleka abantu bamo abapina nkani kwisinda muchisu chila, ukuti balimaye mumaghunda agha mampesya sona na maghunda aghanji.

Ezila 9:14

Nkimba choni cho tunangannye sona amalamulo ghako pakusendelana na bantu aba inko izinji, babo bakubomba ivintu ivinyazu vinivi? Naloli ungatukalalila nukutunangannya, sona utakwiza pakubaleka bumi abantu nabamobamo.

Nehemiya 7:2

Nkamubika uwamwitu u Hanani poka nu Hananiya, usongo uwa basilikali ukuti enelezyanje akaya akakulu nkani aka Yelusalemu, pakuti akaba muntu umusubiliwa, sona akamunyilagha u Chala ukubachila abantu bosi.

Yelemiya 44:14

Atalipo nayumoyumo uwakusyalako mu Yuda yuyo akwikala mu Ijiputi akwiza pakuchimbila pamo ukuba nubumi pamo pakunyokela ku Yuda, kuko bakukusamba pakunyokela nukwikala kulakula, atalipo nayumoyumo yuyo akwiza pakunyokela, loli bene abanandi bulo babo bakachimbila kubwite.”

Ezekiyeli 6:9

Po inko zizyo mwasendiwako pakuba bazya babo bapona bakwiza pakunkumbuka, namumo najimbiye pakwiputa kwabo ukwabumyasi, vivyo vyabapela pakunsambukila sona amaso ghabo ghabapela pakuvinyonywa ivifwani. Po bakwiza pakuchibenga ichinyonywa chabo, pachifukwa icha vintu ivyamwiko vivyo bambomba.

Ezekiyeli 7:16

Nanti balipo abantu abakupona, bakwiza pakuchimbilila mumaghamba. Umuntu wesi akwiza pakukoloma, ngati nkunda izya mumakombe, pachifukwa icha mbibi zyache.