Mika 7:3 - IBAYIBOLO 2024

³ Inyobe zyabo zyosi zimenye nkani pakubomba ububibi, abalaghili bakulaba ivyabupi, abalongi bakwitika amabeko, abantu abamaka nkani bakunena ivintu ivibibi vivyo vyizuye mumoyo ghabo. Po bosi bakubatikila poka.

Mika 7:3 Iomraidhean Croise

Ivyili 16:30

Umuntu yuyo akusinizya na maso kokuti akubatika ububibi, sona yuyo akwighalila umulomo wache, akwitikizya ukuti ububibi bubombiwanje.

Ivyili 17:23

Umuntu umubibi akupokela amabeko kubusyefu, ukuti abunyongannye ubwanaloli panongwa.

Yesaya 1:23

Abalongozi bako basambuke, sona baba bo bamanyani aba biba. Baghanite nkani pakupokela amabeko, sona akabalilo kosi bakulonda vyo vyabupi. Batakubavighilila abana abalanda, pamo pakuteghelezya inongwa izya bakolo abafwilwe.

Yesaya 26:21

Ennya, u Mwene akufuma mubuzilo bwache ubwakwikalamo, pakubafunda abantu aba pachisu ichapasi pa pachifukwa icha mbibi zyabo. Po ichisu chikwiza pakuvumbula ibanda lilyo lyakupukilapo papache, ichisu ichapasi chikwiza pakubavumbula abantu babo bakaghoghiwa.

Yesaya 3:5

Abantu bakwiza pakukanyililana benebene, umuntu wesi nu muntu uyunji, umupalamani nu mupalamani uwamwabo. Abanandi bakwiza pakubasambukila abasongo, abantu abamwalwemwalwe na bachindamu.

Yesaya 32:7

Imbombo izya muntu umubibi mbibi, akubatika imbombo imbibi, pakubanangannya abapina nu bumyasi, napapo ukulambilizya ukwa basobelwe kugholosu

Yesaya 5:23

babo bakumulongela akiza inongwa umuntu umubibi pachifukwa icha mabeko, loli bakukana ubugholosu ubwa muntu yuyo ate ninongwa.

Yelemiya 3:5

Nkimba ukwiza pa kukalala akabalilo kosi? Nkimba ubukali bwako bukwiza pakwendelela mupaka bwila na bwila?’ Umu momumo ukunenela, loli pope bulo ukubomba ububibi bubo awe umenye pakububomba.”

Yelemiya 4:22

U Mwene akuti, “Abantu bane bapunganu, batammenye. Abana babo batakwinong'ona, sona batakwivwisya. Bo bafundi pakubomba ububibi, loli batamenye na pakubomba ubwiza.”

Yelemiya 8:10

Polelo nkwiza pakubalemeka abachi babo abanavuli abanji sona amaghunda ghabo ku bantu abanji. Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Ezekiyeli 22:12

Pakasi papinyu abantu bakupokela amabeko ukuti bakupule ibanda, bakupokela ichuma ichakonjelezya pamwanya kubapalamani binyu, loli mwanduvya ane. U Mwene Uwamaka Ghosi anena.

Ezekiyeli 22:27

Amakambala ghache ghali ngati bo bakambwe babo bali pakukavula inyama, bakukupula ibanda nukughogha abantu ukuti bakabilemo vimo umwabuzimbuli.

Ezekiyeli 22:6

“ ‘Ennya abamwene aba ba Izilayeli bali pakasi papinyu bakukupula ibanda pakubombezya ubulaghili bwabo.

Ezekiyeli 34:21

Ing'ozi idedebazu mukuzisyempya nukuzisunkilizizya kubutali, po mukuzilasa ni mpembe nukuzinyampanizizya kubutali,

Ezekiyeli 9:9

Akanyamula akati, “Imbibi izya aba Izilayeli sona nizya Yuda nkulu nkani, ichisu chizuye nukukupula ibanda sona mutwaya mute ubwanaloli nabumobumo. Bakuti, ‘U Mwene achileka chene ichisu sona atakwennya.’

Hoseya 4:18

Nanti bang'wela nkani uvinyo bakulowa, sona abalongozi babo bighanite nkani pakubomba inkozyasoni.

Hoseya 7:3

Bakumuhobosya u mwene nu bubibi bwabo, sona bakughahobosya amakambala na mazyu aghabumyasi.

Amosi 5:12

Pakuti inzimenye mumo ukunanga kwinyu kubeleye, sona nu bwinji ubwa mbibi zyinyu. Mukubayivya abantu abagholosu, nukupokela amabeko sona mukunyongannya ubwanaloli panongwa izya bantu abapina.

Mika 2:8

Loli u Mwene akamula akati, “Amwe mukabasambukila abantu bane ngati balwani. Mukubavula inkazo inyiza abantu babo bakudumusannya ukusita kupasya, bakunyokako kubwite umwakufwasa.

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Mika 3:2

Amwe mwe mububengite ubwiza nukubughana ububibi? Amwe mwe mukughakasa amabili agha bantu bane, sona mukwefyamo inyama mumafupa ghabo.

Matayi 26:15

Akabalalusya akati, “Nanti namubika u Yesu munyobe zyinyu, nkimba mukwiza pakumpa ichoni?” Bakabelengela isalabazya izya siliva 30 nukumupa.

1 Aba Kolinti 4:5

Polelo mutakamulongaye nayumo umuntu, bo na kabalilo akiza katafikite. Mulindililaye mupaka u Mwene ize. Umwene akwiza pakuvumbula pabuzelu ivintu vivyo vifisiwe muchisi. Akwiza pakuvumbula sona inyinong'ono izya bantu. Pakabalilo kalakala umuntu wesi akwiza pakupokela amapalo agha Chala.