Mika 7:18 - IBAYIBOLO 2024

¹⁸ Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Mika 7:18 Iomraidhean Croise

Ubwandilo 4:7

Nanti ukabombagha chicho chiza, nkimba ngali intakahoboka nawe? Loli pachifukwa ichakuti wabomba ichintu ichibibi, imbibi yinyonyotaye pamulyango ngati chinyamana ichikali. Yikulonda ukuti yikuleme, loli awe uyipotaye.”

1 Abamwene 8:23

“Wee Mwene u Chala uwa ba Izilayeli, ataliko u Chala uyunji kumwanya pamo pachisu ichapasi yuyo ayanite nawe. Pakuti awe ukusunga ulufingo lulo ukafingana na babombi bako babo bakuzikonka indaghilo zyako na moyo ghabo ghosi.

2 Imbili 30:9

Nanti mwanyokela kwa Mwene, po abantu babo bakalema abakamu binyu na bana binyu bakwiza pakubapelela ichisa, sona bakwiza pakunyokela muchisu chinichi, pakuti u Mwene u Chala winyu wachisa sona wachililizi. Atakwiza pakubapa inkonto nanti mwanyokela kukwache.”

2 Imbili 6:21

Ivwa inyiputo izya mubombi wako, sona nizya bantu bako aba Izilayeli, bo bakwiputa pabuzilo ubu. Ivwa uko kumwanya kuko ukwikala nukutuhobokela.

Nehemiya 9:17

Batakivwila sona bakaluvya ivyika vivyo ukabomba pakasi papabo. Bakaba na moyo amakafu nkani sona bakasambuka pakusala abalongozi ukuti banyokele kubukayidi mu Ijiputi. Loli awe we Chala, we waluhobokelo, we wachisa, sona we wachililizi, utakukalala lubilolubilo, sona we walughano nkani. Po utakabakana,

Masalimo 103:13

Ngati mumo uwise akubela ni chililizi na bana bache, umwakuyana bulo u Mwene akubanga ni chililizi na bantu babo bakumuchindika.

Masalimo 130:4

Loli awe ukuhobokela, cho chifukwa ukuchindikiwanga.

Masalimo 35:10

Nu moyo wane ghosi nkwiza pakunena ukuti, “Wee Mwene, nkimba wewenu ayanite nawe? Ukubapoka abapina munyobe izya bantu abamaka ukubachila, sona ukubapoka abapina na bapotwe munyobe izya bantu babo bakubafyula ivintu vyabo.”

Masalimo 65:3

Pakabalilo kako imbibi zikang'wama papitu, awe ukatuhobokela ububibi bwitu.

Masalimo 65:4

Basayiwa abantu babo ukabasala, nukubapalamizya papipi nawe ukuti bikalaye, mulubinjilo lwako ulwanongwa. Pakuti tukwiza pakwikuta ivintu ivyiza ivya munyumba yako, inyumba izelu.

Masalimo 71:19

Wee Chala, ubugholosu bwako bwafika mupaka ko kumwanya, sona wabomba ivintu ivikulu nkani, Wee Chala, nkimba wewenu ayanite nawe?

Masalimo 86:15

Loli awe wee Mwene we wachililizi nu wachisa, yuyo atakukalala lubilolubilo nu walughano nkani, sona nu musubiliwa.

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Masalimo 89:6

Nkimba wewenu mumwanya angayana nu Mwene? Nkimba wantumi wenu uwakumwanya yuyo ayanite nu Mwene?

Masalimo 89:8

Wee Mwene u Chala Uwamaka Ghosi, nkimba wewenu yuyo ayanite nawe? Wee Mwene awe we wamaka, ubusubiliwa bwako bope bukuzyunguliye.

Ukufuma 15:11

“Wee Mwene, nkimba alipo u chala uyunji, yuyo ayanite nawe? Nkimba wewenu ayanite nawe, we muchindikiwa sona we muzelu? Nkimba wewenu angayana nawe, pakupela ivyika ni viswigho?

Ukufuma 34:9

Po akati, “Wee Mwene nanti naloli wahoboka nane, nkukulaba ukuti ubuke naswe. Napapo abantu banaba amoyo ghabo makafu nkani, loli utuhobokele imbibi zyitu nukunanga kwitu kosi nukutupokela pakuba bantu bako na bako.”

