Mika 7:4 - IBAYIBOLO 2024

⁴ Umuntu umwiza nkani mumwabo ali ngati we ntolovu, umugholosu nkani ukuchilapo mumwabo ali ngati lupaso ulwa mivwa. Isiku ilyakufundiwa abalindilili bako lyafika lilyo u Chala akubendela. Ilelo kanaka ko kabalilo akakuvulungana.

Mika 7:4 Iomraidhean Croise

Yesaya 10:3

Nkimba mukwiza pakubomba ichoni pisiku ilya lufundo, bo ukunanganika kukwiza ukufuma kubutali? Nkimba mukwiza ukuchimbilila kwa wenu ukuti mubwaghe ubwavwilizi? Nkimba mukwiza pakumulekela uwenu ubukabi bwinyu?

Yesaya 22:5

U Mwene, u Mwene Uwamaka Ghosi, abika isiku ilyavyongo, sona ilya kukanyankila nilya koghofya Mwikombe ilya Chisetuka, isiku lilyo amalinga ghakumongonkana, nukulila kumaghamba pakulaba ubwavwilizi.

Yesaya 55:13

Mubuzilo ubwa mivwa mukwiza pakumela amakwi agha payini, mubuzilo ubwa ntumbusya mukwiza pakumela amakwi aghamazwanga. Ichi chikwiza pakuba chimanyilo icha Mwene, icha bwila na bwila, chicho chitakwiza pakunanganika.”

Yelemiya 10:15

Vite nimbombo nayimoyimo, pakuti imbombo yabo yabuzimbuli mpela, sona pakabalilo aka lufundo lwabo bakwiza pakuzimila.

Yelemiya 11:23

Atakwiza pakuponapo nayumoyumo pachifukwa ichakuti nkwiza pakubawisizya intamyo abantu aba ku Anatoti, mumwaka wabo uwa lufundo.”

Yelemiya 46:21

Abasilikali abaganyu babo bali nabo, bali ngati ngwata inyine. Bope bulo bakwiza pakunyokela mwisinda nukuchimbila poka, pakuti isiku lyabo ilya lufundo likubizila, batakwiza pakujimba, pakuti isiku ilya lufundo likubizila, ko kabalilo akakunanganikila

Yelemiya 8:12

Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nabafunda. Ane ne Mwene nanena.’

Ezekiyeli 2:6

Sona nawe we mwana uwa muntu utakabanyilaye, utakanyilaye, napapo abantolovu namivwa vikuzyunguliye sona ukwikala pakasi pabankonya. Utakanyilaye zizyo bakunena pamo bakukoghofya, napapo abamunyumba iyakusambuka.

Ezekiyeli 28:24

“ ‘Aba Izilayeli batakwiza pakulasiwa na bantolovu sona namivwa pakasi pabapalamani babo ababibi. Po bakwiza pakumanya ukuti ane ne Mwene Uwamaka Ghosi.

Amosi 8:2

U Mwene akalalusya akati, “Amosi nkimba ukwennya ichoni?” Nkamula nkati, “Nkwennya ichidudunga icha vikomwa ivitonu.” Po u Mwene akambuzya akati, “Ubumalilo ubwa bantu bane aba Izilayeli bwafikila. Ntakwiza pakubaleka bulo.”

Nahumu 1:10

Bakwiza pakochiwa mumoto ngati mivwa, sona ngati mapelele amumizu. Abaching'wela bakwiza pakochiwa mumoto.

Luka 21:25

“Kukwiza pakuboneka ivintu iviyeni kwizuba na kumwezi, sona na kuntondwa. Pachisu ichapasi, abantu aba inko zyosi bakwiza pakutetema nukuvulungana, bo bennya ukuyingana ukwa nyanja na mayigha.

Aba Hebeli 6:8

Loli nanti likumezya amivwa ni sote, lite ni mbombo, sona bo lili papipi nukughuniwa. Po ubumalilo bwache ko kochiwa pamoto.