Mika 7:7 - IBAYIBOLO 2024

⁷ Loli ane, nkwiza pakubikapo nkani umoyo wane pa Mwene wane. Nkumulindilila u Chala Umupoki wane, u Chala wane akwiza pakunyivwa.

Mika 7:7 Iomraidhean Croise

Ubwandilo 49:18

“U Mwene, nkulindilila ubupoki bwako.

Masalimo 109:4

Nanti nkubaghana, abene bakumbenga, loli ane ne muntu uwa nyiputo.

Masalimo 130:5

Nu moyo wane ghosi nkukulindilila wewe Mwene, sona ingasubiye amazyu ghako.

Masalimo 25:5

Undongozezye mubwanaloli bwako nukumanyisya, pakuti we Chala Umupoki wane, sona nkusubiye wewe isiku lyosi.

Masalimo 37:7

Banga bulo myee pamaso pa Mwene, sona umulindililaye yuyo nu bufisalyoyo. Utakapasyanje nanti abanji ivintu vikubendela akiza, sona nanti bakubomba imbombo zyabo imbibi.

Masalimo 38:15

Wee Mwene wane nkukulindilila wewe, po ukwiza pakunyamula wee Mwene u Chala wane.

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Masalimo 65:2

Awe we ukwivwa inyiputo, abantu bosi bizaghe kukwako.

Masalimo 85:5

Nkimba ukwiza pakutukalalila bwila na bwila? Nkimba ukwiza pakukalala mupaka ku nkulilo izya muntazi?

Yesaya 12:2

U Chala we mupoki wane, nkwiza pakumusubila sona ntakwiza pakunyila. U Mwene, u Mwene we maka ghane, we bupoki bwane.”

Yesaya 17:7

Pisiku linili abantu bakwiza pakubikako umoyo kumupeli wabo, nu kwennya amaso ghabo ku Muzelu uwa Izilayeli.

Yesaya 25:9

Pisiku lilalila abantu bakwiza pakunena ukuti, “Naloli uyu we Chala witu, tukamusubila po akatupoka. Uyu we Mwene yuyo tukamusubila, zagha tusekelaye nukuhoboka pachifukwa icha kutupoka.”

Yesaya 45:22

Amwe mwe bantu bosi aba pachisu ichapasi, pindukila kukwane ukuti mupokiwe, pakuti Ane ne Chala, sona atalipo uyunji.

Yesaya 8:17

Nkumulindilila u Mwene, yuyo akubafisa icheni chache abamunyumba iya Yakobo. Po nkwiza pakumusubila.

Nkuto 3:24

Ane nkanena nemwene nkati, “U Mwene weyuyo nkumulonda, po nkwiza pakumusubila.”

Daniyeli 3:17

Nanti twasumbiwa mumoto, u Chala yuyo tukumubombela angatupoka ku moto uwa muvuno, sona na munyobe zyako.

Hoseya 12:6

Loli unyokelaye kwa Chala wako, lemezya ulughano nu bwanaloli sona mulindililaye bulo u Chala winyu akabalilo kosi.

Yoweli 1:19

Wee Mwene, tukulila kukwako, pachifukwa icha moto ghugho ghocha apakudimilapo ivitekwa, zyope indimi izya moto zyocha amakwi ghosi.

Habakuku 2:1

Nkwiza pakwimilila pabuzilo ubwakulindililapo, nukwikala pachitembe, nkwiza pakulindilila nukwennya zizyo akwiza pakumbuzya, sona na zizyo akwiza pakunyamula ukuyana nukwilumbusya kwane.

Habakuku 2:3

Pakuti ubuvumbuli bukulindilila akabalilo kache, bukunena nizya bumalilo, sona butakwiza pakusimikiziwa ukuti bumyasi. Napapo bungakaba, pope bulo ubulindililaye, naloliloli bukwiza pakwiza, sona butakwiza pakukabila.

Ukubelengiwa 5:28

Loli nanti umukolo yula atinyazizyepo mwene, sona nukuti ate ninongwa nayimoyimo, akupimiwa pakuba musita nongwa, po akwiza pakupapagha abana.