Yesaya 1:18

Po u Mwene akuti, “Zagha tunenezannye. Napapo imbibi zyinyu zingaba chee ngati libanda, zikwiza pakuba swee ngati we kabefu. Napapo zingaba nchesamu loli zikwiza pakuswepa ngati busapa.

Yesaya 33:24

Atalipo nayumoyumo yuyo akwikala mu Ziyoni akwiza pakunena ukuti, “Ane ne mubine” sona ni mbibi izya babo bakwikala mulamula zikwiza pakuhobokeliwa.

Yesaya 38:17

Ichifukwa chicho nkivwanga ububavu chakuti, nivwanje akiza. Pakuti wampoka kubufwe, nukuhobokela imbibi zyane zyosi.

Yesaya 40:18

Nkimba u Chala tungamufwanikizya nu wenu? Nkimba chifwani choni chicho tungamufwanikizya nacho?

Yesaya 40:25

“Nkimba mungamfwanikizya nu wenu? Pamo wenu yuyo ayanite nane?” Umuzelu anena.

Yesaya 43:25

“Ane nene nkuhobokela imbibi zyinyu, sona pachifukwa icha nene, ntakwiza pakuzikumbuka sona imbibi zyinyu.

Yesaya 44:22

Nabwefya ububibi bwako ngati libingu, imbibi zyako nazyefya ngati we kabefu, nyokela kukwane, pakuti nakutabula.”

Yesaya 55:7

Mubaleke ababomba mbibi, baleke inkalo zyabo imbibi, sona bope abantu ababibi bazileke inyinong'ono zyabo inyonganu. Baleke banyokele kwa Mwene, ukuti abapelele ichisa, sona nakwa Chala witu, pakuti akwiza pakubahobokela.

Yesaya 57:10

Mukalita pachifukwa ichabutali ubwa zila zyinyu, loli mutakanena pakuti, “Chabulo.” Amaka ghinyu ghakanyokelamo, po mutakadedebala.

Yesaya 57:16

Ntakwiza pakulongana nu muntu bwila na bwila, pamo ukumukalalila amasiku ghosi, pakuti mumwane momumo mukafumila umuzimu, sona nene nkaghupela umuyi uwa bumi.

Yesaya 62:5

Ngati mumo umulumendo akusendela umukolo, momumo abana bako abalumendo, bakwiza pakukusenda, ngati mumo umwenesendwa akuhobokela, numulindu yuyo amusenda, momumo u Chala wako akwiza pakuhoboka nawe.

Yesaya 64:9

Wee Mwene, utakatukalalilaye ukuchilapo, sona utakazikumbukaye, imbibi zyitu bwila na bwila. Wee, utupelele ichisa twalaba, pakuti twebosi twe bantu bako.

Yesaya 65:19

Nkwiza pakusekela nu Yelusalemu, sona nukuhoboka na bantu bane, ichongo icha kufwifwitila ni chakulila, vitakwiza pakwivwikamo nalumo.

Yelemiya 3:12

U Mwene akati, “Buka ufumusye amazyu amiza kumitu, ‘Nyokela Izilayeli we musita kusubiliwa, icheni chane chitakwiza pakukukalalila, pakuti ane ne wachisa, ntakwiza pakukukalalila bwila na bwila. Ane ne Mwene nanena.

Yelemiya 3:5

Nkimba ukwiza pa kukalala akabalilo kosi? Nkimba ubukali bwako bukwiza pakwendelela mupaka bwila na bwila?’ Umu momumo ukunenela, loli pope bulo ukubomba ububibi bubo awe umenye pakububomba.”

Yelemiya 31:20

Nkimba u Efulayimu te mwana wane umulumendo umughaniwa, nkimba te mwana wane uwa pamoyo? Napapo nkumunena ububibi kabilikabili, loli pope bulo nkumukumbuka. Polelo umoyo wane ghukumusamba, sona nkuba nawe nichililizi ichikulu. Ane ne Mwene nanena.

