Mika 7:19 - IBAYIBOLO 2024

¹⁹ Ukwiza pakuba ni chililizi naswe, sona ukwiza pakuzikanyilila imbibi zyitu, nukubusumbila pasi panyanja ububibi bwitu.

Mika 7:19 Iomraidhean Croise

2 Samuweli 24:14

U Devedi akamubuzya u Gadi akati, “Awe, ane nkutamiwa nkani mumoyo wane. Zagha tuwile munyobe izya Mwene, pakuti ichisa chache chikulu nkani. Loli utakanyitikizye ikuti ingwile munyobe izya bantu.”

Masalimo 103:12

Kubufumilo bwizuba kutali nkani na kubwinjililo bwizuba, umwakuyana bulo efizye imbibi zyitu kubutali nkani naswe.

Masalimo 130:8

Po akwiza pakumutabula u Izilayeli kumbibi zyache zyosi.

Masalimo 85:3

Wefizyepo ukukalala kwako kosi, ukakuleka ukukalala kwako ukwakoghofya.

Yesaya 33:24

Atalipo nayumoyumo yuyo akwikala mu Ziyoni akwiza pakunena ukuti, “Ane ne mubine” sona ni mbibi izya babo bakwikala mulamula zikwiza pakuhobokeliwa.

Yesaya 38:17

Ichifukwa chicho nkivwanga ububavu chakuti, nivwanje akiza. Pakuti wampoka kubufwe, nukuhobokela imbibi zyane zyosi.

Yesaya 43:25

“Ane nene nkuhobokela imbibi zyinyu, sona pachifukwa icha nene, ntakwiza pakuzikumbuka sona imbibi zyinyu.

Yelemiya 31:20

Nkimba u Efulayimu te mwana wane umulumendo umughaniwa, nkimba te mwana wane uwa pamoyo? Napapo nkumunena ububibi kabilikabili, loli pope bulo nkumukumbuka. Polelo umoyo wane ghukumusamba, sona nkuba nawe nichililizi ichikulu. Ane ne Mwene nanena.

Yelemiya 31:34

Nayumoyumo umuntu yuyo akwiza pakumumanyisya umupalamani wache, pamo ukumubuzya umukamu wache ukuti, ‘Umumanye u Mwene.’ Pakuti bosi bakwiza pakummanya ane, abana abanandi na bantu abasongo bulo. Nkwiza pakubahobokela imbibi zyabo, sona ntakwiza pakukumbukapo nalumolumo ukunanga kwabo.”

Yelemiya 33:8

Nkwiza pakubaswefya kumbibi zyabo zyosi zizyo bakanangila nukubahobokela sona nkwiza pakwefyapo imbibi zyabo zyosi izyakunsambukila zizyo bakabomba.

Yelemiya 50:20

Mumasiku ghalaghala sona pakabalilo kalakala, nkwiza pakulondelezya ukunanga ukwa Izilayeli, loli kutakwiza pakwaghiwa, sona zilondelezye imbibi izya Yuda, loli zitakwiza pakwaghiwa, pakuti nkwiza pakubahobokela abakusyalako bala. Ane ne Mwene nanena.”

Nkuto 3:22

U Mwene atughanite nkani, cho chifukwa aswe tutakunanganika, sona ichisa chache chitakumalaghapo nalumo.

Nkuto 3:32

Napapo angabisizya abantu intamyo, loli akubanga ni chililizi, pakuti ulughano lwache lulo lutakupotwangapo nalumolumo lukulu nkani.

Ezekiyeli 18:22

Ntakwiza pakukumbukapo ukunanga kwache kuko akabomba. Pachifukwa icha vintu ivigholosu vivyo akabomba, akwiza pakuba nubumi.

Ezekiyeli 39:29

Ntakwiza pakubafisa sona icheni chane, pakuti nkwiza pakubapungulila Umuzimu wane aba Izilayeli,” U Mwene Uwamaka Ghosi anena.

Daniyeli 9:24

“Amaka 7 agha tubalilo aka 70 twabikiwa ukuti abantu aba mukaya akazelu, poka nakaya kako akakulu nkani akazelu babuleke ububibi bwabo sona ni mbibi. Bapepesyanje imbibi zyabo pakubomba ubugholosu ubwa bwila na bwila ichisetuka nu bulaghuzi vikwiza pakukwanilisiwa, sona Ubuzilo Ubuzelu nkani bula bupaghuliwanje.

Hoseya 14:2

Ghalemezye amazyu, po munyokele kwa Mwene. Mumubuzye ukuti, “Tuhobokele imbibi zyitu, sona pokela ulwiputo lwitu, po imilomo yitu yikupalaye.

Hoseya 14:4

U Mwene akuti, “Nkwiza pakubapozya ubusambuke bwabo, po nkwiza pakubaghana bulo, pakuti ubukali bwane papabo bwatozoka.

Zekaliya 3:4

Uwantumi akababuzya abantu babo bakimilila pamaso papache akati, “Muvule amenda amanyazu agha.” Po akamubuzya u Yoshwa akati, “Ennya nazyefya imbibi zyako, nakuvwika amenda amiza amapya agha.”

Aba Loma 6:14

Imbibi yitakwiza pakuba nu bulaghili papinyu pakuti mute pasi pabulaghili ubwa ndaghilo, loli pasi pachisa icha Chala.

Aba Loma 8:13

Pakuti nanti mukukonka ubuntu bwinyu ubwa mbibi, mukwiza pakufwa. Loli nanti u Muzimu Umuzelu akubavwa pakughogha imbombo zyinyu izya mubili, mukwiza pakuba nubumi.

Ukukumbusya Amalamulo 30:3

u Mwene u Chala winyu akwiza pakubanyosya nukubapepela ichisa. Akwiza pakubabungannya mwebosi muvyisu vyosi vivyo akabanyampanikizizyako.

Ukukumbusya Amalamulo 30:6

U Mwene u Chala winyu akwiza pakubapa amwe na baluko lwinyu amoyo aghakwivwila, umwakuti mukwiza pakumughana na moyo ghinyu ghosi, sona nu muzimu winyu ghosi, ukuti mubanje nubumi.

Ukukumbusya Amalamulo 32:36

U Mwene akwiza pakubalonga abantu bache. Akwiza pakubapelela ichisa ababombi bache bo ennya ukuti amaka ghabo ghamala, sona nukuti atalipo nayumoyumo umuntu uwakusyala, manyi muzya, pamo musatuke.

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.

Aba Hebeli 8:12

Nkwiza pakubahobokela imbibi zyabo, sona ntakwiza pakubukumbukapo nalumolumo ukunanga kwabo.”

1 Yohani 3:8

Umuntu wesi yuyo akwendelela pakubomba imbibi, mwana uwa Satana, pachifukwa ichakuti u Satana mubibi ukwandila ko kubwandilo. Pakuti u Mwana uwa Chala akiza umwakuti anangannye imbombo izya Satana yula.