Nahumu 1:2 - IBAYIBOLO 2024

² U Mwene wabuzuba sona we Chala uwakutanizya. U Mwene akutanizya sona izuye nu bukali. U Mwene akubatanizya abalwani bache sona mukali pa balwani bache.

Nahumu 1:2 Iomraidhean Croise

Yobu 20:23

Bo alya nukwikuta, u Chala akwiza pakumufunda nu bukali bwache nukumuwisizya ubukali bwache ngati vula.

Masalimo 94:1

Wee Mwene, awe we Chala uwalutanizyo. Wee Chala, uwalutanizyo ilanjizya!

Ukufuma 20:5

“Utakavifughamililaye pamo pakuvyiputa, pakuti ane ne Mwene u Chala winyu, ne muzuba. Nkubafunda abana aba nkulilo iyabutatu mupaka ni yafolo pachifukwa icha mbibi izya bawise.

Ukufuma 34:14

Mutakabiputaye abachala abanji, pakuti ane ne Mwene yuyo itabwa lyane ne Buzuba, naloli ne Chala uwa buzuba.

Ukufuma 34:7

Nkubalanjizya ulughano lwane abantu amasabuzani pakubahobokela imbibi zyabo nukunanga kwabo. Loli ntakwiza pakubaleka bulo abana na bizukulu babo mupaka ninkulilo iyabutatu ni yafolo pachifukwa icha mbibi izya bapapi babo.”

Yesaya 42:13

U Mwene akulefuka ngati muntu uwamaka, sona ngati musilikali yuyo ali nulweke pakulwa ubwite, akukolomoka nukukoloma ukwa bwite, po akubapota abalwani bache.

Yesaya 51:17

Wee Yelusalemu, vundumuka, vundumuka! Nyamuka! Wang'wela ulubako ulwa lufundo, lulo u Mwene mubukali bwache akabapa, lwabapela ukuti mutantalilaye.

Yesaya 51:20

Abana bako abalumendo bazilika, bali bulo lambalala munkuto izya misebo, ngati swela alemiwa muchipingo. Bizuye nu bukali ubwa Mwene, sona nukuchemeliwa ukwa Chala wako.

Yesaya 66:15

Ennya, u Mwene akwiza numoto, sona ingolo zyache zili ngati we kankungu, akwiza pakukwanilisya ubukali bwache ubwakoghofya, sona ukuchemela kwache kuli ni ndimi izya moto.

Yelemiya 25:15

U Mwene, u Chala uwa ba Izilayeli akambuzya akati, “Senda ulubako ulwa vinyo ulwizule nubukali bwane, uzing'wesye inko zyosi zizyo nkukutumako.

Yelemiya 28:8

abalaghuzi abavula intazi, bakalaghula nizya bwite, nintamyo impalapala sona ni chiwaya vivyo vikwiza pakuziwila inko inyinji sona nu bumwene ubumanyikwe nkani.

Yelemiya 3:5

Nkimba ukwiza pa kukalala akabalilo kosi? Nkimba ubukali bwako bukwiza pakwendelela mupaka bwila na bwila?’ Umu momumo ukunenela, loli pope bulo ukubomba ububibi bubo awe umenye pakububomba.”

Yelemiya 36:7

Lumo inyiputo zyabo zingafika pamaso agha Mwene nukuti wesi akwiza pakunyokako kumbombo zyache imbibi, pakuti ubukalale nu bukali ubwa Mwene bwaba bukulu nkani.”

Yelemiya 4:4

Mwisilimule mwebene kwa Mwene sona mughasilimule amoyo ghinyu, mwe bantu aba mu Yuda na mwe bantu aba mu Yelusalemu, nanti mutakubomba bunubu ubukali ubwa Mwene bukwiza pakwaka ngati moto, pachifukwa icha bubibi bwinyu bubo mwabomba, sona atalipo nayumoyumo uwakughuzimya.

Yelemiya 50:15

Mukolomokele imbazu zyosi! ‘Imika inyobe nukulamba, ichitembe chache chawa, ivibumba vyache vyamongonkana.’ Pakuti uku ko kutanizya ukwa Mwene, mubatanizye bope bulo, mubabombele zizyo bakababombela abanji.

Nkuto 4:11

U Mwene akakalala nkani, po akapungula ubukali bwache ubwakwaka. Akakozya umoto mu Yelusalemu ghugho ghukalungulizya ulwalo lwache.

Ezekiyeli 36:6

Polelo laghula ukuyana ni chisu icha Izilayeli nukunena kumaghamba na kutughamba, kutusoko na kumakombe ukuti: U Mwene Uwamaka Ghosi ati: Nkunena mubukali sona nu moyo wakabini pachifukwa ichakuti aba inko bakubangalila sona bakubasamula.