Yelemiya 31:34

Nayumoyumo umuntu yuyo akwiza pakumumanyisya umupalamani wache, pamo ukumubuzya umukamu wache ukuti, ‘Umumanye u Mwene.’ Pakuti bosi bakwiza pakummanya ane, abana abanandi na bantu abasongo bulo. Nkwiza pakubahobokela imbibi zyabo, sona ntakwiza pakukumbukapo nalumolumo ukunanga kwabo.”

Yelemiya 32:41

Nkwiza pakuhoboka nkani pakubabombela inyiza sona nkwiza pakubabyala muchisu chinichi nu moyo wane ghosi sona nu muzimu wane ghosi.

Yelemiya 33:8

Nkwiza pakubaswefya kumbibi zyabo zyosi zizyo bakanangila nukubahobokela sona nkwiza pakwefyapo imbibi zyabo zyosi izyakunsambukila zizyo bakabomba.

Yelemiya 38:8

u Ebedimeleki akafumamo munyumba iya bumwene nukumubuzya ukuti,

Yelemiya 50:20

Mumasiku ghalaghala sona pakabalilo kalakala, nkwiza pakulondelezya ukunanga ukwa Izilayeli, loli kutakwiza pakwaghiwa, sona zilondelezye imbibi izya Yuda, loli zitakwiza pakwaghiwa, pakuti nkwiza pakubahobokela abakusyalako bala. Ane ne Mwene nanena.”

Yelemiya 9:24

Wesi yuyo akulonda ukwituvya, ituvikizyanje muchintu ichakuti, ammenye sona akunyivwisya, ukuti ane ne Mwene uwachisa, uwanaloli, sona umugholosu pachisu ichapasi, pakuti nkuhoboka na zinizi. Ane ne Mwene nanena.

Ezekiyeli 18:23

U Mwene Uwamaka Ghosi akuti: Nkimba nkuhoboka nimfwa iya muntu umubibi? Nkimba intangahoboka nanti azileka imbombo zyache imbibi nukuba mumi?

Ezekiyeli 33:11

Ubabuzye ukuti, ‘U Mwene Uwamaka Ghosi ati: Naloliloli nkulapa, intakuhoboka nimfwa iya muntu umubibi, loli nkuhoboka nanti akuzileka imbibi nukuba nubumi. Mwee ba Izilayeli nyokako nukuzileka izila zyinyu imbibi! Nkimba mukufwilachi?’

Ezekiyeli 33:16

Ntakwiza pakuyikumbukapo nayimo imbibi yiyo akabomba. Pakuti abomba ubwanaloli nu bugholosu, naloliloli akwiza pakuba nubumi.

Daniyeli 9:9

U Mwene u Chala witu wachisa nkani sona waluhobokelo nkani, napapo twamusambukila.

Hoseya 14:2

Ghalemezye amazyu, po munyokele kwa Mwene. Mumubuzye ukuti, “Tuhobokele imbibi zyitu, sona pokela ulwiputo lwitu, po imilomo yitu yikupalaye.

Hoseya 14:5

Pa ba Izilayeli nkwiza pakuba ngati ne nganda, bakwiza pakubazya ngati bwezya, Abantu banaba bakwiza pakumela amagululuzi, amagululuzi ngati makwi agha mwale mu Lebanoni.

Yoweli 2:32

Umuntu wesi yuyo akulabila mwitabwa ilya Mwene akwiza pakupokiwa. Pakuti pighamba ilya Ziyoni na mu Yelusalemu mukwiza pakuba ubupoki, ukuyana namumo u Mwene anenela pakasi pabantu abakupona, pakwiza ukwaghiwapo babo u Mwene akubitizya.”

Amosi 1:11

U Mwene akuti, “Pakuti abantu aba mu Edomu bakunanga kabilikabili, po ane ntakwiza pakubwisya ubukali bwane. Akamuchimbizya umukamu wache nupanga, sona atakamupelela ichisa, pachifukwa ichakuti ubukali bwache bukakagha, sona ukukalala kwache kutakisiwa.

Amosi 7:8

U Mwene akandalusya akati, “Wee Amosi, nkimba ukwennya ichoni?” Nkamula nkati, “Ulukusa ulwakupimila ulubumba.” Po u Mwene akati, “Ennya, nkupima ulukusa pakasi paba Izilayeli, ntakwiza pakubaleka bulo awe.

