Mika 7:8 - IBAYIBOLO 2024

⁸ We mulwani wane utakansekaye, awe! Napapo ingwiye, nkwiza pakunyamuka. Napapo nkwikala muchisi, u Mwene akwiza pakuba lukozyo lwane.

Mika 7:8 Iomraidhean Croise

Yobu 31:29

Nanti nkasekela bo umulwani wane ali muntamyo pamo nanti nkahoboka pachifukwa icha chighune chicho chikamuwila.

Masalimo 112:4

Napapo mungaba mo muchisi ulukozyo lukumwizila, pachifukwa ichakuti wachisa, wachililizi sona nu mugholosu.

Masalimo 143:3

Umulwani akunchimbizya, nukunkanyankila pasi. Akunyikazya muchisi ngati po ne muntu yuyo akafwa kale.

Masalimo 20:8

Abantu banaba bakwiza pakwipunula nukuwa pasi, loli aswe tukwiza pakunyamuka nukwimilila.

Masalimo 27:1

U Mwene we lukozyo lwane sona we bupoki bwane, po intangamunyila nayumoyumo umuntu. U Mwene we lilinga ilya bumi bwane, po ntakwiza pakutetema nalumo.

Masalimo 35:19

Batakasekelelaye papane pamo abantu babo bambengite, batakanyennyanje ni lyiso ichesamu.

Masalimo 37:21

Umuntu umubibi akwazima, sona atakunyosezya papo. Loli umuntu umugholosu akupa ukuyana ni chisa chache.

Masalimo 37:24

Napapo angipunula, atakwiza pakuwa pakuti u Mwene akumulema ni nyobe yache.

Masalimo 38:16

Nkwiputa ukuti, “Mutakabitikizye ukuti basekelelaye papane. Abantu babo bakwikwezya bo ulwayo lwane lukutyelemuka.”

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Masalimo 97:11

Ulukozyo lwapesiwa pa bagholosu, po bakwizula nu buhobosu.

Yesaya 2:5

Mwee baluko ulwa Yakobo, zagha twendaye mulukozyo ulwa Mwene.

Yesaya 49:9

akababuzya abakayidi akati, ‘Fuma’ akababuzya sona babo bali muchisi akati, ‘Banga myee!’ Bakwiza pakulyanga ivyakulya mulubazu ulwa musebo, nukulyagha isote iteta, pakaghamba papo patakumela isote.

Yesaya 50:10

Nkimba wewenu pakasi papinyu akumunyila u Mwene nukughivwila amazyu agha mubombi wache? Muleka yuyo akwenda muchisi, yuyo ate nulukozyo, akusubila itabwa ilya Mwene, sona amusubiye u Chala wache.

Yesaya 9:2

Abantu babo bakwenda muchisi, bennya ulukozyo ulukulu; Abantu babo bakwikala muchisu icha bantu abafwe, ulukozyo lwabalamila.

Yelemiya 48:27

Nkimba aba Izilayeli batakaba bakusekiwa kukwinyu? Nkimba akalemiwa pakasi pabiba, bo mukupukuzya imitu yinyu pakubasamula, akabalilo kosi kako mukumunena?

Yelemiya 50:11

U Mwene akuti, “Mwee ba Babiloni, mukusekela sona muhobokite. Amwe mwe mukusendelapo ulusako pachilingo chane, munganyelanyela umwakuhoboka, ngati mpampali yiyo yikukoma ingano, napapo mungalila ngati yo falasi inyanavuli,

Yelemiya 8:4

“Ubabuzye uti, ‘Umu momumo u Mwene akunenela: Nanti abantu bawa, nkimba batakunyamuka sona? Nanti abantu bapulumpa, nkimba batakunyokela sona?

Ezekiyeli 25:6

Pakuti u Mwene Uwamaka Ghosi akuti, “Pachifukwa ichakuti mwakoma inkufi zyinyu nukunyela umwalusekelo na moyo aghakuchisamula ichisu icha Izilayeli,

Ezekiyeli 35:15

Pachifukwa ichakuti mukahoboka bo ichilingo icha ba Izilayeli chaba chisami, umu momumo nkwiza pakubombela namwe, mukwiza pakuba chisami, wee lighamba ilya Seyili, sona ni chisu chosi icha Edomu. Po bakwiza pakumanya ukuti ane ne Mwene.’ ”

Ezekiyeli 36:5

U Mwene Uwamaka Ghosi akuti, “Nkunena nubukalale sona nu moyo wakabini ku inko zyosi, sona naba Edomu bosi, babo bakisendela bene ichisu chane numoyo uwa kuhoboka nkani sona nuwa lobezyo, bakanfyula ichisu chane ukuti chibe chabo, umwakuti bafyule apakudimapo ivitekwa.”