Ezekiyeli 38:18

U Mwene akamubuzya u Gogi akati, “Izi zyo zizyo zikwiza pakubombiwa pisiku lila, bo u Gogi iza pakulwana ni chisu icha Izilayeli, ubukali bwane bukwiza pakunyamuka, u Mwene Uwamaka Ghosi anena.

Ezekiyeli 38:19

Mukabini kane na mubukali bwane nkufumusya ukuti pisiku lila kukwiza pakuba akasenyenta akakulu nkani muchisu icha Izilayeli.

Ezekiyeli 39:25

“Polelo u Mwene Uwamaka Ghosi akuti: Nkwiza pakumunyosezya ubwiza u Yakobo sona nkwiza pakuba ni chililizi pabantu bosi aba mu Izilayeli, nkwiza pakuba nubuzuba nitabwa lyane izelu.

Ezekiyeli 5:13

“Po ukukalala kwane kukwiza pakuleka sona ubukali bwane bukwiza pakutozoka, bakwiza pakubatanizya. Po nanti nabakalalila, bakwiza pakumanya ukuti ane ne Mwene nanena na kabini.

Ezekiyeli 6:12

Umuntu yuyo ali kubutali akwiza pakufwa ni chiwaya, sona umuntu wesi yuyo ali papipi akwiza pakufwila kubwite, umuntu wesi yuyo aponite sona mumi akwiza pakufwa nizala. Po ubukali bwane bukwiza pakuwila papabo.

Ezekiyeli 8:18

Polelo, ntakwiza pakubaleka bulo, ntakwiza pakubapelela ichisa pamo ukubaleka bumi. Napapo bakukolomoka mumakutu ghane, ntakwiza pakubateghelezya.”

Yoweli 2:18

Po u Mwene akwiza pakuba nu buzuba pachifukwa icha chisu chache, sona akwiza pakubapelela ichisa abantu bache.

Aba Levi 26:28

nane nkwiza pakubasula mubukali bwane, sona nkwiza pakubafunda umwakonjelezyapo akaseveni pachifukwa icha mbibi zyinyu.

Mika 5:15

Mubukalale sona na mubukali bwane, nkwiza pakuzitanizya inko zyosi zizyo zitakanyivwila.”

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Zekaliya 1:14

Po uwantumi yuyo akanenagha nane akambuzya akati, “Fumusya ukuti u Mwene Uwamaka Ghosi ati, ‘Ubuzuba bwane bukwaka pa Yelusalemu, sona na pighamba izelu ilya Ziyoni,

Zekaliya 8:2

Zinizi zyo zizyo u Mwene Uwamaka Ghosi akambuzya ukuti, “Ane indi nubuzuba nu Ziyoni, nkwaka nubuzuba papache.”

Ukubelengiwa 25:11

“U Finehasi umwana uwa Eleyazala, umwizukulu uwa muputi u Aloni abwisya ubukali bwane paba Izilayeli, pakuti akaba nu lweke ukuyana namumo imbeleye, cho chifukwa intakabazimizya abantu banaba.

Aba Loma 12:19

Bamanyani bane, mutakatanizyanje ububibi, loli mumulekele u Chala ukuti atanizye. Pakuti Amasimbo ghakuti, “U Mwene akuti, ‘Ukutanizya ko kwane. Nkwiza pakutanizya.’ ”

Aba Loma 13:4

pakuti bo babombi aba Chala, babo bakubalongozya pakubomba inyiza. Loli nanti ukubomba ichibibi, po ubanyilaye pakuti amaka ghabo aghakufundila ghanaloli.

Ukukumbusya Amalamulo 4:24

Pakuti u Mwene u Chala winyu we moto uwakulungulizya, sona we Chala uwa buzuba.

Ukukumbusya Amalamulo 7:10

Loli atakuzyela pakubafunda nukubanangannya abantu babo bamubengite.

Aba Hebeli 10:30

Pakuti tumumenye yuyo akanena ukuti, “Ukutanizya ko kwane, ane nkwiza pakubatanizya.” Akanena sona akati, “U Mwene akwiza pakubalonga abantu bache.”

Yoshwa 24:19

Po u Yoshwa akababuzya abantu akati, “Lumo mutangamubombela u Mwene, pakuti we Chala Umuzelu; we Chala uwabuzuba. Atakwiza pakubahobokela pachifukwa icha kusambuka kwinyu, sona ni mbibi zyinyu.

2 Pitala 2:9

Po u Mwene amenye namumo akubapokela munjelo abantu babo bakumunyila nukubafunda abantu babo batakumunyila mupaka pisiku lilyo u Chala akwiza pakubalonga abantu.