Nahumu 1:3 - IBAYIBOLO 2024

³ U Mwene atakukalala lubilolubilo, sona wamaka nkani. U Mwene atakwiza pakubaleka bulo ababomba mbibi. Akwenda mwakankungu, na mumpepo iyamaka, sona amabingu lufumbi ulwa kunyayo zyache.

Nahumu 1:3 Iomraidhean Croise

2 Samuweli 22:10

Akazepula kumwanya nukwika pasi, sona amabingu amafitu ghakaba kusi kunyayo zyache.

Nehemiya 9:17

Batakivwila sona bakaluvya ivyika vivyo ukabomba pakasi papabo. Bakaba na moyo amakafu nkani sona bakasambuka pakusala abalongozi ukuti banyokele kubukayidi mu Ijiputi. Loli awe we Chala, we waluhobokelo, we wachisa, sona we wachililizi, utakukalala lubilolubilo, sona we walughano nkani. Po utakabakana,

Yobu 10:14

Nanti nkananga, ngali ukanennyanga, sona ngali ukanfundagha.

Yobu 38:1

Po u Mwene akamwamula u Yobu mukankungu akati:

Yobu 9:4

U Chala we wamahala, sona wamaka nkani. Nkimba wenu yuyo angiminkana nawe, umwakusita ukuvulaziwa?

Masalimo 103:8

U Mwene wachililizi sona wachisa, atakukalala mwalwemwalwe, sona ulughano lwache lutakupotwangapo nalumo.

Masalimo 104:3

Alambalika imitaliko iya nyumba yache pamizi kumwanya. Akughapela amabingu pakuba ngolo yache iya bwite, sona akwenda pavipapande ivya mpepo.

Masalimo 145:8

U Mwene, wachisa sona wachililizi, atakukalala mwalwemwalwe, sona uwa lughano lulo lutakupotwangapo nalumolumo.

Masalimo 147:5

U Mwene witu mukulu sona wamaka, amahala ghache ghate ni mpaka.

Masalimo 50:3

U Chala witu akwiza, sona atakwiza pakuba bulo myee. Pantazi papache pali umoto uwakulungulizya, sona impepo iyamaka yimuzyunguliye.

Masalimo 62:11

U Chala anenite koka bulo, po namanyilapo ivintu vibili, chimo chakuti: U Chala, wemwenecho uwa maka.

Masalimo 66:3

Mumubuzye u Chala mutinji, “Imbombo zyako zyakuswighisya nkani! Amaka ghako makulu nkani umwakuti abalwani bako bakukufughamilila.

Yesaya 19:1

Agha gho mazyu aghabulaghuzi ghagho ghakunena nizya Ijiputi: Ennya, u Mwene akwelite pibingu, lilyo likwenda lubilolubilo bo akwiza ku Ijiputi. Ivifwani ivya mu Ijiputi vikwiza pakutetema pamaso papache, ghope amoyo ghabo ghakwiza pakusunguluka.

Yesaya 29:6

u Mwene Uwamaka Ghosi akwiza pakukwizila, nukupaya na kasenyenta sona ni chongo ichikulu nkani, nukankungu nu kabefu sona ni ndimi izya moto uwakulungulizya.

Yesaya 66:15

Ennya, u Mwene akwiza numoto, sona ingolo zyache zili ngati we kankungu, akwiza pakukwanilisya ubukali bwache ubwakoghofya, sona ukuchemela kwache kuli ni ndimi izya moto.

Yelemiya 4:13

Ennya! Abalwani bakwiza ngati mabingu, ingolo zyabo zikwiza ngati we kankungu, ifalasi zyabo zyalubilo ngati mazwanga. Chighune kukwitu! Twafwa!

Daniyeli 7:13

“Pabusiku palapala muchisetuka nkamwennya yumo yuyo akaba ngati mwana uwa muntu akwika mu mabingu. Akapalamila papipi nu Wavula Intazi yula nukwimilila pamaso papache.

Hoseya 8:7

“Aba Izilayeli bakapesa impepo, nukwinula ukankungu. Amapelele ghatakwela nachimochimo, ghatakwiza pakubapa ubusu. Nanti ghakelagha abayeni ngali bakalya ichakulya.

Yoweli 2:13

Zepula amoyo ghinyu, mutakazepulaye inkazo zyinyu. Nyokela kwa Mwene u Chala winyu, pakuti wachisa sona wachililizi. Akuzyela pakukalala, akuzibomba zizyo alayizya, akubahobokela imbibi abantu, sona atakulonda pakubafunda.

Yona 4:2

Po akiputa kwa Mwene akati, “Wee Mwene izi zyo zizyo nkanenagha bo inchili indikukwitu. Ichi cho chifukwa nkachimbilila lubilolubilo kuchisu icha Talishishi. Nkazimanya ukuti we Chala uwa lughano sona uwachisa, nukuti akabalilo kosi we mufisalyoyo nu wachililizi sona wiyanizye pakuhobokela imbibi akabalilo kosi.

Zekaliya 9:14

Po u Mwene akwiza pakubabonekela, akwiza pakusumba utulasilo ngati kamesya. U Mwene Uwamaka Ghosi akwiza pakulizya ipati, akwiza pakulefuka mukankungu uwakuntende,

Ukubelengiwa 14:18

‘U Mwene atakukalala lubilolubilo, walughano lulo lutakumala, sona akubahobokela abantu abambibi na bakusambuka. Loli atakubaleka bulo, akubafunda abana pachifukwa icha mbibi izya bapapi babo mupaka ninkulilo iyabutatu ni yafolo.’

Matayi 26:64

U Yesu akamula akati, “Wanena wemwene. Loli nkubabuzya mwebosi ukuti ukwandila pakabalilo aka mukwiza pakumwennya u Mwana uwa Muntu ikaye kunyobe indilo iya Chala Uwamaka Ghosi akwiza mumabingu.”

Yakobo 1:19

Mwee bakamu bane abaghaniwa, muchimanye ichi: Umuntu wesi ateghelezyanje tasi, loli atakachimbililaye pakunena, sona atakakalalaye mwalwe.

Ubuvumbuli 1:7

Ennya, akwiza mu mabingu! Umuntu wesi akwiza pakumwennya, sona na bope bosi babo bakamulasa. Abantu abaluko losi muchisu ichapasi bakwiza pakulila pachifukwa icha yuyo. Umu momumo kukwiza pakubela. Ameni.