Amosi 9:11

U Mwene akuti, “Pisiku lilalila nkwiza pakunyosezyamo ubumwene ubwa Devedi bubo buli ngati nyumba yiyo yighuye. Nkwiza pakuluzenga sona ulubumba lwache, nukuyannya sona mumo lwamongoka po nukuzenga sona ngati mumo lukabela kale,

Obadiya 1:12

Loli amwe mutakituvyanje pisiku ilya ntamyo izya bamwinyu, pamo ukusekela pisiku ilya kughoghiwa ukwa ba Yuda, pamo ukwituvya pisiku ilya ntamyo zyabo.

Mika 4:10

Mwee bantu aba mu Ziyoni, ghalaghata nukukoloma, ngati mukolo yuyo akupapa, losi ulu mwepaye mukaya aka, nukwikala munkolongo. Mukwiza pakubuka ku Babiloni, kulakula mukwiza pakupokiwa. U Mwene akwiza pakubatabula munyobe izya balwani binyu.

Mika 7:10

Po umulwani wane akwiza pakuchennya chinichi, sona isoni zikwiza pakumulema, akundalusya akuti, “Nkimba u Mwene u Chala wako ali ko kwiyi?” Amaso ghane ghakwiza pakwennya ukuwa kwache, nilelo bulo akwiza pakukanyankiliwa ngati matope agha mumisebo.

Zekaliya 12:8

Pisiku lilalila ane ne Mwene nkwiza pakubavighilila abantu aba mu Yelusalemu, umwakuti abadedebazu nkani pakasi papabo bakwiza pakuba ngati we Devedi, sona abamunyumba iya Devedi bakwiza pakuba ngati we Chala, sona ngati Wantumi uwa Mwene, babo bakubuka pamaso papabo.

Malaki 4:2

Loli amwe mwe mukunchindika ane, izuba ilya bugholosu likwiza pakubafumila nukubapozya ukwa kulama kwache. Mukwiza pakunyelanyela umwakuhoboka ngati tungwata tuto batwabula muchibagha.

Matayi 4:16

Abantu babo bakwikala muchisi, bennya ulukozyo ulukulu; Abantu babo bakwikala muchisu icha bantu abafwe, ulukozyo lwabalamila.”

Yohani 16:20

Naloli nkubabuzya ukuti mukwiza pakulila nukufwifwitila, loli abantu aba muchisu ichapasi bakwiza pakuhoboka nkani. Amwe mukwiza pakuba ni chitima, loli ichitima chinyu chikwiza pakuba buhobosu.

Yohani 8:12

U Yesu akanena sona naba Falisayi akati, “Ane ne lukozyo ulwa chisu ichapasi. Umuntu wesi yuyo akunkonka akwiza pakuba nulukozyo ulwa bumi, po atakwiza pakwendamo nalumolumo muchisi.”

Imbombo 26:18

ukuti ubighule amaso, sona nukubefyamo muchisi ukuti bize mulukozyo, pakubefyako kumaka agha Satana ukuti bize kwa Chala, umwakuti imbibi zyabo zihobokeliwe, sona nukupokela ubuzilo pakasi pabantu, babo basaliwa pachifukwa icha lwitiko lwabo mumwane.’

2 Aba Kolinti 4:6

Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.

2 Aba Kolinti 4:9

Aswe tukuvwimiwa, loli tuli na bamanyani abinji. Tukuwisiwa pasi, loli tutakuvulala.

Ubuvumbuli 21:23

Izuba pamo umwezi vitakulondiwa nukuti vilamaye mukaya akakulu nkani kanaka pakuti ubuchindamu ubwa Chala bukulamilamo, sona ulukozyo lwache we Mwana uwa ng'ozi.

Ubuvumbuli 22:5

Kulakula kutakwiza pakubako sona ubusiku. Ukulama ukwa nyale pamo izuba kutakwiza pakulondiwapo nalumo, pakuti u Mwene u Chala akwiza pakuba lukozyo lwabo, sona bakwiza pakuba bamwene bwila na bwila.