Mika 7:9 - IBAYIBOLO 2024

⁹ Pachifukwa ichakuti imunangiye u Mwene, nkwiza pakujimba kubukali bwache mupaka alonge inongwa yane nukuyidumula. Akwiza pakunyinjizya mulukozyo, po nkwiza pakubwennya ubugholosu bwache.

Mika 7:9 Iomraidhean Croise

2 Samuweli 24:17

Bo u Devedi amwennya uwantumi yuyo akabakoma abantu bala, akamubuzya u Mwene akati, “Nene nananga, sona nabomba imbibi. Nkimba abantu banaba babomba choni? Unfunde ane na bamunyumba yane.”

Yobu 23:10

Loli u Chala akamenye akendele kane kosi; nanti anjela, nkwiza pakuswepagha.

Yobu 35:14

Awe ukunena ukuti, u Chala atakunyennya, nukuti inongwa yane yili pantazi yache po umulindililaye.

Masalimo 119:154

Unyimile pa nongwa yane sona umpoke, umpe ubumi ukuyana ni layizyo lyako.

Masalimo 37:6

Akwiza pakubupela ubugholosu bwako pakulama ngati ko kubuche, sona ubwanaloli bwako bukwiza ngati gho musanya.

Masalimo 43:1

Wee Chala, umpimaye pakuba ne muntu yuyo atanangitepo, unyimilaye panongwa yane na bantu babo batakumenye, sona umpokaye munyobe izya bantu abazimbuli na babibi.

Masalimo 7:6

Wee Mwene, vundumuka mubukalale bwako, nyamuka umwakuti ulwanje na balwani bane abakali. Wee Chala wane lamusya, umwakuti ulongelaye mubwanaloli.

Masalimo 94:15

Ubulongi bukunyokela sona ku bugholosu, abantu abagholosu babukonkaye.

Yesaya 42:16

Nkwiza pakubalongozya abafwamaso muzila zizyo batazimenye, nkwiza pakubalongozya muzila zizyo mutenditemo nalumolumo. Nkwiza pakuchipela ichisi pakuba lukozyo pantazi papabo, ubuzilo ubwa vibanka butenganiziwe. Ivi vyo vivyo nkwiza pakubomba, ntakwiza pakubaleka nalumo.

Yesaya 42:7

pakwighula amaso agha bantu abafwamaso, pakubasatula abantu babo bali mujele, nukubafumya mujele babo bakwikala muchisi.

Yesaya 46:13

Nkwiza nu bugholosu kupipi, bute kubutali awe, nu bupoki bwane butakwiza pakukabila. Nkwiza pakukapoka akaya aka Ziyoni, nukubapa ubuchindamu aba Izilayeli.

Yesaya 51:22

U Mwene Uwamaka Ghosi u Chala winyu, yuyo akubapoka abantu bache akuti, “Ennya nefyako ulubako, lulo lukakupelagha pakutantalila, ulubako lulo nkabapa bo nkalaye, mutakwiza pakung'welamo sona.”

Yesaya 56:1

U Mwene akuti, “Mubombaye ubwanaloli sona nu bungolosu, pakuti ubupoki bwane buli papipi, sona ubugholosu bwane, bukwiza pakuvumbuliwa umwalubilolubilo.

Yelemiya 10:19

Chighune nkani kukwane pachifukwa chakuvulala kwane ichilonda chane chitakupola! Loli nkanena ne mwene nkati, “Ubu bo bubine bwane, imbaghiye pakujimba.”

Yelemiya 14:7

Abantu bakuti, “Napapo imbibi zyitu zikutubikila ubwakaboni, wee Mwene, bombapo zimo pachifukwa icha itabwa lyako. Pakuti twakukana, sona twakunangila akabalilo kosi.

Yelemiya 51:10

U Mwene atubombela ubugholosu aswe, po zagha tufumusye mu Ziyoni, zizyo u Mwene u Chala witu atubombela.’

Nkuto 1:18

U Mwene mugholosu, loli intakaghakonka amalamulo ghache. Mwee bantu mwebosi, ivwa kuno, ennya namumo nkuyimbila. Abalumendo na balindu bane balemiwa pakuba bazya.

Aba Levi 26:41

kuko kukampela ukuti imbabenge, nukubatuma kuchisu icha balwani babo, sona nanti amoyo ghabo amakafu ghiyisya nukwitika pakuchemeliwa pachifukwa icha mbibi zyabo,

Malaki 3:18

Mukwiza pakwennya sona ukulekana pakasi pabagholosu na babibi, na pakasi pababo bakumubombela u Chala na babo batakumbombela.”

1 Aba Kolinti 4:5

Polelo mutakamulongaye nayumo umuntu, bo na kabalilo akiza katafikite. Mulindililaye mupaka u Mwene ize. Umwene akwiza pakuvumbula pabuzelu ivintu vivyo vifisiwe muchisi. Akwiza pakuvumbula sona inyinong'ono izya bantu. Pakabalilo kalakala umuntu wesi akwiza pakupokela amapalo agha Chala.

2 Timoti 4:8

Ilelo chicho nkulindilila yo mpumpu iya bugholosu yiyo u Mwene, umulongi umugholosu, akwiza pakumpa pisiku ilyabumalilo. Polelo ate akampe nemwene awe, loli na bantu bosi abanji babo bakusamba nkani ukuboneka kwache.

Ubuvumbuli 18:20

Hobokagha we chisu icha kumwanya, hobokagha mwe bantu abazelu aba Chala, na batumiwa, sona na balaghuzi! Pakuti u Chala amususya ukuyana bulo namumo akabombelagha!”

1 Samuweli 24:15

U Mwene alonge nukumwagha yuyo amunangila uwamwabo pakasi papako nane, sona anyimilaye nukumpoka munyobe zyako.

1 Samuweli 25:39

Bo u Devedi ivwa ukuti u Nabali afwa akati, “U Mwene apaliwanje yuyo antanizikizya ububibi bubo u Nabali akambombelagha, sona ankanizya ne mubombi wache ukuti ntakamubombele u Nabali ichintu ichibibi, loli ukuti imbibi yache yibanje pamutu wache.” Po u Devedi akatuma intumi kwa Abigelo ukuti bamusipe pakuba muchi wache.

1 Samuweli 26:10

Akanena sona akati, “Nkulapa pamaso pa Mwene umumi ukuti u Mwene weyuyo akwiza pakumughogha. Nanti isiku lyache lyakwana, akwiza pakufwa, pamo akwiza pakufwila kubwite.

1 Samuweli 3:18

Po u Samuweli akamubuzya zyosi ukusita kumuvinda ichintu nachimochimo. Po Eli akati, “Uyu we Mwene muleke abombaye chosi chicho chikumuhobosya.”