Amosi 8:2

U Mwene akalalusya akati, “Amosi nkimba ukwennya ichoni?” Nkamula nkati, “Nkwennya ichidudunga icha vikomwa ivitonu.” Po u Mwene akambuzya akati, “Ubumalilo ubwa bantu bane aba Izilayeli bwafikila. Ntakwiza pakubaleka bulo.”

Yona 4:2

Po akiputa kwa Mwene akati, “Wee Mwene izi zyo zizyo nkanenagha bo inchili indikukwitu. Ichi cho chifukwa nkachimbilila lubilolubilo kuchisu icha Talishishi. Nkazimanya ukuti we Chala uwa lughano sona uwachisa, nukuti akabalilo kosi we mufisalyoyo nu wachililizi sona wiyanizye pakuhobokela imbibi akabalilo kosi.

Mika 2:12

Wee Izilayeli, naloliloli nkwiza pakubabungannya mwebosi poka, naloliloli nkwiza pakubabungannya abantu abakusyalako aba Izilayeli. Nkwiza pakubabungannya ngati ng'ozi muchibagha, sona ngati gho mudimo apakudimilapo, ubuzilo bukwiza pakwizula na bantu abinji nkani.

Mika 4:7

Abantu abalemazu nkwiza pakubapela pakuba bakusyalako, po babo bakaba bazya lubanje luko ulwa maka. U Mwene akwiza pakubalaghila Pighamba ilya Ziyoni, ukwandila pisiku lilalila mupaka bwila na bwila.

Mika 5:3

Polelo u Mwene akwiza pakubabika aba Izilayeli munyobe izya balwani, mupaka pakabalilo kako umukolo yuyo ali nulwanda asayiwe, sona abanji bosi abaluko lwache bakwiza pakunyokela nukwikala poka naba Izilayeli.

Mika 7:14

Wee Mwene, badime abantu bako ni ndisa yako, umudimo uwampyana yako, ghugho ghukwikala wene mumusitu. Ghuleke ghulyanje apakudimilapo, ghuleke ghulyanje mu Bashani, na mu Giliyadi ngati mo mumasiku aghakale.

Zefaniya 3:17

U Mwene u Chala winyu ali namwe, wamaka nkani pakupoka. Akwiza pakuhoboka nkani namwe mulughano lwache akwiza pakubapa ubumi ubupya, akwiza pakusekela namwe pakwimba inyimbo.”

Ukubelengiwa 23:21

Nachimochimo ichighune akuchennyamo mwa Yakobo, atakuyennyamo nayimoyimo intamyo mwa Izilayeli. U Mwene u Chala wabo ali nabo, sona aba we mwene pakasi papabo.

Luka 15:32

Loli zagha tusekelaye pakuti umuzuna wako akafwa, loli ilelo mumi. Akasobela, loli ilelo aghiwa.’ ”

Luka 24:47

sona nukuti mwitabwa lyache amazyu ghalumbililiwe pakasi pabantu aba inko zyosi ukwandila mu Yelusalemu ukuti abantu bapinduke nukuzileka imbibi zyabo, sona nukuti u Chala abahobokele imbibi zyabo.

Aba Loma 11:4

Nkimba u Chala akamwamula bulibuli? Akamwamula akati, “Nisungiye nemwene abanavuli 7,000, babo batamuchindikitepo u Baala, u chala umumyasi yula.”

Ukukumbusya Amalamulo 33:26

“Atalipo nayumo u chala uyunji uwakuyana nu Chala uwa Izilayeli, yuyo akwenda mubuchindamu mumwanya, sona yuyo akukwela pamabingu nukwiza pakukwavwa.

Yakobo 2:13

Pakuti u Chala atakwiza pakulanjizya ichisa, bo akumulonga umuntu yuyo atakaba ni chisa. Loli umuntu wesi yuyo ali ni chisa atakwiza pakubunyila ubulongi ubwa Chala.

Abalongi 10:16

Po bakabefya abachala abayeni bala pakasi papabo nukumubombela u Mwene. U Mwene akaba ni chitima naba Izilayeli pachifukwa icha mayimba ghabo.