Mika 7:2 - IBAYIBOLO 2024

² Abantu abakumwiputa u Chala bamalamo muchisu ichapasi, mutasyalamo nayumoyumo umuntu umusubiliwa. Abantu bosi bakuvwamilila pakukupula ibanda, umuntu wesi akumuvwima umukamu wache, ngati chinyamana chicho bakuchichimbizizya ku chilepa.

Mika 7:2 Iomraidhean Croise

Masalimo 10:9

Akumuvwamilila ngati nkalamu ukuti abalemaye abapotwe, akubalema abapotwe nukubawesela muchilepa chache.

Masalimo 12:1

Wee Mwene nyavwa, pakuti atasyalite nayumoyumo umuntu umugholosu, sona abasubiliwa bazimila pakasi pabantu.

Masalimo 12:2

Umuntu wesi akutamanta ku mupalamani wache, sona akumuzimbula na mazyu amanonu.

Masalimo 57:6

Bakutegha ichilepa ukuti bandeme, umoyo wane ghukuyimba nkani. Bakakumba ichiliba muzila yane, loli bawilamo bene muchibwina chilachila.

Ivyili 1:11

Nanti bakuti, “Twende tubukaye poka. Zagha tuvwamililaye pakukupula ibanda ilya muntu, zagha tubavwamililaye abasita nongwa,

Ivyili 12:6

Amazyu agha muntu umubibi ghakughogha, loli amazyu agha muntu umugholosu ghakumupokagha.

Yesaya 3:5

Abantu bakwiza pakukanyililana benebene, umuntu wesi nu muntu uyunji, umupalamani nu mupalamani uwamwabo. Abanandi bakwiza pakubasambukila abasongo, abantu abamwalwemwalwe na bachindamu.

Yesaya 57:1

Abagholosu bakufwa, sona atalipo nayumo umuntu yuyo akupasyapo, abantu abasubiliwa bakusendiwa, sona atalipo nayumo yuyo akwivwisya, ukuti abagholosu bakusendiwa, ukuti ububibi butakabawile.

Yesaya 59:7

Inyayo zyabo zikuchimbilila pakubomba imbibi, zyengo pakukupula ibanda lilyo lite ninongwa. Inyinong'ono zyabo mbibi, kosi kuko bakwenda, bakunangannya nukuleka ivisami.

Yesaya 9:19

Pachifukwa icha bukali ubwa Mwene Uwamaka Ghosi ichisu chikwiza pakupya sona abantu bakwiza pakuba nkwi izya moto, atalipo nayumo yuyo akwiza pakumupelela ichisa uwamwabo.

Yelemiya 16:16

U Mwene akuti, “Loli ilelo nkwiza pakubatumila abaloba iswi abinji nkani, babo bakwiza pakubaloba abantu banaba. Pisinda pache nkwiza pakubatumila ababingi abinji nkani, po bakwiza pakubabinga mumaghamba ghosi na mutughamba tosi sona na mumpako izya mabwe.

Yelemiya 5:16

Inyambi izyakunyamulilamo utulasilo zili ngati lipumpa lilyo lili bwazi, bosi banaba zyo nkwanta izya ababwite.

Yelemiya 5:26

“Mukasi mubantu bane mulimo abantu ababibi babo bakuvwamilila ngati bantu babo bakutegha iviyuni sona ngati bantu babo bakutegha ivipingo nukubalema abantu.

Yelemiya 8:6

Nabateghelezya nkani ku zizyo bakunena loli batakunenapo nazimozimo ingolosu. Atakabapo nayumoyumo uwakuzileka imbibi zyache, nukunena ukuti, “Nkimba nananga choni?” Loli umuntu wesi akubuka ku zila izyache ni zyache, ngati yo falasi yiyo nyengo nkani pakulwa ubwite.

Nkuto 4:18

Bakakonkezyanga inyayo zyitu ngati zyo mbwa, umwakuti tutakendagha na mumusebo bulo. Po amasiku ghitu ghakamala kale, sona bope ubumalilo bwitu bwafika.

Ezekiyeli 22:12

Pakasi papinyu abantu bakupokela amabeko ukuti bakupule ibanda, bakupokela ichuma ichakonjelezya pamwanya kubapalamani binyu, loli mwanduvya ane. U Mwene Uwamaka Ghosi anena.

Ezekiyeli 24:6

“ ‘U Mwene Uwamaka Ghosi akuti: Chighune kukaya akakulu nkani, kako kakukupula ibanda, kali ngati sonta yiyo yili nuluzima, lulo lutakuziwe! Usendemo ichipuza ni chipuza, sona utakasalaye.

Hoseya 5:1

“Mwe baputi, ivwa kuno, sona mwe ba Izilayeli, teghelezya! Mwee bamunyumba iya bumwene, teghelezya, pakuti mukwiza pakulongiwa. Amwe mwaba mwe chipingo icha Mizipa, sona ichilepa chicho bachikuzuliye pa Taboli.

Hoseya 6:9

Ngati gho mavyondongo ghagho ghakuvwamilila abantu, momumo bope abaputi bakunangila. Bakubaghogha abantu pamusebo uwakubukila ku Shekemu, sona bakubomba ivintu ivikozya soni.

Mika 2:8

Loli u Mwene akamula akati, “Amwe mukabasambukila abantu bane ngati balwani. Mukubavula inkazo inyiza abantu babo bakudumusannya ukusita kupasya, bakunyokako kubwite umwakufwasa.

Mika 3:10

mwe mukukazenga akaya akakulu nkani aka Ziyoni pakukupula ibanda, sona mukumuzenga u Yelusalemu nububibi.

Mika 3:2

Amwe mwe mububengite ubwiza nukubughana ububibi? Amwe mwe mukughakasa amabili agha bantu bane, sona mukwefyamo inyama mumafupa ghabo.

Zekaliya 11:6

Pakuti ntakwiza pakuba ni chisa na bantu aba muchisu chilachila. Nkwiza pakumubika umuntu wesi munyobe izya mupalamani wache nu mwene wache. Bakwiza pakuchiyivya ichisu, sona ntakwiza pakubapoka munyobe zyabo.” U Mwene anena.

Imbombo 24:9

Aba Yuda bope bakinjililamo pakunena ukuti zyosi zinizi zikaba zyanaloli.

1 Samuweli 24:11

Tata wane, ennya akamwenda aka nkazo yako munyobe yane. Ngali nakughoghite loli nkadumula bulo akamwenda aka. Po uzimanye ukuti ane inte ni nyinong'ono nazimo izya kukusambukila pamo ukughogha. Ane intakunangiyepo nachimochimo, loli ukumbingambinga ukuti ungoghe.

1 Samuweli 26:20

Polelo utakanyitikizye ukuti imfwile muchisu icha kubutali nu Mwene, pakuti u mwene uwa Izilayeli iza pakundondelezya ne kapantila ngati akubinga inkwale mumaghamba.”